ມີເດຍລາວແຂວງຫຼວງພະບາງ
ວັນທີ່ 28 ມິຖຸນາ 2021 ທ່ານ ວົງສະຫວັນ ເທບພະຈັນ ຮອງເລຂາພັກແຂວງ ປະທານສະພາປະຊາຊົນແຂວງ ລົງເຄື່ອນໄຫວເຜີຍແຜ່ຜົນສໍາເລັດກອງປະຊຸມສະພາແຫ່ງຊາດຊຸດທີ່ IX ແລະ ສະພາປະຊາຊົນແຂວງຫລວງພະບາງຊຸດທີ່ II ຢູ່ທີ່ຫໍປະຊຸມ ບ້ານລາດທ່າແຮ່ກຸ່ມພັດທະນາທີ່ 5 ໃຫ້ກຽດເຂົ້າຮ່ວມຂອງ ທ່ານ ແສງຈັນ ວິລະປັນຍາ ກໍາມະການພັກເມືອງຄະນະຮັບຜິດຊອບຊີ້ນໍາບ້ານລາດທ່າແຮ່, ບ້ານປາກແຈກ, ມີອໍານາດການປົກຄອງບ້ານ ລາດທ່າແຮ່,ບ້ານປາກແຈກ,ເຖົ້າແກ່ແນວໂຮມ ແລະ ພໍ່ແມ່ປະຊາຊົນບ້ານລາດທ່າແຮ່ເຂົ້າຮ່ວມຮັບຟັງ,ກ່ອນອື່ນ ທ່ານ ໜານອ່ອນ ເລຂາພັກບ້ານ ນາຍບ້ານລາດທ່າແຮ່ ກໍ່ໄດ້ຜ່ານບົດລາຍງານສະພາບລວມຂອງບ້ານລາດທ່າແຮ່ໂດຍຫຍໍ້,ບ້ານລາດທ່າແຮ່ເປັນບ້ານຊົນເຜົ່າລື້ມີ 131 ຄອບຄົວ, ມີພົນລະເມືອງທັງໝົດ 684 ຄົນ, ຍິງ379 ຄົນ, ມີສະມາຊິກພັກທັງໝົດ 30 ສະຫາຍ,ຍິງ 7 ສະຫາຍ, ສະມາຊິກພັກສໍາຮອງ 1 ສະຫາຍ, ອາຊີບປະຊາຊົນສ່ວນໃຫຍ່ແມ່ນປູກຝັງ-ລ້ຽງສັດ ແລະ ບໍລິການຈໍານວນໜຶ່ງ, ທົ່ວບ້ານມີເນື້ອທີ່ນາ 24,45 ເຮັກຕາ, ເນື້ອທີ່ໄຮ່ປູກເຂົ້າ 70 ເຮັກຕ່າ, ສວນຫຍ້າລ້ຽງສັດໃຫຍ່ 65 ຕອນ, ມີງົວ 253 ໂຕ, ຄວາຍ 197 ໂຕ, ທົ່ວບ້ານສາມາດສ້າງລາຍຮັບ ສະເລ່ຍໃສ່ຫົວຄົນໄດ້ 9,752,000 ກີບ ຕໍ່ຄົນຕໍ່ປີ,

ມາຮອດປະຈຸບັນແມ່ນໄດ້ສໍາເລັດການປັກດໍານາປີ ຈາກນັ້ນ ທ່ານ ວົງສະຫວັນ ເທບພະຈັນ ຮອງເລຂາພັກແຂວງ ປະທານສະພາແຫ່ງຊາດກໍ່ໄດ້ເຜີຍແຜ່ຜົນສໍາເລັດຂອງກອງປະຊຸມສະພາແຫ່ງຊາດຊຸດທີ່ IX ເຊິ່ງມີຜູ້ສະໝັກເລືອກຕັ້ງ13 ທ່ານປ່ອນບັດເລືອກຕັ້ງໄດ້ 10 ທ່ານ,ຍິງ 3 ທ່ານ ແລະສະພາປະຊາຊົນແຂວງຫລວງພະບາງຊຸດທີ່ II ມີຜູ້ສະໝັກເລືອກຕັ້ງ 5 ທ່ານປ່ອນບັດເລືອກຕັ້ງໄດ້ 3 ທ່ານ,ຍິງ1 ທ່ານ ພ້ອມຊີ້ແຈງກ່ຽວກັບບັນດາໜ້າວຽກທີທາງສະພາແຫ່ງຊາດຊຸດທີ່ IX ໄດ້ຄົ້ນຄວ້າພິຈາລະນາຮັບຮອງບັນດາເນື້ອໃນເອກະສານຕ່າງໆເພື່ອຈະໄດ້ປັບປຸງແກ້ໄຂ ແລະ ພ້ອມກັນວາງແຜນພັດທະນາເສດຖະກິດ-ສັງຄົມໃນ 5 ປີຕໍ່ໜ້າ, ທ່ານ ເລຂາພັກບ້ານລາດທ່າແຮ່ ແລະບ້ານປາກແຈກ,ພໍ່ແມ່ປະຊາຊົນກໍ່ໄດ້ສະເໜີກ່ຽວກັບຜົນກະທົບຕໍ່ຄອບຄົວພາຍໃນ 2 ບ້ານທີ່ທາງບໍລິສັດໄດ້ສັນຍາເຊັ່ນ, ການສະໜອງກະໂລ່ປູພື້ນເຮືອນ, ການສ້ອມແປງເສັ້ນທາງ,ຮ່ອງນໍ້າຢູ່ບ້ານຈັດສັນ, ການຕິດຕັ້ງລະບົບໂທລະໂຄ່ງໃຫ້ບ້ານ, ສ້າງຕະຫລາດຊຸມຊົນໃໝ່ເພື່ອທົດແທນຕະຫລາດເກົ່າທີ່ຖືກຜົນກະທົບ, ສ້າງເສັ້ນທາງເຂົ້າ-ອອກບ້ານຕືມ 1ເສັ້ນ, ແລະຄອບຄົວມີຄວາມສ່ຽງຢູ່ແຄມນໍ້າບ້ານເກົ່າຈໍານວນ 8 ຄອບຄົວ, ຕໍ່ກັບຄໍາສະເໜີດັ່ງກ່າວ ທ່ານ ວົງສະຫວັນ ເທບພະຈັນ ຮອງເລຂາພັກແຂວງ ປະທານສະພາແຫ່ງຊາດກໍ່ຈະນໍາໄປຄົນຄວ້າ ແລະພິຈາລະນາຄືນທັງສອງຝ່າຍກໍ່ຄືທາງບໍລິສັດ ແລະເບື້ອງພໍ່ແມ່ປະຊາຊົນໃນໄວໆນີ້.

ວັນດຽວກັນຍັງໄດ້ເຜີຍແຜ່ຜົນສໍາເລັດກອງປະຊຸມສະພາແຫ່ງຊາດຊຸດທີ່ IX ແລະສະພາປະຊາຊົນແຂວງຊຸດທີ່ II ຢູ່ຫໍປະຊຸມບ້ານຫາດປາງກຸມພັດທະນາທີ່6 ໂດຍເຂົ້າຮ່ວມຂອງ ທ່ານ ຄໍາເຫລັກ ຄໍາໄພລິດ ກໍາມະການພັກເມືອງ ຄະນະຮັບຜິດຊອບຊີ້ນໍາບ້ານຫາດປາງ, ມີອໍານາດການປົກຄອງບ້ານ, ເຖົ້າແກ່ແນວໂຮມ,ພໍ່ແມ່ປະຊາຊົນບ້ານຫາດປາງເຂົ້າຮ່ວມ 116 ຍິງ 53 ຄົນ, ວັນທີ່ 29 ມິຖຸນາ 2021ແມ່ນຈະສືບຕໍ່ລົງເຄື່ອນໄຫວເຜີຍແຜ່ຜົນສໍາເລັດກອງປະຊຸມສະພາແຫ່ງຊາດ ແລະສະພາປະຊາຊົນແຂວງຫລວງພະບາງຢູ່ບ້ານຫ້ວຍໂລ ແລະບ້ານໂພນສະຫວ່າງ, ວັນທີ່ 30 ມິຖຸນາ 2021 ແມ່ນສືບຕໍ່ເຄື່ອນໄຫວເຜີຍແຜ່ຢູ່ບ້ານຫ້ວຍໂອດ ກຸມພັດທະນາທີ່ 8 ເມືອງປາກອູ.