ມີເດຍລາວແຂວງຄຳມ່ວນ ຂ່າວ: ກອງຄຳ ວັນທີ 13 ມີນາ 2021 ຮ້ານຈ່ອຍເຄື່ອງເຢັນ ເຊິ່ງຕັ້ງຢູ່ບ້ານໂພນສະອາດ ເມືອງທ່າແຂກ ແຂວງຄຳມ່ວນ ໄດ້ສະຫຼຸບຍອດຂາຍ ແອ ຍີ່ຫໍ້ Midea ປະຈຳປີ 2020 ແລະ ສະເໜີໂປຼໂມຊັນ ປີ 2021 ພ້ອມທັງມອບລາງວັນ ເພື່ອຄືນກຳໄລໃຫ້ແກ່ລູກຄ້າ. ເຊິ່ງທ່ານ ຄຳປະເສີດ ໂຄດວົງສາ ເຈົ້າຂອງຮ້ານຈ່ອຍເຄື່ອງເຢັນ ໄດ້ກ່າວວ່າ: ຮ້ານຈ່ອຍເຄື່ອງເຢັນ ໄດ້ເລີ່ມດຳເນີນກິດຈະການມາແຕ່ປີ 2003 ໂດຍຈະມີການບໍລິການຈຳໜ່າຍ ແລະ ຕິດຕັ້ງແອລົດ, ແອເຮືອນ, ສ້ອມແປງແອ, ຕູ້ເຢັນ, ຕູ້ຊັກຜ້າ, ຕູ້ນ້ຳເຢັນ ແລະ ເຄື່ອງໃຊ້ໄຟຟ້າຕ່າງໆ ແລະ ໄດ້ເປັນຕົວແທນຈຳໜ່າຍແອ Midea ເລີ່ມແຕ່ປີ 2018 ເປັນຕົ້ນມາ.

ສຳລັບກິດຈະກຳທີ່ຈັດຂຶ້ນໃນມື້ນີ້ແມ່ນເພື່ອສົ່ງເສີມຜະລິດຕະພັນຂອງ Midea ແລະ ເຕົ້າໂຮມຄວາມສາມັກຄີລະຫວ່າງຜູ້ປະກອບການດ້ານຄວາມເຢັນຢູ່ພາຍໃນແຂວງ ແລະ ເພື່ອນຳສະເໜີສິນຄ້າທີ່ມີຄຸນນະພາບໃຫ້ກັບຜູ້ຊົມໃຊ້ພາຍໃນແຂວງຄຳມ່ວນ ເປັນຕົ້ນແມ່ນຜະລິດຕະພັນຂອງ Midea ໂດຍຈະມີການແນະນຳໂປຼໂມຊັນໃນປີ 2021 ແລະ ມອບຂອງລາງວັນ ເພື່ອສຳມະນາຄຸນ ແລະ ຄືນກຳໄລໃຫ້ແກ່ລູກຄ້າ ເຊິ່ງປະເພດຂອງລາງວັນປະກອບມີ: ຕູ້ນ້ຳເຢັນ, ເຕົາໄມໂຄເວັບ, ໝໍ້ຫຸງເຂົ້າ (ຍີ່ຫໍ່ Midea) ແລະ ຂອງຂວັນລາງວັນອື່ນໆອີກຈຳນວນໜຶ່ງ. ສຳລັບໂປຼໂມຊັນໃນປີ 2021 ທີ່ຈະນຳສະເໜີຕໍ່ລູກຄ້າປະກອບມີຄື: ເມື່ອລູກຄ້າຊື້ແອ Midea ທຸກລຸ້ນ ຄົບ 07 ໜ່ວຍ ພາຍໃນໄລຍະເວລາ 01 ເດືອນ ແມ່ນສາມາດແລກເອົານໍ້າຢາແອໄດ້ 01 ກ່ອງ, ຊື້ຄົບ 10 ໜ່ວຍ ແມ່ນສາມາດແລກເອົາ ຄໍາ ນໍ້າໜັກເຄິ່ງສະຫຼຶງ ແລະ ຊື້ແອ ຄົບ 40 ໜ່ວຍ ພາຍໃນໄລຍະເວລາ 04 ເດືອນ ທາງຮ້ານຕົວແທນຈຳໜ່າຍຈະພາທ່ານໄປທ່ຽວ ແຂວງຫຼວງພະບາງ ເປັນເວລາ 03 ມື້ 02 ຄືນ. ນອກຈາກກິດຈະກຳທີ່ກ່າວມາ ພາຍໃນງານຍັງມີການນຳສະເໜີຄຸນລັກສະນະການໃຊ້ງານ, ຄຸນນະພາບຂອງແອ ລວມເຖິງການຮັບປະກັນສິນຄ້າ, ການບໍລິການຫຼັງການຂາຍ, ການຕະຫຼາດຂອງ Midea ທັງພາຍໃນປະເທດ ແລະ ທົ່ວໂລກ.