ມີເດຍລາວແຂວງຈຳປາສັກ
ໃນວັນທີ14 ກັນຍາ 2021 ຮ້ານອາຫານ ຍີ່ປຸ່ນ ໄອດໍ້( ສາຍຟ້າ) ໄດ້ປະກອບສ່ວນຊ່ວຍເຫຼືອເມືອງປະທຸມພອນ ເຊິ່ງປະກອບມີ: ເຈວລ້າງມື,ນໍ້າດື່ມ,ສະເປແອລກໍຮໍ,ຜ້າປິດປາກ-ດັງ, ເຂົ້າຈີ່ ແລະ ເຂົ້າກ່ອງ ລວມມູນຄ່າ 14.560.000 ກີບ ເພື່ອປະກອບສ່ວນ ເຂົ້າໃນວຽກງານປ້ອງກັນ ແລະ ຄວບຄຸມ ການແຜ່ລະບາດຂອງພະຍາດໂຄວິດ-19 ພິທີມອບມີຂຶ້ນຢູຫ້ອງວ່າການເມືອງ, ມອບໂດຍທ່ານ ສາຍຟ້າ ອະພິໄຊ ກ່າວຮັບໂດຍທ່ານ ວຽງສະໄໝ ສີລິພອນພັນ ເຈົ້າເມືອງປະທຸມພອນ,ມີ ຄະນະນຳ ຜູ້ຕາງໜ້າ ຄະນະສະເພາະກິດສະກັດກັ້ນ, ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ເມືອງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.

ໂອກາດນີ້, ທ່ານ ວຽງສະໄໝ ສີລິພອນພັນ ເຈົ້າເມືອງປະທຸມພອນ ໄດ້ສະແດງຄວາມຂອບໃຈ ມາຍັງ ທ່ານ ຜູ້ຕາງຫນ້າ ຮ້ານອາຫານ ຍີ່ປຸ່ນ ໄອດໍ້ ( ສາຍຟ້າ ) ທີ່ໃຫ້ການປະກອບສ່ວນ ໃນວຽກງານປ້ອງກັນ ແລະ ຄວບຄຸມ ການແຜ່ລະບາດຂອງພະຍາດໂຄວິດ-19 ຢູ່ເມືອງປະທຸມພອນໃນຄັ້ງນີ້, ພ້ອມກັນນັ້ນທ່ານກໍ່ໄດ້ມອບໃບກຽດຕິຄຸນເພື່ອເປັນຂັວນກຳລັງໃຈ ແລະ ຍອງຍໍຊົມເຊີຍຕໍ່ຜູ້ປະກອບສ່ວນໃນຄັ້ງນີ້ອີກດ້ວຍ.
ພາບ: ຄະນະສະເພາະຂັ້ນເມືອງ
ຂ່າວ: ຖວທ ເມືອງປະທຸມພອນ.