ມີເດຍລາວແຂວງບໍ່ແກ້ວ ພາບ- ຂ່າວ: ສ ປັນຍາທອງ. ວັນທີ 9 ມິຖຸນາ 2021 ນີ້ ທ່ານ ຄຳແຍງ ຄອນໄຊຍະກິດ ກຳມະການພັກແຂວງ ເລຂາພັກເມືອງ ເຈົ້າເມືອງໆ ຕົ້ນເຜິ້ງ ພ້ອມດ້ວຍຄະນະທີມງານຫ້ອງການທີ່ກ່ຽວຂ້ອງ ໄດ້ລົງກວດກາສະພາບການປັບປຸງສ້ອມແປງເສັ້ນທາງຈາກບ້ານໃຫຍ່ ນໍ້າເກິ່ງເກົ່າ ຫາບ້ານນາຄໍາ ຈຸດທີີຈະໄດ້ສ້າງຂົວຂ້າມນ້ຳ, ວາງທໍ່ລະບາຍນ້ຳ, ຈຸດທີ່ໄດ້ສ້ອມແປງຄືນພາຍຫຼັງມີການກວດກາໃນຄັ້ງກ່ອນ ແມ່ນມີຄວາມສຳເລັດ 100% ກຽມພ້ອມຮັບໃຊ້ໃຫ້ແກ່ການສັນຈອນທັງລະດູຝົນແລະລະດູແລ້ງ ສະດວກສະບາຍ ແລະ ມີໄລຍະທາງທີ່ສັ້ນ ທັງເຮັດໃຫ້ເສັ້ນທາງຄົມມະນາຄົມຂອງແຕ່ລະບ້ານພາຍໃນເມືອງເຊື່ອມຈອດກັນ.

ການປັບປຸງສ້ອມແປງເສັ້ນທາງດັ່ງກ່າວ ໄດ້ຮັບການຊ່ວຍເຫຼືອດ້ານງົບປະມານ ແລະ ພາຫະນະທີ່ນໍາໃຊ້ໃນການປັບປຸງສ້ອມແປງຈາກ ບໍລິສັດຂວັນໄຊນໍາໂຊກ ໃນມູນຄ່າ 300.000.000 ກີບ ໃນໄລຍະທາງ 7 ກິໂລແມັດ, ກວ້າງ 4,5 ແມັດ ເຊິ່ງເປັນເສັ້ນທາງຊົນນະບົດທີ່ເຊື່ອມຕໍ່ກັບເສັ້ນທາງຫຼວງເຂດນໍ້າເກິ່ງເກົ່າ .