ມີເດຍລາວແຂວງຈຳປາສັກ ຂ່າວ-ພາບ: ມະນີລາ ໃນວັນທີ 29 ມິຖຸນາ 2021,​ ທ່ານ ປອ.ວິໄລວົງ​ ບຸດດາຄໍາ ເຈົ້າແຂວງ​ຈໍາປາສັກ​ ພ້ອມດ້ວຍການນໍາ ແລະ ພະນັກງານວິຊາການຈາກພະແນກການທີ່ກ່ຽວຂ້ອງແຂວງ ໄດ້ສົມທົບກັບຄະນະພັກ-ອົງ

ການປົກຄອງເມືອງປະທຸມພອນ ແລະ ຂະແໜງການທີ່ກ່ຽວຂ້ອງຂອງເມືອງ ໄດ້ປຶກສາຫາລືການກໍ່ສ້າງປະຕູນໍ້າ ເພື່ອພື້ນຟູ ແລະ ອະນຸລັກລະບົບນິເວດຢູ່ພື້ນທີ່ ດິນບໍລິເວນນໍ້າ ຣາມຊາບຶງກຽດໂງ້ງພາຍໄຕ້ໂຄງການ ຄຸ້ມຄອງ ແລະ ປົກປັກຮັກສາດິນບໍລິເວນນໍ້າຢູ່ຂົງເຂດອ່າງແມ່ນໍ້າຂອງຕອນລຸ່ມ (MRWP) ເຊິ່ງເປັນການປຶກສາຫາລືເພື່ອຄວາມເປັນເອກພາບລະຫວ່າງພະແນກຊັບພະຍາກອນທໍາມະຊາດແລະສິ່ງແວດລ້ອມແຂວງ,ພະແນກກະສິກຳແລະປ່າໄມ້ແຂວງ ແລະ ອົງການປົກຄອງເມືອງປະທຸມພອນ. ໃນການປຶກສາຫາລືຄັ້ງນີ້ທ່ານເຈົ້າແຂວງກໍ່ໄດ້ໃຫ້ທິດຊີ້ນໍາໂດຍເນັ້ນໃຫ້ຂະແໜງການທີ່ກ່ຽວຂ້ອງໄດ້ສືບຕໍ່ເອົາໃຈໃສ່ຫາລືເພື່ອຄວາມເປັນເອກະພາບໃຫ້ໂຄງການກໍ່ສ້າງປະຕູນໍ້າໄດ້ສືບຕໍ່ຈັດຕັ້ງປະຕິບັດໃຫ້ປະກົດຜົນເປັນຈິງ.

ເຂົ້າຮ່ວມໃນຄັ້ງນີ້ ມີທ່ານ ຈັນທະບູນ ສີປະເສີດ ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ,​ ທ່ານ ປອ.​ສົມລິດ ວິລະວົງ ຮັກສາການຫົວໜ້າພະແນກກະສິກໍາ ແລະ ປ່າໄມ້ແຂວງ, ທ່ານ ວຽງສະໄໝ ສີລິພອນພັນ ເຈົ້າເມືອງໆປະທຸມພອນ ພ້ອມດ້ວຍຜູ້ຕາງໜ້າສະພາປະຊາຊົນແຂວງ ແລະ ການນໍາຂະແໜງການທີ່ກ່ຽວຂ້ອງຂອງແຂວງ ແລະ ເມືອງ ເຂົ້າຮ່ວມ.