ມີເດຍລາວແຂວງບໍ່ແກ້ວ ພາບ-ຂ່າວ: ພັດສະວົງ ບຸນຍະຜົນ
ວັນທີ 4 ມິຖຸນາ 2021 ນີ້ ຢູ່ທີສະໂມສອນຂອງເມືອງປາກທາ ໄດ້ຈັດພິທີເຜີຍແຜ່ເຊື່ອມຊຶມຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກແຂວງບໍ່ແກ້ວ ຊຸດທີ 3 ໃຫ້ພະນັກ ງານ-ລັດຖະກອນ ແລະ ພະນັກງານອາສາສະໝັກຂົງເຂດກະສິກຳ ແລະ ຂົງເຂດສາທາລະນະສຸກເມືອງ ໂດຍການເຂົ້າຮ່ວມເປັນປະທານ ແລະ ເຜີຍແຜ່ເອກະສານ ຂອງ ທ່ານ ສາລີ ວັນນະສານ ຮອງເລຂາພັກເມືອງ ມີຫົວໜ້າ ຮອງຫົວໜ້າຫ້ອງການ ຕະຫຼອດຮອດພະນັກງານລັດຖະກອນ ເຂົ້າຮ່ວມ.

ການເຊື່ອມຊືມເອກະສານ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກແຂວງບໍ່ແກ້ວ ຊຸດທີ 3ໃນຄັ້ງນີ້ບັນດາຜູ້ເຂົ້າຮ່ວມຮັບຟັງໄດ້ປະຕິບັດຕາມມາດຕະການປ້ອງກັນ ແລະຄວບຄຸມຂອງຄະນະສະເພາະກິດວາງອອກຢ່າງເຂັ້ມງວດເຊັ່ນວ່າ: ການເຂົ້າຫ້ອງປະຊຸມ ຕ້ອງໄດ້ວັດແທກອຸນຫະພູມຮ່າງກາຍກ່ອນເຂົ້າຫ້ອງປະຊຸມ, ລ້າງມືດ້ວຍເຈວລ້າງມື,ໃສຜ້າປິດປາກດັງ ຮັກສາໄລຍະຫາງເຊິ່ງເອກະສານທີນຳມາເຊື່ອມຊື່ມປະກອບມີເອກະ ສານສໍຳຄັນຫຼາຍສະບັບເຊັ່ນວ່າ: ຄຳສັ່ງຂອງຄະນະເລຂາທິການສູນກາງພັກ ສະບັບເລກທີ 38/ຄລສພ, ລົງວັນທີ 9 ມີນາ 2021 ແລະ ເນື້ອໃນຄຳຂວັນຂອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ, ບົດລາຍງານການເມືອງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ, ບົດລາຍງານການເມືອງກອງປະຊຸມໃຫຍ່ຜູ້ແທນອົງຄະນະພັກແຂວງບໍ່ແກ້ວ ຄັ້ງທີ 6 ແລະ ແຜນພັດທະນາເສດຖະກິດ-ສັງຄົມແຫ່ງ ຊາດ 5 ປີ ຄັ້ງທີ IX (2021-2025) ໂດຍຕິດພັນກັບແຜນພັດທະນາເສດ ຖະກິດ-ສັງຄົມຂອງແຂວງບໍ່ແກ້ວ 5 ປີ ຄັ້ງທີ IX ແລະ ແຜນພັດທະນາເສດ ຖະກິດ-ສັງຄົມຂອງເມືອງ 5 ປີ ຄັ້ງທີ VII ( 2020-2024 ) ມະຕິຂອງກົມການເມືອງສູນກາງພັກ ສະບັບເລກທີ 206/ກມສພ, ລົງວັນທີ 7 ທັນວາ 2020 ວ່າດ້ວຍການຍົກສູງຄຸນນະພາບວຽກງານການເມືອງ-ແນວຄິດໃນໄລຍະໃໝ່ ແລະ ເອກະສານກ່ຽວກັບການປັບປຸງກົດລະບຽບຂອງພັກປະຊາຊົນປະຕິວັດລາວ ສະໄໝທີ່ XI ພ້ອມທັງ ເອກະສານເພີ່ມທະວີການຊີ້ນຳໆພາວຽກງານການເມືອງແນວຄິດໃນການສະກັດກັ້ນ, ປ້ອງກັນ, ຄວບຄຸມ ແລະ ແກ້ໄຂການລະບາດຂອງເຊື້ອພະຍາດໂຄວິດ -19 ສະບັບເລກທີ 16/ ຄອສພ, ລົງວັນທີ 11 ພືດສະພາ 2021.

ທັງນີ້ ເພື່ອເຮັດໃຫ້ພະນັກງານ ຫຼັກແຫຼ່ງອ້ອມເມືອງ ແນ່ໃສ່ເຮັດໃຫ້ການນໍາແຕ່ລະຂັ້ນຮັບຮູ້ເຂົ້າໃຈຢ່າງເລິກເຊິ່ງ ໂດຍສະເພາະ ແມ່ນເນື້ອໃນທີ່ສຳຄັນຕົ້ນຕໍ ແລະ ວຽກງານຈຸດສຸມທີ່ຕ້ອງເອົາໃຈໃສ່ຊີ້ນຳ-ນໍາພາ ແຕ່ລະຂົງເຂດວຽກງານ ພ້ອມທັງເພີ່ມທະວີການຊີ້ນຳ-ນໍາພາ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະໃໝ່, ນຳເອົາບັນດາແນວທາງ ນະໂຍບາຍລະບຽບກົດໝາຍຂອງພັກໄປຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ.