ປີ 2020 ທີ່ຜ່ານມາໄດ້ສ້າງຄວາມປ່ຽນແປງໃນທຸກມິຕິຂອງສັງຄົມບໍ່ວ່າຈະເປັນວິທີການໃຊ້ຊີວິດຂອງຜູ້ຄົນຮູບແບບການເຮັດວຽກ ແລະ ການໃຊ້ເວລາວ່າງຂອງພວກເຮົາໃນຂະນະທີ່ເຮົາພິດຈາລະນາເຖິງຜົນກະທົບຂອງໂຄວິດ -19 ທີ່ມີຕໍ່ຜູ້ຄົນ ແລະ ເສດຖະກິດນັ້ນໄລຍະນີ້ຍັງຖືເປັນໂອກາດໃຫ້ເຮົາໄດ້ທົບທວນ ແລະ ວາງແຜນວຽກໃນອະນາຄົດສຳລັບປະເທດລາວ.

ໃນຂະນະທີ່ປະເທດລາວກຳລັງພົບກັບຄວາມຫຍຸ້ງຍາກທາງດ້ານເສດຖະກິດ ແລະ ສັງຄົມເຊິ່ງເກີດຂຶ້ນຍ້ອນການກັບມາອີກຄັ້ງຂອງພະຍາດລະບາດບົດບາດຂອງການສື່ສານເພື່ອການເຊື່ອມຕໍ່ກັນ ແລະ ເຮັດທຸລະກຳທາງຊ່ອງທາງອອນລາຍຈຶ່ງມີຄວາມສຳຄັນຫຼາຍຂຶ້ນ.

ໃນຖານະທີ່ບໍລິສັດດ້ານເຕັກໂນໂລຊີທີ່ເຊື່ອມຕໍ່ຜູ້ຄົນທົ່ວໂລກຫຼາຍຕື້ຄົນເຂົ້າຫາກັນ Facebook ໄດ້ເຫັນປະກົດການ Digital Transformation ຫຼື ວິວັດທະນາການທາງດ້ານດິຈິຕອນທີ່ເຕີບໂຕຂຶ້ນຢ່າງວ່ອງໄວ (ກ້າວກະໂດດ) ແລະ ຫຍໍ້ໄລຍະເວລາໃນການປັບໂຕດ້ານດິຈິຕອນຈາກແຕ່ກ່ອນທີ່ມີການຄາດການວ່າຕ້ອງໃຊ້ເວລາໃນການເຕີບໂຕເຖິງ 5 ປີ ໃຫ້ສາມາດເກີດຂຶ້ນໄດ້ພຽງເວລາບໍ່ພໍເທົ່າໃດເດືອນ.

ຄົນເຮົາໃຊ້ເວລາໃນໂລກອອນລາຍຫຼາຍຂຶ້ນທຸກມື້ ໂດຍການໃຊ້ເພື່ອການເຊື່ອມຕໍ່ກັບຜູ້ອື່ນເຮັດວຽກຈັບຈ່າຍໃຊ້ສອຍຫຼິ້ນເກມ ແລະ ອື່ນໆ ແລະ ເນື່ອງຈາກຄວາມບໍ່ແນ່ນອນທາງດ້ານເສດຖະກິດຄວາມຄາດຫວັງຂອງຄົນເຫຼົ່ານີ້ທີ່ມີຕໍ່ທຸລະກິດຕ່າງໆກໍໄດ້ປ່ຽນແປງໄປຢ່າງວ່ອງໄວກວ່າທີ່ເຄີຍເປັນມາ.​

ຍ້ອນເຫດຜົນນີ້ພາກທຸລະກິດຕ່າງໆຈຶ່ງມີໂອກາດທີ່ຈະເປັນແຮງຊຸກຍູ້ເພື່ອຊ່ວຍຟື້ນຟູເສດຖະກິດສຳລັບອະນາຄົດທີ່ຈະມາເຖິງ. ສຳລັບ Facebook ແລ້ວພວກເຮົາຈະຢູ່ລະຫວ່າງຊຸມຊົນ ແລະ ການຄ້າຂາຍເຊິ່ງທຸລະກິດສາມາດໄດ້ຮັບແຮງບັນດານໃຈຈາກເທຣນຫຼາກຫຼາຍທີ່ເຮົາສັງເກດເຫັນ.

ໃນຂະນະທີ່ເຮົາກ້າວເຂົ້າສູ່ປີ 2021, ພວກເຮົາຢາກແບ່ງປັນເທຣນໂຊຊຽວ (social) ແລະ ຄວາມສຳຄັນທີ່ມີຕໍ່ທຸລະກິດ ແລະ ຊຸມຊົນໃນລາວ ແລະ ສິ່ງທີ່ເຂົາຄວນໃຫ້ຄວາມສຳຄັນໃນປີໃໝ່ນີ້.

ການໃຊ້ມືຖື ແລະ ຄວາມນິຍົມຂອງວິດີໂອສັ້ນ

ເມື່ອເວົ້າເຖິງຄວາມນິຍົມຂອງວິດີໂອທີ່ເຕີບໂຕໃນໄລຍະຫຼາຍປີທີ່ຜ່ານມາແຕ່ປີ 2020 ຖືວ່າເປັນປີທີ່ໄດ້ທຸບສະຖິຕິຈາກການທີ່ຜູ້ຄົນຫັນມາໃຊ້ເວລາຢູ່ບ້ານຫຼາຍຂຶ້ນອັນເປັນຜົນມາຈາກການລ໋ອກດາວ (lockdown) ແລະການຮັກສາໄລຍະຫ່າງທາງສັງຄົມ. ຍົກຕົວຢ່າງການ live stream ໃນໄລຍະ lockdown ເຊິ່ງໄດ້ຜັກດັນການເຕີບໂຕຂອງການ live stream ທົ່ວໂລກໃນຊ່ວງເດືອນມີນາ ແລະ ເມສາເຖິງ45%. ໃນພາກພື້ນອາຊີປາຊີຟິກມີຈຳນວນຜູ້ເບິ່ງວິດີໂອໃນຮູບແບບດິຈິຕອນ 77.5%, ໃນຂະນະດຽວກັນວິດີໂອສັ້ນຍັງໄດ້ຮັບຄວາມນິຍົມຢ່າງຫຼວງຫຼາຍເນື່ອງຈາກຫຼາຍຄົນຍັງຊອກຫາພື້ນທີ່ການສະແດງອອກເຖິງຕົວຕົນ ແລະ ເພື່ອເຂົ້າເຖິງຄວາມບັນເທີງ.

ຈາກເທຣນເຫຼົ່ານີ້ເຮົາຄາດວ່າຈະໄດ້ເຫັນການເຕີບໂຕຂອງການຊ໋ອປປິ້ງອອນລາຍຮູບແບບໃໝ່ທີ່ປະສົມປະສານຄວາມບັນເທີງແລະການຂາຍສິນຄ້າເຂົ້າດ້ວຍກັນປຸກກະແສໂດຍຜູ້ນຳເທຣນແລະກຸ່ມCreator. ສຳລັບທຸລະກິດທີ່ຢາກມີຄົນຕິດຕາມນັ້ນສິ່ງສຳຄັນຄືການສ້າງພາບແລະເເບຣນໂຕເອງໃຫ້ໂດດເດັ່ນໃນໂລກອອນລາຍ.

ທ້າຍປີກາຍນີ້, Facebook ເປີດໂຕແຄມເປນວິດີໂອຊື່ວ່າ #ລາວຊ່ວຍລາວ ຫຼື #LaoHelpLao ທີ່ໄດ້ເຮັດວຽກຮ່ວມກັບນັກສ້າງວິດີໂອທ້ອງຖິ່ນທີ່ມີຄວາມຊຳນານທາງດ້ານອາຫານແລະທ່ອງທ່ຽວ ແລະ ສື່ມວນຊົນລາວເພື່ອສົ່ງເສີມການຊຸກຍູ້ເສດຖະກິດໃນປະເທດ. ເຊິ່ງພວກເຮົາໄດ້ຜົນຕອບຮັບທີ່ດີຫຼາຍດ້ວຍຫຼາຍກວ່າ 1.1 ລ້ານ reach ເເລະ ຫຼາຍກວ່າ 150,000 engagements ໃນສະເພາະເນື້ອຫາທີ່ສ້າງມາໃຫ້ແຄມເປນ. “ແບຣນDaily Donut ເປັນທີ່ຮູ້ຈັກພາຍໃນຄືນດຽວຫຼັງຈາກທີ່ເພຈທ້ອງແຕກໄດ້ໂພສກ່ຽວກັບທຸລະກິດຂອງພວກເຮົາ ”ນາງໄກ່ ດາລາເຈົ້າຂອງແບຣນ Daily Donut ໄດ້ກ່າວ “ມີລູກຄ້າ ແລະ ແຟນໆຂອງໂດນັດເຮົາໄດ້ຕິດຕໍ່ມາສົນໃຈຢາກຊື້franchise ແລະ ຊ່ວຍຂະຫຍາຍທຸລະກິດນີ້ອີກດ້ວຍ”

ການສ້າງປະສົບການການຄົ້ນພົບແບຣນ ແລະ ທຸລະກິດຕ່າງໆ

ທຸລະກິດຈຳເປັນຕ້ອງຮຽນຮູ້ວ່າຜູ້ຄົນໃນຊ່ວງອາຍຸພ້ອມເປີດຮັບຊ່ອງທາງໃໝ່ໆໃນການຄົ້ນພົບສິນຄ້າລວມເຖິງວິທີການຊ໋ອປປິ້ງຮູບແບບໃໝ່. ທີ່ຈິງແລ້ວໃນປີ2020ທີ່ຜ່ານມາ 78% ຂອງຜູ້ບໍລິໂພກໃນຂອບເຂດອາຊີຕາເວັນອອກສຽງໃຕ້ໄດ້ຄົ້ນພົບຜະລິດຕະພັນໃໝ່ໆຜ່ານແຮງບັນດານໃຈ ແລະ ອິດທິພົນຈາກຊ່ອງທາງອອນລາຍເປັນສ່ວນໃຫຍ່. ເທຣນນີ້ຕ້ອງອາໄສແນວຄິດໃນທາງນະວັດຕະກຳ. ເວົ້າໄດ້ວ່າໄລຍະນີ້ເປັນເວລາຂອງການກ້າທົດລອງບໍລິການໃໝ່ໆບໍ່ວ່າຈະເປັນການຊື້ເຄື່ອງຜ່ານຊ່ອງທາງສື່ສັງຄົມອອນລາຍໂດຍກົງ, ການlive ສົດຂາຍເຄື່ອງ, ການຊື້ເຄື່ອງແບບ Click-And-Collect ຫຼືບໍລິການສະມາຊິກຕ່າງໆເປັນຕົ້ນ.

ນອກຈາກນີ້ຍັງໝາຍຄວາມວ່າທຸລະກິດຄວນຄົ້ນຫາແນວທາງໃໝ່ໆສຳລັບແຕ່ລະຊ່ອງທາງ ແລະ ເເພັດຟອມທັ້ງນີ້ເພື່ອສ້າງຄວາມແຕກຕ່າງໃຫ້ກັບແບຣນແລະນຳແບຣນອອກສູ່ການຄົ້ນພົບ. ທີ່ປະເທດລາວ, ພວກເຮົາໄດ້ນຳສະເໜີເຄື່ອງມືທາງທຸລະກິດເຊັ່ນພາກສ່ວນShop ສໍາລັບທຸລະກິດ ແລະ ຜູ້ປະກອບການເພື່ອນຳສະເໜີການບໍລິການ ແລະ ເຄັດລັບໃນການປັບໂຕໃຫ້ເຂົ້າກັບສະພາບແວດລ້ອມທີ່ປ່ຽນແປງ, ເຊິ່ງຈະຊ່ວຍໃຫ້ລູກຄ້າຂອງແຕ່ລະຫົວໜ່ວຍທຸລະກິດໄດ້ຄົ້ນພົບ ແລະ ຊື້ຜະລິດຕະພັນຂອງເຂົາ, ນອກນັ້ນກໍມີ Business Resource Hub.

ປີກາຍນີ້ Bio Bamboo Luang Prabang, ຮ້ານອາຫານໃຈກາງເມືອງມໍລະດົກໂລກໄດ້ນຳໃຊ້ Facebook ໃນການສື່ສານກັບກຸ່ມລູກຄ້າໂດຍສະເພາະໃນໄລຍະຂອງໂຄວິດ-19 ໃນປີທີ່ຜ່ານມາ. ເຈົ້າຂອງຮ້ານມີແຮງບັນດານໃຈເພີ່ມຂຶ້ນເມື່ອເຫັນລູກຄ້າທະຍອຍກັບຄືນມາຫາຮ້ານພ້ອມທັງມີການສັ່ງຂອງຝາກຜ່ານທາງອອນລາຍອີກດ້ວຍ.

ການຊື້ຂາຍຜ່ານການທັກເເຊັດແລະການຄ້າຂ້າມປະເທດ

ການສົ່ງຂໍ້ຄວາມເປັນໜຶ່ງໃນຊ່ອງທາງທີ່ຜູ້ຄົນໃຊ້ເພື່ອລົມກັບທຸລະກິດຕ່າງໆທີ່ເຕີບໂຕໄວທີ່ສຸດ ໂດຍໃນໄລຍະປີທີ່ຜ່ານມາເຮົາໄດ້ເຫັນຈຳນວນບົດສົນທະນາລະຫວ່າງຜູ້ບໍລິໂພກ ແລະ ແບຣນຕ່າງໆໃນ Messenger ເເລະ Instagram ເພີ່ມຂຶ້ນກວ່າ 40% ແລະ ສຳລັບ Whatsapp ເຮົາພົບວ່າມີຄົນຫຼາຍກວ່າ 175 ລ້ານ ທົ່ວໂລກທີ່ສົ່ງຂໍ້ຄວາມໄປຫາບັນຊີທຸລະກິດໃນແຕ່ລະມື້.

ການໂທລະສັບຫາກັນ ຫຼື ອີເມວເຖິງແບຣນເປັນທາງເລືອກທີ່ບໍ່ຄ່ອຍຕອບໂຈດຜູ້ບໍລິໂພກໃນປັດຈຸບັນເທົ່າໃດ ນອກຈາກນັ້ນຜູ້ບໍລິໂພກມັກການສົນທະນາແບບໂຕ້ຕອບແລະທຸກທີ່ທຸກເວລາ (always-on) ຜ່ານການສົ່ງຂໍ້ຄວາມຫຼາຍກວ່າ. ການປ່ຽນແປງນີ້ສະແດງໃຫ້ເຫັນວ່າຊ່ອງທາງການສົ່ງຂໍ້ຄວາມບໍ່ວ່າຈະເປັນເພື່ອລົມນຳລູກຄ້າ ກ່ຽວກັບຂໍ້ມູນຜະລິດຕະພັນອັບເດດສະຖານະການຈັດສົ່ງ ແລະ ຕອບຄຳຖາມທົ່ວໄປນັບເປັນສິ່ງສຳຄັນ. ຂະນະທີ່ແວດວົງອຸດສາຫະກຳຕ່າງໆເປີດຮັບການປ່ຽນແປງສູ່ດິຈິຕອນການປ່ຽນເທື່ອນີ້ຍັງໄດ້ຊ່ວຍສ້າງໂອກາດໃຫ້ການຄ້າຂາຍແບບຂ້າມປະເທດ, ດັ່ງນັ້ນທຸລະກິດຕ່າງໆຈຶ່ງຈຳເປັນຕ້ອງຮູ້ຈັກສ້າງເຄືອຂ່າຍພາຍໃນພາກພື້ນ ແລະ ພ້ອມເປີດຮັບໂອກາດໃໝ່ໆຢູ່ຕະຫຼອດ. SME ລາວເຊັ່ນ: Her Works ແລະ Naree Handbags ໄດ້ມີການເປີດປະຕູສູ່ຕ່າງປະເທດແລ້ວ, ເຮັດໃຫ້ຜະລິດຕະພັນຂອງເຂົາມີຄວາມເປັນທີ່ຮັບຮູ້ເພີ່ມຂຶ້ນທົ່ວໂລກ.

ບໍ່ວ່າທຸລະກິດຂອງທ່ານຈະເປັນຂະໜາດໃຫຍ່ຫຼືນ້ອຍສິ່ງສຳຄັນແມ່ນຕ້ອງການໃຫ້ແບຣນເປັນທີ່ຮູ້ຈັກຄົ້ນຫາງ່າຍ. ນອກນັ້ນຍັງສາມາດມອບປະສົບການຜ່ານການສົນທະນາ ແລະ ມອບບໍລິການແບບບໍ່ມີພົມແດນທັງໝົດນີ້ຖືເປັນອົງປະກອບສຳຄັນ ບໍ່ໄດ້ມີພຽງແຕ່ຈະຊ່ວຍທຸລະກິດໃຫ້ຢູ່ລອດແຕ່ເຮັດໃຫ້ທຸລະກິດນັ້ນເຕີບໂຕຕໍ່ໄປ.

Medialaos MMD (ແຫຼ່ງຂໍ້ມູນຈາກ: Big blue)