ມີເດຍລາວແຂວງສາລະວັນ ພາບ-ຂ່າວ ໂດຍ: ວຽງສະຫວັນ ແສນຄຳ.
ໃນອາທິດຜ່ານມານີ້ຄະນະໂຄສະນາອົບຮົມ ເມືອງຕຸ້ມລານ ໄດ້ຈັດພິທີເປີດຮຽນກົດລະບຽບພັກປະຊາຊົນປະຕິວັດລາວໃຫ້ມະຫາຊົນກ້າວໜ້າເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຊຸດທີ II ປະຈໍາປີ 2021, ເຊິ່ງຈັດຂຶ້ນຢູ່ທີ່ສະໂມສອນຂອງເມືອງ, ພາຍໃຕ້ການເປັນປະທານຂອງ ສະຫາຍ ນ. ແກ່ນຈັນ ຈັນທະສອນ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ ສະມາຊິກສະພາປະຊາຊົນແຂວງ ທັງເປັນຮອງຫົວໜ້າຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງຕຸ້ມລານ, ມີບັນດາມະຫາຊົນຜູ້ທີມີຄວາມກ້າວໜ້າເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ເຂົ້າຮ່ວມທັງໝົດ 18 ສະຫາຍ, ຍິງ 4 ສະຫາຍ.

ເພື່ອປະຕິບັດຕາມແຈ້ງການ, ສະບັບເລກທີ 159/ຄອມ.ຕລ, ລົງວັນທີ 11 ມີຖຸນາ 2021 ເລື່ອງ: ເປີດຮຽນສະໜັບສະໜູນ ແລະ ກົດລະບຽບພັກປະຊາຊົນປະຕິວັດລາວໃຫ້ມະຫາຊົນຜູ້ທີມີຄວາມກ້າວໜ້າເພື່ອຂະຫຍາຍເຂົ້າພັກ, ດັ່ງນັ້ນ, ຄະນະໂຄສະນາອົບຮົມເມືອງຕຸ້ມລານຈຶ່ງໄດ້ຈັດພິທີເປີດການຮຽນກົດລະບຽບພັກປະຊາຊົນປະຕິວັດລາວໃຫ້ມະຫາຊົນຜູ້ທີມີຄວາມກ້າວໜ້າເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ຊຸດທີ II ປະຈໍາປີ2021 ທັງນີ້ກໍ່ເພື່ອເປັນການເຊື່ອມຊຶມບັນດາກົດລະບຽບຂອງພັກເປັນຕົ້ນແມ່ນ: ຄວາມໝາຍຄວາມສຳຄັນ, ພາລະບົດບາດ, ສິດ ແລະ ໜ້າທີຂອງພັກ, ບັນດາ 9 ຂໍ້ຫ້າມ 3 ທິດນຳ ແລະ 5 ຫຼັກການຂອງພັກ. ພາຍຫຼັງສຳເລັດໃນການຮຽນກົດລະບຽບຂອງພັກປະຊາຊົນປະຕິວັດລາວໃຫ້ມະຫາຊົນຜູ້ທີມີຄວາມກ້າວໜ້າເພື່ອຂະຫຍາຍເຂົ້າເປັນສະມາຊິກພັກປະຊາຊົນປະຕິວັດລາວ ແລ້ວ ຍັງໄດ້ມີການມອບໃບຢັ້ງຢືນໃຫ້ຜູ້ທີຜ່ານການຮຽນໃນຄັ້ງນີ້ຕື່ມອີກ,

ໃຫ້ກຽດກ່າວມອບໂດຍແມ່ນ ສະຫາຍ ນ. ແກ່ນຈັນ ຈັນທະສອນ ກຳມະການພັກເມືອງ ຫົວໜ້າຄະນະໂຄສະນາອົບຮົມເມືອງ ສະມາຊິກສະພາປະຊາຊົນແຂວງ ທັງເປັນຮອງຫົວໜ້າຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງຕຸ້ມລານ ຮັບໂດຍແມ່ນມະຫາຊົນຜູ້ທີມີຄວາມກ້າວໜ້າເພື່ອຂະຫຍາຍເຂົ້າພັກ ຕາມລຳດັບ.