ມີເດຍລາວແຂວງສາລະວັນ ພາບຂ່າວ: ສິດຕາ ເພັດວົງສາ
ເມືອງຄົງເຊໂດນ ແຂວງສາລະວັນ ໄດ້ຈັດພິທີປະກາດ, ມອບ-ຮັບຫົວໜ້າຫົວໜ້າຫ້ອງການຖະແຫຼ່ງຂ່າວ-ວັດທະນະທຳ ແລະທ່ອງທ່ຽວເມືອງລະຫວ່າງຜູ້ເກົ່າ ແລະ ຜູ້ໃໝ່, ໃນນັ້ນໄດ້ຜ່ານຂໍ້ຕົກລົງອະນຸມັດໃຫ້ ທ່ານ ນາງ ແກ້ວອຸດອນ ອິນທະວົງ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງ ຜູ້ເກົ່າ ເຂົ້າຮັບອຸດໝູນບຳນານ ແລະໄດ້ປະກາດຕົກລົງແຕ່ງຕັ້ງ ທ່ານ ບຸນຮຽງ ສິງຫາວົງ ກຳມະການພັກເມືອງ ເປັນຫົວໜ້າຫ້ອງການ ຖວທ ເມືອງຄົງເຊໂດນ ຜູ້ໃໝ່.

ໃນພິທີພາຍຫຼັງທີ່ຫົວໜ້າ ຖວທ ເມືອງ ຜູ້ເກົ່າໄດ້ຂື້ນສະຫຼຸບການຈັດຕັ້ງປະຕິບັດໜ້າທີ່ວຽກງານໃນການຈັດຕັ້ງປະຕິບັດຕົນ ແລະຊີ້ນຳໆພາໃນໄລຍະຜ່ານມາ, ໄດ້ຕີລາຄາດ້ານດີ, ດ້ານຕັ້ງໜ້າ, ຂໍ້ຄົງຄ້າງ ແລະ ແບບແຜນການຈັດຕັ້ງປະຕິບັດ, ພ້ອມທັງການຄຸ້ມຄອງບຸກລະຄາກອນ, ງົບປະມານ, ພາຫະນະ ແລະ ອຸປະກອນການຮັບໃຊ້ຕ່າງໆ, ຈາກນັ້ນກໍ່ໄດ້ມີການເຊັນບົດບັນທຶກມອບ-ຮັບໜ້າທີ່ ຫົວໜ້າຫ້ອງການ ຖວທ ເມືອງ ລະຫວ່າງ ຜູ້ເກົ່າ ກັບ ຜູ້ໃໝ່, ທັງນີ້ເພື່ອເປັນການປັບປຸງກົງຈັກການຈັດຕັ້ງຂອງພັກ-ລັດ, ຕາມກົດບຽບທີ່ໄດ້ກຳນົດໄວ້ໃຫ້ຖືກຕ້ອງສອດຄ່ອງກັບໜ້າທີ່ວຽກງານໃນໄລຍະໃຫມ່ໃຫ້ມີຄວາມໜັກແໜ້ນເຂັ້ມແຂງ.


ໂດຍພາຍໄຕ້ການເຂົ້າຮ່ວມທ່ານ ວັນນະລອນ ອິນທະພອນເດດ ຮອງເລຂາພັກເມືອງ ປະທານກວດກາພັກ-ລັດເມືອງຄົງເຊໂດນ, ທ່ານ ມະໄລວອນ ສີປະເສີດ ກຳມະການພັກແຂວງ ຮັກສາການຫົວໜ້າພະແນກ ຖວທ ແຂວງ, ແຂກຖືກເຊີນ, ພະນັກນັກວິຊາການທີ່ກ່ຽວຂ້ອງ, ພິທິດັ່ງກ່າວໄດ້ຈັດຂື້ນໃນວັນທີ່ 18 ມີນາ ປີ 2021 ຢູ່ທີ່ຫ້ອງປະຊຸມຫ້ອງການຖະແຫຼງຂ່າວ-ວັດທະນະທຳ ແລະທ່ອງທ່ຽວເມືອງ