ມີເດຍລາວແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ ວັນທີ 21 ເມສາ 2021 ເມືອງບາຈຽງຈະເລີນສຸກ ແຂວງຈໍາປາສັກ ປືກສາຫາລືການຈັດຕັ້ງປະຕິບັດວຽກງານບໍລິການຜ່ານປະຕູດຽວຂື້ນຢູ່ທີ່ຫ້ອງປະຊຸມນ້ອຍສະໂມສອນເມືອງ ໂດຍໃຫ້ກຽດເປັນປະທານຮ່ວມຂອງທ່ານ ປອ ຄໍາກິ່ງແກ້ວ ປັດທຳມະວົງ ຮອງເຈົ້າເມືອງບາຈຽງຈະເລີນສຸກ, ທ່ານ ລາຕີ ພົມມະຈັນ ຮອງກົມການປົກຄອງທ້ອງຖີ່ນ ກະຊວງພາຍໃນ ,ທ່ານ ບຸນທັນ ຈິນດາວົງ ຮອງຫົວໜ້າພະແນກພາຍໃນແຂວງຈໍາປາສັກ ມີຫົວໜ້າຫ້ອງການ-ຮອງຫົວໜ້າຫ້ອງການ,ພະນັກງານຂັ້ນກະຊວງ-ຂັ້ນແຂວງແລະເມືອງ,ນາຍບ້ານເຂົ້າຮ່ວມ

ທ່ານ ປອ ຄໍາກິ່ງແກ້ວ ປັດທໍາມະວົງ ຮອງເຈົ້າເມືອງບາຈຽງຈະເລີນສຸກໄດ້ລາຍງານການຈັດຕັ້ງປະຕິບັດວຽກງານກົນໄກຜ່ານປະຕູດຽວໃນໄລຍະຜ່ານມາວ່າ: ໂດຍປະຕິບັດຕາມຄຳສັ່ງນາຍົກລັດຖະມົນຕີສະບັບເລກທີ 09/ນຍ,ລົງວັນທີ28ມັງກອນ2012ວ່າດ້ວຍການເພີ້ມທະວີການຈັດຕັ້ງປະຕິບັດກົກໄກການບໍລິການຜ່ານປະຕູດຽວໃນຂອບເຂດທົ່ວປະເທດເຂົ້າສູ່ລວງເລິກ ຈິ່ງໄດ້ເລີ້ມຈັດຕັ້ງປະຕິບັດຢ່າງເປັນທາງການແຕ່ວັນທີ10ພະຈິກ2020ເປັນຕໄນມາໂດຍມີ14ຫ້ອງການທີ່ມີລາຍຮັບວິຊາການເພື່ອບໍລິການປະຊາຊົນທີ່ວອງໄວກ່ວາເກົ່າ ເຊຶ່ງມີ: ຫ້ອງຊັບພະຍາກອນທຳມະຊາດ-ສິ່ງແວດລ້ອມ,ກະສິກຳ-ປ່າໄມ້,ຖະແຫຼງຂ່າວ,ວັດທະນະທຳ-ທ່ອງທ່ຽວແລະຫ້ອງການອື່ນໆດ້ານຄ່າທຳນຽມ-ຄ່າບໍລິການແລະຄ່າແບບພິມແມ່ນປະຕິບັດຕາມລັດຖະບັນຍັດຂອງປະທານປະເທດສະບັບເລກທີ03/ປປທ,ລົງວັນທີ 26ທັນວາ2012ວ່າດ້ວຍຄ່າທຳນຽມແລະຄ່າບໍລິການ(ສະບັບປັບປຸງໃໝ່) ຈາກນັ້ນຍັງໄດ້ຮັບຊົມພາບວິດີໂອການເຄື່ອນໄຫວຈັດຕັ້ງປະຕິບັດໜ້າວຽກງານຂອງພະນັກງານປະຈໍາສູນບໍລິການຜ່ານປະຕູດຽວແຕ່ສູນກາງຮອດທ້ອງຖິ່ນ ພ້ອມນັ້ນຫ້ອງການແນວຫຼັງຍັງໄດ້ມີຄໍາເຫັນແລກປ່ຽນສົນທະນາໃນຫົວຂໍ້ປັດໃຈທີ່ປະສົບຜົນສໍາເລັດ,ສີ່ງທີ່ທ້າທ້າຍ,ຄວາມຕ້ອງການສະໜັບສະໜູນອັນຮີບດ່ວນໃນແຜນການພັດທະນາວຽກງານດັ່ງກ່າວ ນອກນັ້ນຍັງໄດ້ໄປຊົມສູນບໍລິການຕື່ມອິກ.