ມິເດຍລາວແຂວງຈຳປາສັກ ຂ່າວ-ພາບ: ນາງ ບັງອອນ ນັກຂ່າວເມືອງ
ວັນທີ 4 ມີນາ 2021 ເມືອງບາຈຽງຈະເລີນສຸກໄດ້ສະຫຼຸບຜົນສຳເລັດການເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II ພາຍໃຕ້ເປັນປະທ່ານຂອງທ່ານ ສົມລິດ ປັນທະບົວສີ ກຳມະການພັກແຂວງ ເລຂາພັກເມືອງ ເຈົ້າເມືອງໆບາຈຽງຈະເລີນສຸກ ມີຮອງເລຂາພັກເມືອງ,ຄະນະປະຈຳພັກເມືອງ,ກຳມະການພັກເມືອງ,ຄະນະພັກ-ຄະນະບັນຊາກອງພົນທີ5,ຄະນະພັກ-ຄະນະບັນຊາທະຫາບເລກ2ວຽງໄຊ,ເລຂາຄະນະພັກຮາກຖານກຸ່ມ,ຫັວໝ້າຫ້ອງການ,ຄະນະຫ້ອງການແລະນາຍບ້ານທົ່ວເມືອງເຂົ້າຮ່ວມ


ທ່ານ ສຸດທະເຮືອງສັກ ກຸນລະບຸດ ຄະນະປະຈຳພັກເມືອງ ຫົວໝ້າຄະນະຈັດຕັ້ງເມືອງ ໄດ້ຂື້ນຜ່ານບົດສະຫຼຸບຜົນສຳເລັດໃນບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນຂັ້ນແຂວງ ຊຸດທີ II ໃນທົ່ວເມືອງສາມາດຍາດໄດ້ອັນດັບທີ2ຂອງແຂວງຈຳປາສັກ ນອກນັ້ນຍັງໄດ້ແລກປ່ຽນປະກອບຄຳຄິດຄຳເຫັນເຊິ່ງກັນແລະກັນດ້ານທີ່ພົ້ນເດັ່ນແລະຂໍ້ຄົງຄ້າງເພື່ອປັບປຸງແກ້ໄຂນຳໄປຈັດຕັ້ງປະຕິບັດໃນຕໍ່ໜ້າຖືກຕ້ອງສອດຄ່ອງກັບຮາກຖານທ້ອງຖິ່ນໃຫ້ດີກວ່າເກົ່າ


ໃນຕ່ອນທ້າຍຍັງໄດ້ຮັບຟັງການໂອ້ລົມຂອງທ່ານ ສົມລິດ ປັນທະບົວສີ ກຳມະການພັກແຂວງເລຂາພັກເມືອງເຈົ້າເມືອງໆບາຈຽງຈະເລີນສຸກ ໄດ້ສະແດງຄວາມຮູ້ບຸນຄຸນສະແດງຄວາມຍ້ອງຍໍຊົມເຊີຕໍ່ ຄະນະພັກ-ຄະນະບັນຊາກຳລັງປະກອບອາວຸດ,ຄະນະກຳມະການເລືອກຕັ້ງຂັ້ນເມືອງບວກກັບຄວາມຮັບຜິດຊອບແລະມີສ່ວນຮ່ວມຂອງພໍ່ແມ່ປະຊາຊົນຊາວເມືອງບາຈຽງ ພ້ອມນັ້ນທ່ານຍັງຮຽກຮ້ອງໃຫ້ຄະນະພັກຕ້ອງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງພັກ,ເອົາໃຈໃສຕິດຕາມກວດກາຊຸກຍູ້ໃນແຕ່ລະຂະບວນການຢ່າງຟົດຟື້ນ,ຕ້ອງຮັກສາຄວາມມັກຄີເປັນປຶກແຜ່ນແລະອື່ນໆ.