ມິເດຍລາວແຂວງຈຳປາສັກ ໃນຕອນເຊົ້າຂອງວັນທີ 26 ກຸມພາ 2021 ນີ້ ,ເມືອງປາກຊ່ອງແຂວງຈຳປາສັກ ສະຫຼຸບຜົນສຳເລັດການຈັດຕັ້ງ ປະຕິວັດ ບັ້ນເລືອກຕັ້ງ ສສຊ ຊຸດທີ 9 ແລະ ສສຂ ຊຸດທີ 2 ຂື້ນທີ່ສະໂມສອນຂອງເມືອງ, ໂດຍການເປັນປະທ່ານ ຂອງ ທ່ານ ພີມພອນ ພັນດານຸວົງ ກຳມະການພັກແຂວງ ເລຂາພັກເມືອງເຈົ້າເມືອງໆປາກຊ່ອງ, ມີຄະນະປະຈຳພັກເມືອງ, ກຳມະການພັກເມືອງ, ບັນດາອະນຸກຳມະການການເລືອກຕັ້ງເຂົ້າຮ່ວມ.


ໃນພິທີທ່ານ ສີໃສ ທອງປັດຊາ ກຳມະການພັກເມືອງ ຫົວໜ້າຫ້ອງວ່າການເມືອງ ກອງເລຂາລາຍງານການຈັດຕັ້ງ ປະຕິບັດເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II ລາຍງານໃຫ້ຮູ້ວ່າ: ເມືອງປາກຊ່ອງ ມີຜົນລະເມືອງທັງໜົດ 87.298 ຄົນ, ຍີງ 44.316 ຄົນ, ມີ 17.346 ຄົວເຮືອນ, ມີ 87 ບ້ານ, ມີ 10 ກຸ່ມ, ມີ 95 ໜ່ວຍບັດ, ມີ ຜົນລະເມືອງ ມີສິດເລືອກຕັ້ງ 52.439 ຄົນ, ຍີງ 25.711 ຄົນເທົ່າກັບ 58,22% ຂອງພົນລະເມືອງທັງໝົດ. ໃນນັ້ນ ຂົງເຂດ ປກສ ແລະ ປກຊ ມີ 8 ໝ່ວຍບັດ. ມີສິດປ່ອນບັດ 2.128 ຄົນ, ຍີງ 123 ກ່ວມ 4.01% ຂອງຈຳນວນຜູ້ມີສິດປ່ອນບັດທົ່ວເມືອງ. ໄດ້ແຕ່ງຕັ້ງຄະນະກຳມະການເລືອກຕັ້ງຂັ້ນເມືອງ, ແຕ່ງຕັ້ງຜູ້ປະຈຳການ, ຜູ້ປະສານງານ, ພະນັກງານຊ່ວຍວຽກ,ອະນຸກຳມະການຮັບຜິດຊອບແຕ່ລະໜ້າວຽກງານປະກອບ 5 ອະນຸກຳມະການ, ມີການຝືກອົບຮົມຄະນະຮັບຜິດຊອບປ່ອນບັດເລືອກຕັ້ງທົ່ວເມືອງ, ມີການເນັ້ນໜັກລົງເລີກຄຳແນະນຳ ເລກທີ 08 / ຄລຂ ກ່ຽວກັບການດຳເນີນການປ່ອນບັດ, ການນັບຄະແນນສຽງ ແລະ ການປະກາດຜົນຂອງການເລືອກຕັ້ງ ສສຊ ຊຸດທີ 9 ແລະ ສສຂ ຊຸດທີ 2 ແນະນຳໃຫ້ແຕ່ລະໝ່ວຍບັດຮັບຮູ້ເຂົ້າໃຈ ນັບແຕ່ການຈັດພິທີການປ່ອນບັດ, ການຕິດຄຳຂວັນ ແລະ ປ້າຍໂຄສະນາ, ລະບຽບການປ່ອນບັດ, ແບ່ງຄວາມຮັບຜິດຊອບແຕ່ລະໝ່ວຍບັດ, ການນຳໃຊ້ກາປະທັບ, ວິທີຂິດບັດ, ເພື່ອກຳແໜ້ນບັດລົງຄະແນນທີ່ຖືກຕ້ອງ ແລະ ທີ່ບໍ່ຖືກຕ້ອງ ( ບັດຕາຍ ) ການປ່ອນບັດເລືອກຕັ້ງໃນວັນທີ 21 ກຸມພາ 2021 ເລີ່ມແຕ່ເວລາ 7:00 ໂມງ ແລະ ສຳເລັດລົງໃນເວລາ 20:00 ໂມງ.

ມີຜົນລະເມືອງທັງໜົດ 87.298 ຄົນ, ຍີງ 44.316 ຄົນ, ຜູ້ມີສິດເລືອກຕັ້ງ 52.429 ຄົນ, ຍີງ 25.711 ຄົນ, ( ຕາມບັນຊີເບື້ອງຕົ້ນ ) ມາໃຊ້ສິດຕົວຈີ່ງ 52.963 ຄົນ, ຍີງ 25.445 ຄົນ ເພີ່ມ 534 ຄົນ ເທົ່າກັບ 101% ຈຳນວນບັດຖືກຕ້ອງ 52.963 ບັດ ເທົ່າກັບ 101% ສາມາດປະຕິບັດຜູ້ມີສິດເລືອກຕັ້ງໄດ້ລືນຄາດໝາຍ, ຮັບປະກັນບໍ່ມີບັດຕາຍ ແລະ ຮັບປະກັນໄດ້ຄວາມສະຫງົບ, ຄວາມເປັນລະບຽບຮຽບຮ້ອຍ ເຮັດໃຫ້ ເມືອງປາກຊ່ອງ ສາມາດບັນລຸໄດ້ 300% ທີ່ທາງຂັ້ນເທີງກຳນົດໄວ້, ພໍ່ແມ່ປະຊາຊົນບັນດາເຜົ່າ, ທຸກພາກສ່ວນຂອງສັງຄົມ, ເຈົ້າໜ້າທີ ປກສ, ປກຊ ໄດ້ພ້ອມກັນເອົາໃຈໃສ່ປະຕິບັດພາລະບົດບາດ, ສິດໜ້າທີ, ຄວາມຮັບຜິດຊອບຂອງຕົນຢ່າງເປັນເຈົ້າການ ແລະ ຄວາມຮັບຜິດຊອບສູງຕໍ່ໜ້າທີການເມືອງ ກໍ່ຄື ປະຕິບັດສິດ ແລະ ພັນທະ ຂອງຜົນລະເມືອງລາວ ຈົນສາມາດບັນລຸໄດ້ 300% ທີພັກ-ລັດຂັ້ນເທີງວາງໄວ້ ດ້ວຍໝາກຜົນອັນຈົບງາມ. ຈາກນັ້ນ ແຕ່ລະອະນຸກຳມະການກໍ່ໄດ້ປະກອບຄຳເຫັນ, ສະເໜີຂໍ້ສະດວກ, ຂໍ້ຫຍຸ້ງຍາກ, ແລະ ບົດຮຽນທີຖອດຖອນໄດ້ຕື່ມອີກ.