ວັນທີ 24 ກຸມພາ 2021 ເມືອງມຸນລະປາໂມກໄດ້ຈັດພິທີຮັບມະຫາຊົນກ້າວໜ້າ12 ໜ່ວຍພັກເຂົ້າເປັນສາມະຊິກພັກສຳຮອງ ພິທີດັ່ງກ່າວໄດ້ຈັດຂື້ນຢູ່ທີ່ສະໂມສອນຂອງເມືອງ ໂດຍໃຫ້ກຽດເປັນປະທານຂອງສະຫາຍ ຄໍາເຟືອນ ວົງຂໍາ ຄະນະປະຈໍາພັກເມືອງ ຫົວໜ້າຄະນະຈັດຕັ້ງເມືອງ,ມີສະຫາຍ ບຸນມາ ເຊື້ອຈັນ ກຳມະການພັກເມືອງ ຫົວໜ້າຫ້ອງການພາຍໃນເມືອງ(ຕ່າງໜ້າ 12 ໜ່ວຍພັກ),ສະຫາຍ ວິລະພັນ ໄພໂລດ ຮອງຫົວໜ້າຄະນະຈັດຕັ້ງເມືອງ,ສະຫາຍຕ່າງໜ້າຄະນະກວດກາພັກເມືອງ,ເລຂາໜ່ວຍພັກ,ສອງສະຫາຍກໍ່ສ້າງມະຫາຊົນກ້າວໜ້າພາຍໃນໜ່ວຍພັກເຂົ້າຮ່ວມ.

ໃນພິທີສະຫາຍ ວິລະພັນ ໄພໂລດ ຮອງຫົວໜ້າຄະນະຈັດຕັ້ງເມືອງຂື້ນຜ່ານມະຕິ ຕົກລົງຂອງຄະນະປະຈຳພັກເມືອງວ່າດ້ວຍການອະນຸມັດຮັບເອົາມະຫາຊົນກ້າວໜ້າເຂົ້າເປັນສາມະຊິກພັກສໍາຮອງຂອງພັກປະຊາຊົນປະຕິວັດລາວ ຈຳນວນ 23 ສະຫາຍ,ຍິງ 07ສະຫາຍຈາກນັ້ນສະຫາຍ ບຸນມາ ເຊື້ອຈັນ ກຳມະການພັກເມືອງ ຫົວໜ້າຫ້ອງການພາຍໃນເມືອງ(ຕ່າງໜ້າ 12 ໜ່ວຍພັກ)ກໍໄດ້ຂື້ນກ່າວຮັບເອົາສະມາຊິກພັກສຳຮອງໃຫ່ມ,ພ້ອມກັນນັ້ນປະທານກອງປະຊຸມພ້ອມຄະນະກໍ່ໄດ້ຂື້ນສຳຜັດມືກັບ ສາມະຊິກພັກສໍາຮອງຊຸດໃໝ່ ເພື່ອເປັນສັກຂີພະຍານ ແລະ ຮອງຮັບ.

ຕອນທ້າຍ ສະຫາຍ ຄຳເຟືອນ ວົງຂໍາ ປະທານກອງປະຊຸມ ກໍ່ໄດ້ມີຄຳເຫັນໂອ້ລົມຕໍ່ພິທີ ກ່ອນອື່ນ ສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ ແລະ ສະຫາຍຍັງໄດ້ຮຽກຮ້ອງ ໃຫ້ມະຫາຊົນກ້າວໜ້າທີ່ເຂົ້າເປັນສາມະຊິກພັກສຳຮອງເອົາໃຈໃສ່ຝຶກຝົນຫຼໍ່່ຫຼອມຕົນເອງໃຫ້ເປັນສາມະຊິກພັກທີ່ດີ,ໃຫ້ກໍາໄດ້ແນວທາງຂອງພັກ, ເປັນເຈົ້ານຳໜ້າໃນການປະຕິບັດໜ້າທີ່ວຽກງານ ໃຫ້ມີຄວາມຫ້າວຫັນ ດຸໝັ່ນ ແລະ ໃຫ້ເອົາໃຈໃສ່ເຄົາລົບປະຕິບັດກົດລະບຽບຂອງພັກປະຊາຊົນປະຊາຊົນປະຕິວັດລາວວາງອອກຢ່າງເຂັ້ມງວດ.
ໍຂ່າວ-ພາບ ສອນໄຊ ຖວທ ເມືອງມຸນລະປາໂມກ