ໃນວັນທີ 13 ພະຈິກ 2019 ນີ້, ເມືອງສາລະວັນ ໄດ້ສໍາເລັດກອງປະຊຸມໃຫ່ຍຜູ້ແທນຊາວໜຸ່ມທົ່ວເມືອງຄັ້ງທີ V, ເຊີ່ງພິທີດັ່ງກ່າວໄດ້ຈັດຂື້ນຢູ່ທີ່ສະໂມສອນໃຫ່ຍຂອງເມືອງ, ພາຍໄຕ້ການເປັນປະທານຂອງທ່ານ ກໍ່າສະໄໝ ແສນແທຫຼວງ ຄະນະບໍ່ລິຫານງານຊາວໜຸ່ມແຂວງ ເລຂາຄະນະບໍລິຫານງານຊາວໜຸ່ມເມືອງ, ໃຫ້ກຽດເຂົ້າຮ່ວມຂອງ ທ່ານ ຈັນສີລອນ ສີສົມບູນ ເລຂາຄະນະບໍລິຫານຊາວໜຸ່ມແຂວງ, ແລະທ່ານ ທຶງ ຈອມມະນີ ເລຂາພັກເມືອງ ເຈົ້າເມືອງໆສາ ລະວັນ, ນອກນີ້ຍັງມີຄະນະບໍລິຫານງານຊາວໜຸ່ມເມືອງໃນ 7 ຕົວເມືອງ, ແຂກຖືກເຊີນ ແລະສະມາຊິກຊາວໜຸ່ມເຂົ້າຮ່ວມ.

ທ່ານ ກ່ຳສະໄໝ ແສນແທຫຼວງ ເລຂາຄະນະບໍລິຫານງານຊາວໜຸ່ມເມືອງ ກໍ່ໄດ້ລາຍງານໂດຍຫຍໍ້ຊຶ່ງໃນໄລຍະຜ່ານຄະນະບໍລີຫານງານຊາວໜຸ່ມເມືອງກໍ່ໄດ້ເອົາໃຈໃສ່ເຜີຍແຜ່ເອກະສານ ແລະເຊື່ອມຊືມແນວທາງນະໂຍບາຍຂອງພັກ -ລັດ ແລະຍຸດທະສາດຂອງຄະນະບໍລິຫານງານຊາວໜຸ່ມວາງອອກໃນແຕ່ລະຂັ້ນ, ເອົາໃຈໃສ່ໃສ່ສຶກສາອົບຮົມການເມືອງ – ແນວຄິດໃຫ້ຖັນແຖວພະນັກງານສາມະຊິກຊາວໜຸ່ມ, ເຍົາວະຊົນລາວໄດ້ຮັບຮູ້ເຂົ້າໃຈຢ່າງເລີກເຊິ່ງຕໍ່ແນວທາງນະໂຍບາຍຂອງພັກ, ລະບຽບກົດໜາຍຂອງລັດ, ມູນເຊື້ອອັນດີງາມຂອງຊາດ ແລະຄຸນສົມບັດສີນທໍາປະຕິວັດແບບແຜນວີທີເຮັດວຽກຕ່າງໆ, ເອົາໃຈໃສ່ປັບປຸງກໍ່ສ້າງການຈັດຕັ້ງຕ່າງ ແລະວຽກງານປົກປ້ອງສິດຜົນປະໂຫຍດອັນຊອບທຳຂອງຊາວໜຸ່ມ ພ້ອມດ້ວຍເອກກະສານສໍາຄັນ ແລະມະຕິຕ່າງໆເປັນຕົ້ນກໍ່ແມ່ນມະຕິ VIII ຂອງອົງຄະນະພັກເມືອງ, ມະຕິ VII ຂອງຜູ້ແທນຊາວໜຸ່ມທົ່ວປະເທດ ແລະມະຕິ VI ຂອງຊາວໜຸ່ມທົ່ວແຂວງ, ພ້ອມດ້ວຍມະຕິ IV ຂອງຜູ້ແທນຊາວໜຸ່ມທົ່ວເມືອງ,

ປະຈຸບັນທົ່ວເມືອງມີສະມາຊິກຊາວໜຸ່ມທັງໝົດ 5.690 ຄົນ, ເພີ່ມຂຶ້ນ 40%, ມີໜ່ວຍຮາກຖານຊາວໜຸ່ມທັງໝົດ 170 ໜ່ວຍເພີ່ມຂື້ນ 14 ໜ່ວຍ, ມີສະມາຊິກເຍົາວະຊົນທັນວາ 8.913 ນ້ອງ ເພີ່ມຂື້ນ 26% ແລະມີກອງເຍົາວະຊົນທັນວາ 78 ກອງເພີ່ມຂື້ນ 10 ກອງ.

ພາບ-ຂ່າວ: ສິດຕາ ເພັດວົງສາ
medialaos salavan