ມີເດຍລາວແຂວງຈຳປາສັກ ຂ່າວ:ປັນຍາ ແກ້ວພິລົມຖວທ ເມືອງສຸຂຸມາ ວັນທີ21ເມສາ 2021ນີ້,ກອງບັນຊາການທະຫານເມືອງສຸຂຸມາໄດ້ຈັດພິທີຝຶກອົບຮົມ-ຫັດແອບວຽກງານປ້ອງກັນຊາດ-ປ້ອງກັນຄວາມສະຫງົບເປົ້າໝາຍ4 ຊຸດທີI ໃຫ້ແກ່ຮອງເລຂາຄະນະພັກຮາກຖານກຸ່ມ6ກຸ່ມບ້ານ,ເລຂາພັກບ້ານແລະພະນັກຫ້ອງການອ້ອມຂ້າງເມືອງປະຈຳປີ2021,ທີ່ສະໂມສອນຂອງເມືອງ,ໂດຍການໃຫ້ກຽດເຂົ້າຮ່ວມເປັນປະທານຂອງທ່ານ ປອ ຄຳໄຕ ແກ້ວປະເສີດ ຮອງເລຂາພັກເມືອງ ,ທ່ານ ພັທ ວິໄລ ສັນທະວີ ຮອງຫົວໜ້າຫ້ອງເສນາທະຫານແຂວງ ,ທ່ານ ພັທ ທອງແຫຼ້ ດວງສົມພູ ກຳມະການພັກເມືອງ ຫົວໜ້າການທະຫານພະແນກເສນາ,ມີຄະນະປະຈຳພັກເມືອງ,ກຳມະການພັກເມືອງ,ຫົວໜ້າກອງບັນຊາການປກສເມືອງ,ຄະນະກອງບັນຊາການທະຫານເມືອງແລະນັກສຳມະນາກອນເຂົ້າຮ່ວມຢ່າງພ້ອມພຽງ.

ໃນການຝືກອົບຮົມໃນຄັ້ງນີ້ມີເປົ້າໝາຍເຂົ້າຝືກອົບຮົມ87ສະຫາຍ,ມາຈາກເລຂາພັກບ້ານ56ບ້ານ,ຮອງເລຂາຄະນະພັກຮາກຖານ6ກຸ່ມບ້ານແລະຫ້ອງການອ້ອມຂ້າງເມືອງ,ຈຸດປະສົງກໍ່ເພື່ອແນໃສ່ໃຫ້ນັກສຳມະນາກອນມີຄວາມຮັບຮູ້ແລະເຂົ້າໃຈຄວາມຄວາມສຳຄັນໃນການຝືກແອບວິຊາການເມືອງ-ການທະຫານເພື່ອຍົກສູງຄວາມ,ຮູ້ຄວາມສາມາດດ້ານສີລະປະຍຸດ,ວິທີການຕ່າງໆດ້ານການທະຫານ,ສາມາດປະຕິບັດແລະກຳໄດ້ບັນດາເນື້ອໃນຫຼັກການຂອງທະຫານ,ສາມາດປະກອບອາວຸດ,ມ້າງອາວຸດໄດ້ແລະມີຄວາມເຂົ້າຢ່າງເລິກເຊີ່ງຕໍ່ແນວທາງຂອງພັກ-ລັດກ່ຽວກັບຍຸດທະສາດປ້ອງກັນຊາດ-ປ້ອງກັນຄວາມສະຫງົບໃນໄລຍະໄໝ່ ເຊື່ອມຊືມບັນດາບັນດາເນື້ອໃນນິຕິກຳຕ່າງໆໃນການປະຕິບັດ2 ໜ້າທີ່ຍຸດທະສາດວຽກງານປົກປັກຮັກສາແລະສ້າງສາພັດທະນາປະເທດຊາດ ເພື່ອເປັນພື້ນຖານໝູນໃຊ້ເຂົ້າໃນການຜັນຂະຫຍາຍຈັດຕັ້ງປະຕິບັດຢູ່ທ້ອງຖິ່ນຮາກຖານໃຫ້ມີຄວາມເຂັ້ມແຂງຮອບດ້ານກຽມພ້ອມສະໜອງກັບຄວາມຮຽກຮ້ອງຕ້ອງການໃນໄລຍະໃໝ່ແລະນຳເອົາບົດຮຽນທີ່ຖອດຖອນໄດ້ເຂົ້າໄປໝູນໃຊ້ໃນກົມກອງແລະຮາກຖານບ້ານໃຫ້ມີປະສິດທິພາບສູງຂື້ນ.ການຝືກອົບຮົມແມ່ນຈະໄດ້ດຳເນີນໄປເປັນເວລາ17ວັນຈີ່ງຈະສຳເລັດລົງ.