ມິເດຍລາວແຂວງຈຳປາສັກ ຂ່າວ-ພາບ ປັນຍາ ແກ້ວພິລົມ ຖວທເມືອງສຸຂຸມາ
ຕອນເຊົ້າວັນທີ2 ມີນາ 2021ນີ້,ເມືອງສຸຂຸມາໄດ້ຈັດພິທີເປີດຮໍ່າຮຽນສະໜັບສະໜຸນຊຸດທີI,ຢູ່ທີ່ສະໂມສອນຂອງເມືອງ,ໂດຍການໃຫ້ກຽດເຂົ້າຮ່ວມເປັນປະທານຂອງສະຫາຍ ທອງຄຸດ ພົມມະວົງສາ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ມີສະຫາຍຄຳໃສ ອຸ່ນແກ້ວ ກຳມະການພັກເມືອງ ຫົວໜ້າໂຄສະນາອົບຮົມເມືອງພ້ອມຄະນະ,ພະນັກງານວິຊາການຂອງຫ້ອງການ,ແລະມະຫາຊົນກ້າວໜ້າເຂົ້າຮ່ວມ25ສະຫາຍ,ຍິງ8ສະຫາຍ.

ໃນພິທີສະຫາຍ ຄຳໃສ ອຸ່ນແກ້ວ ກຳມະການພັກເມືອງ ຫົວໜ້າຫ້ອງການໂຄສະນາອົບຮົມເມືອງກໍ່ໄດ້ຂື້ນຜ່ານມະຕິຕົກລົງເລກທີ09/ຄຈພມ,ລົງວັນທີ28/1/2021ວ່າດ້ວຍການຮັບຮອງເອົາມະຫາຊົນກ້າວໜ້າເຂົ້າຮຽນສະໜັບສະໜຸນແລະຜ່ານຄຳແນະນໍາຂອງຄະນະໂຄສະນາອົບຮົມສູນກາງພັກເລກທີ06/ຄອສພວັນທີ9/9/2116ກ່ຽວກັບການນຳໃຊ້ເອກະສານຝືກອົບຮົມເປົ້າໝາຍຂະຫຍາຍເຂົ້າພັກ,ພ້ອມນັ້ນກໍ່ໄດ້ຮັບຟັງການບັນຍາຍເອກະສານຂອງນັກວິທະຍາກອນຈໍານວນ11ຂໍ້ໃຫ່ຍຄື:1:ພັກການເມືອງແມ່ນຫັຍງແລະເປັນຫັຍງຈີ່ງມີພັກການເມືອງ?,2:ພັກປະຊາຊົນປະຕິວັດລາວໄດ້ຮັບການສ້າງຕັ້ງຂື້ນຄືແນວໃດ,3ພັກປະຊາຊົນປະຕິວັດລາວແມ່ນພັກແນວໃດ,4ພັກປະຊາຊົນປະຕິວັດລາວຈັດຕັ້ງຕາມຫຼັກການອັນໃດແດ່5:ພັກປະຊາຊົນປະຕິວັດລາວມີລະບົບສາຍໃຍການຈັດຕັ້ງຄືແນວໃດ,6:ພັກປະຊາຊົນປະຕິວັດລາວປະກອບດ້ວຍບຸກຄະລາກອນຄືແນວໃດແດ່,7:ພັກປະຊາຊົນປະຕິວັດມີວັດຖຸປະສົງແລອຸດົມການຄືແນວໃດ,8:ພັກປະຊາຊົນປະຕິວັດລາວມີທາດແທ້ແນວໃດແດ່,9:ມາດຖານສະມາຊິກພັກແລະເງື່ອນໄຂຜູ້ຈະເຂົ້າເປັນສະມາຊິກພັກປະຊາຊົນປະຕິວັດລາວມີຄືແນວໃດ,10:ສະມາຊິກພັກມີໜ້າທີ່,ພັນທະແລະມີຜົນປະໂຫຍດຫັຍງແດ່,ແລະ11:ຂໍ້ຫ້າມສຳລັບສະມາຊິກພັກປະຊາຊົນປະຕິວັດລາວມີຫັຍງແດ່,ຕອນທ້າຍພິທີກໍ່ໄດ້ມອບໃບຢັ້ງຢືນການຮຽນສະໜັບສະໜຸນເປົ້າໝາຍຂະຫຍາຍເຂົ້າພັກມາຈາກກົມກອງອ້ອມຂ້າງເມືອງແລະຮາກຖານກຸ່ມບ້ານຈໍານວນ24ສະຫາຍ,ຍິງ5ສະຫາຍ,ໂດຍການໃຫ້ກຽດກ່າວມອບຂອງສະຫາຍ ທອງຄຸດ ພົມມະວົງສາ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ.