ມີເດຍລາວແຂວງຈຳປາສັກ ຂ່າວ:ປັນຍາ ແກ້ວພິລົມ ຖວທເມືອງ ເນື່ອງໃນໂອກາດວັນປູກຕົ້ນໄມ້ແຫ່ງຊາດວັນທີ1ມີຖຸນາທັງແມ່ນວັນເດັກນ້ອຍສາກົນ ,ຢູ່ທີ່ບາກ,ກຸ່ມບ້ານທີ3,ເມືອງສຸຂຸມຫ້ອງການກະສີກຳແລະປ່າໄມ້ເມືອງສຸຂຸມາໄດ້ຈັດພິທີປູກຕົ້ນໄມ້ໃນກາງເດືອນມີຖຸນາ2021,ຢູ່ທີ່ບ້ານບາກ,ກຸ່ມທີ3 ເມືອງສຸຂຸມາ ແຂວງຈຳປາສັກ,ໂດຍການໃຫ້ກຽດເຂົ້າຮ່ວມເປັນປະທານຂອງທ່ານສົມເພັດ ບຸດສະດີ ເລຂາພັກເມືອງ ເຈົ້າເມືອງໆສຸຂຸມາ,ທ່ານ ແກ້ວລັດຕະນະ ສີຫາວົງ ຄະນະປະຈຳພັກແຂວງ ຮອງປະສະພາປະຊາຊົນແຂວງຈຳປາສັກ ຜູ້ຊີ້ນຳວຽກງານຮອບດ້ານຢູ່ເມືອງສຸຂຸມາ,ມີທ່ານ ກັນຫາ ແກ້ວບົວລະພາ ຄະນະພະແນກກະສີກຳແລະປ່າໄມ້ແຂວງ,ທ່ານ ກິເດດ ຄຳສອນ ກຳມະການພັກເມືອງ ຫົວໜ້າຫ້ອງການກະສີກຳແລະປ່າໄມ້ເມືອງ, ມີບັນດາຄະນະນຳຂອງເມືອງ,ຫ້ອງການອ້ອມຂ້າງເມືອງ,ກຸ່ມບ້ານ,ນັກທຸລະກິດ,ບໍລິສັດ,ຫ້າງຮ້ານ,ເລຂາພັກບ້ານແລະພໍ່ແມ່ປະຊາຊົນເຂົ້າຮ່ວມຢ່າງຫຼວງຫຼາຍ.

ໃນພິທີ ທ່ານ ກິເດດ ຄຳສອນ ກຳມະການພັກເມືອງ ຫົວໜ້າຫ້ອງການກະສີກຳແລະປ່າໄມ້ເມືອງກໍ່ໄດ້ລາຍງານໃຫ້ຮູ້ວ່າ:ການຈັດກິດຈະກຳປູກຕົ້ນໄມ້ໃນຄັ້ງນີ້:ແມ່ນປະຕິບັດຕາມແຈ້ງການຂອງທ່ານເຈົ້າແຂວງຈຳປາສັກເລກທີ25/ຈຂ.ຈສ,ເລື່ອງການສ້າງຂະບວນການປູກຕົ້ນໄມ້ແຫ່ງຊາດແລະວັນເດັກນ້ອຍສາກົນ1ມີຖຸນາຄົບຮອບ41ປີ,ເມືອງສຸຂຸມາມີເນື້ອທີ່ທັງໝົດ74,564ຮຕ,ໃນນັ້ນເນື້ອທີ່ປ່າປ້ອງກັນ25.197ຮຕ,ປ່າປ້ອງກັນຊາຍແດນ14ແຫ່ງເນື້ອທີ່8.403ຮຕ,ປ່າປ້ອງກັນແຫຼ່ງນໍ້າເນື້ອທີ່16.794ຮຕ,ປ່າຜະລິດໜອງຕາໂຫງກເນື້ອທີ່27.818ຮຕ,ປ່າສະຫງວນ21.549ຮຕ,ໄດ້ຟື້ນຟູແລ້ວໃນເຂດປ່າຜະລິດ825ຮຕແລະປູກເສີມຕາມທຳມະຊາດ52,48ຮຕ,ວຽກງານເກັບແກ່ນໄມ້ທັງໝົດ51ກິໂລກຼາມ,ແກ່ນໄມ້ອຸດສາຫະກຳ46ກິໂລກຼາມ,ແກ່ນໄມ້ກິນໝາກ2ກິໂລກຼາມ,ແກ່ນໄມ້ປະດັບ3ກິໂລກຼາມ,ແລະວຽກງານກ້າເບ້ຍໄມ້ທັງໝົດ7.549ເບ້ຍແມ່ນໄດ້ຈັດແບ່ງໃຫ້ບ້ານ,ກຸ່ມບ້ານ,ບໍລິສັດຫ້າງຮ້ານ,ກົມກອງຫ້ອງການແມ່ນໄດ້ມີຄວາມຮັບຜິດຢ່າງສູງໃນການປົກປັກຮັກສາເບີ່ງແຍງໃຫ້ເຕີບໃຫ່ຍປູກໃຫ້ກາຍເປັນປ່າສີຂຽວໃນຕໍ່ໜ້າ.