ມີເດຍລາວແຂວງຫຼວງພະບາງ ຂ່າວ ທ້າວສົມເພັດ ໄຊມີກອນ ນັກຂ່າວເມືອງໂພນທອງ.
ວັນທີ 28 ມີຖຸນາ ປີ 2021 ນີ້ ທີ່ໂຮງຮຽປະຖົມສົມບູນສຶກສາວັງຊຽງ 1 ເມືອງໂພນທອງ ໄດ້ຈັດພິທີເປີດການສອບເສັງ ຈົບຊັ້ນປະຖົມສົມບູນສຶກສາທົ່ວເມືອງໂພນທອງ, ໂດຍມີ ທ່ານ ອຳຄາ ແກ້ວອຳພອນ ຮອງເຈົ້າເມືອງ-ເມືອງໂພນທອງ, ທ່ານ ສົມແພດ ພົມມະຈັນ ຫົວໜ້າຫ້ອງການສຶກສາທິການ ແລະ ກິລາເມືອງ, ພ້ອມດ້ວຍຄະນະອຳນວຍການໂຮງຮຽນ ຄູ ສະມາຄົມພໍ່ແມ່ນັກຮຽນ ຕະຫຼອດຮອດ ນັກຮຽນຊັ້ນ ປໍ 5 ເຂົ້າຮ່ວມ.

ພິທີ ທ່ານ ບຸນທັນ ທຳມະວົງ ພະນັກງານຫ້ອງການສຶກສາທິການ ແລະ ກິລາເມືອງ ໄດ້ຂື້ນຜ່ານຂໍຕົກລົງຂອງທ່ານເຈົ້າເມືອງ-ເມືອງໂພນທອງ ແລະຂໍຕົກລົງຂອງຫ້ອງການສຶກສາທິການ ແລະ ກິລາເມືອງ ວ່າດ້ວຍການອານຸມັດ ແຕ່ງຕັ້ງຄະນະຮັບຜິດຊອບ ແລະ ການເຝົ້າກວດກາຫ້ອງສອບເສັງຈົົບຊັ້ນ ປໍ 5 ແລະກົດລະບຽບການສອບເສັງ ເພື່ອໃຫ້ນັກສອບເສັງ ແລະຄະນະກຳມະການປະຕິບັດຢ່າງເຂັ້ມງວດ, ໃນສົກຮຽນ 2020-2021 ທົ່ວເມືອງໂພນທອງມີ 16 ສູນສອບເສັງ, ມີນັກສອບເສັງເຂົ້າຮ່ວມ ທັງໝົດ 524 ຄົນ ຍິງ 272 ຄົນ, ສອບເສັງ 4 ວິຊາຫຼັກ ຄື: ວິຊາ ພາສາລາວ-ຫັດແຕ່ງ, ວິຊາ ຄະນິດສາດ, ວິຊາໂລກອອມຕົວ ແລະວິຊາຂຽນທວາຍ.

ຈາກນັ້ນ ທ່ານ ອຳຄາ ແກ້ງອຳພອນ ຮອງເຈົ້າເມືອງໂພນທອງ ໄດ້ເໜັ້ນໜັກໃຫ້ຄະນະຮັບຜິດຊອບການເຝົ້າຫ້ອງສອບເສັງ ໃຫ້ມີຄວາມເຂັ້ມງວດ ຕາມລະບຽບຫລັກການ ສ່ວນນັກສອບເສັງຕ້ອງຕັ້ງໃຈຄົ້ນຄ້ວາຫົວບົດສອບເສັງ ແລະຕອບໃຫ້ທັນເວລາ ຮັບປະກັນໃຫ້ການສອບເສັງໃຫ້ໄດ້ຮັບຜົນດີ, ມີຄຸນນະພາບ, ຕອນທ້າຍ ທ່ານໄດ້ໃຫ້ກຽດເປີດຫົວບົດສອບເສັງຈົບຊັ້ນ ປໍ 5 ສົກປີ 2020-2021 ຢ່າງເປັນທາງການ.