ຕອນຊົ້າຂອງວັນທີ 11 ມີນາ 2021 ຢູ່ຫໍປະຊຸມໃຫ່ຍຂອງເມືອງໂພນໄຊ ໄດ້ຈັດກອງປະຊຸມສະຫຼຸບວຽກງານແຮງງານ ແລະ ສະຫວັດດີການສັງຄົມ ປະຈໍາປີ 2020 ແລະ ທິດທາງແຜນການປີ 2021 ໂດຍເປັນປະທານຂອງທ່ານ ສົມຈິດ ລັດຕະນະ ຮອງເຈົ້າເມືອງໆໂພນໄຊ,ທ່ານ ສົມບຸນ ພົມມະປັນຍາ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງຫຼວງພະບາງ ແລະ ທ່ານ ຄໍາໝັ້ນ ແສງສຸລິດາວົງ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ, ມີຫົວໜ້າຫ້ອງການ,ຮອງຫ້ອງການຕະຫຼອດຮອດພະນັກງານພາຍໃນຫ້ອງການຂອງຕົນເອງ ຢ່າງພ້ອມພຽງ.


ທ່ານ ຄໍາໝັ້ນ ແສງສຸລິດາວົງ ຂື້ນຜ່ານບົດສະຫຼູບການຈັດຕັ້ງປະຕິບັດໃນໄລຍະ 1 ປີຜ່ານມາ ແລະ ທິດທາງແຜນການປີ 2021 ໄດ້ເອົາໃຈໃສ່ລົງຊຸກຍູ້ຕິດຕາມກວດກາຄວາມປອດໄພ,ຄວາມຍຸຕິທໍາໃນນໍາໃຊ້ແຮງງານ ແລະ ການອອກແຮງງານຢູ່ຕາມຫົວໜ່ວຍທຸລະກິດຕ່າງໆ ເປັນປົກກະຕິໃນທົ່ວເມືອງມີແຮງງານອາຍຸ 18 – 60 ປີທັງໜົດ 16,247 ຄົນ, ຍິງ 8,012 ຄົນ, ແຮງງານຕ່າງປະເທດ 72 ຄົນ,ຍິງ 21 ຄົນ ຈີນ 58 ຄົນ,ຍິງ 17 ຄົນ, ຫວຽດນາມ 14 ຄົນ, ຍິງ 4 ຄົນ, ຜູ້ອອກແຮງງານໃຫ້ລັດ 855 ຄົນ, ຍິງ 267 ຄົນ, ອອກແຮງງານໃຫ້ຕົນເອງ ແລະ ຄອບຄົວ 15,233 ຄົນ, ຍິງ 7,673 ຄົນ, ອອກແຮງງານໃຫ້ລັດວິສາຫະກິດ 11 ຄົນ, ຍິງ 1 ຄົນ, ອອກແຮງງານໃຫ້ນາຍຈ້າງ 76 ຄົນ, ຍິງ 29 ຄົນ ໄດ້ປະຕິບັດນະໂຍບາຍສົ່ງສະການໃຫ້ພະນັກງານເສຍອົງຄະ, ພະນັກງານບໍານານ ແລະ ລູກເມຍຂອງພະນັກງານເປັນຈໍານວນທັງໜົດ 96.177.510 ກີບ ໄດ້ສະເໜີບັດ ອປລ ໃຫ້ພະນັກງານລັດຖະກອນ ເມຍລູກລັດຖະກອນ ຈໍານວນ 66 ບັັັັດ ໄດ້ແຈກບັດ ອປລ ທັງໜົດ 106 ບັດປະຕິບັດໄດ້ 212 ສ່ວນຮ້ອຍ ທຽບໃສ່ແຜນປະຈໍາປີ ປະຕິບັດໄດ້ເກີນແຜນ 112 ສ່ວນຮ້ອຍ ປະຕິບັດເງີນປະສູດລູກຈໍານວນ 52 ທ່ານເປັນເງີນ 60,347,275 ກີບ ແລະ ໄດ້ບໍາເນັດໃຫ້ພະນັກງານລັດຖະກອນຄູ ເປັນເງີນ 75,395,250 ກີບ ໃນໄລຍະຜ່ານມາທົ່ວເມືອງໂພນໄຊ ມີໄພພິບັດທີ່ເກີດຂື້ນທີ່ສົ່ງຜົນກະທົບໂດຍກົງຕໍ່ການພັດທະນາເສດຖະກິດ-ສັງຄົມຂອງເມືອງ, ຊີວິດ, ຊັບສີນຂອງປະຊາຊົນທັງໜົດ 7 ຄັ້ງລວມມູນຄ່າເສຍຫາຍທັງໜົດ 7.695.750.000 ກີບ ໃນນັ້ນເສຍຫາຍຫຼາຍກວ່າໜູ່ແມ່ນໄພແຫ້ງແລ້ງ 6.852.750.000 ກີມ ກວມເອົາ 12 ບ້ານໃນທົ່ວເມືອງ ມີພົນລະເມືອງ 4.597 ຄົນ, ຍິງ 2.171 ຄົນ ມີເນື້ອທີທັງໝົດ 1.136.5 ເຮັກຕາ, ເສຍຫາຍ 824 ເຮັກຕາ, ເປີເຊັນການເສຍຫາຍ 72,44 ສ່ວນຮ້ອຍ.
ພາບ-ຂ່າວ: ສີວອນ ນັກຂ່າວເມືອງໂພນໄຊ