ໄລຍະມໍ່ໆ ມານີ້ສື່ອອນລາຍໄດ້ປະໂຄມຂ່າວແບບບິດເບືອນຄວາມຈີງຫຼາຍຢ່າງ ເປັນຕົ້ນແມ່ນກໍລະນີການຕິດເຊື້ອໃນຊຸມຊົນ ເຊີ່ງເວົ້າຫຼາຍ ສະເໜີຫຼາຍແມ່ນການຕິດເຊື້ອໃນໂຮງງານເຊີ່ງໃນຄວາມເປັນຈີງທາງການໂດຍສະເພາະຄະນະສະເພາະກິດເພີ່ນກຳລັງສືບສວນຫາຄວາມເປັນຈີງ ວ່າສາເຫດມັນເປັນແນວໃດກັນແທ້? ເວົ້າເລື່ອງພະຍາດລະບາດນີ້ບໍ່ມີໃຜເພີ່ງປາດຖະໜາດອກແຕ່ວ່າມັນເກີດຂື້ນແລ້ວກໍ່ຕ້ອງຊອກຫາສາເຫດ ເພື່ອລະງັບການລະບາດ ແລະ ເຂົ້າສູ່ການປີ່ນປົວ.

ສະນັ້ນ ຜູ້ເສບຂ່າວບໍ່ຕ້ອງກັງວົນໃຈ ແລະ ຕື່ນເກີນກ່ວາເຫດ ທາງການຈັດຕັ້ງເພີ່ນບໍ່ໄດ້ນີ້ງນອນໃຈ ພວກເພີ່ນສຸມທຸກກຳລັງວັງຊາ ເພື່ອແກ້ໄຂບັນຫານີ້ ພວກເຮົາທີ່ເສບຂ່າວຕ້ອງເລືອກຟັງ ແລະ ປະຕິບັດຕາມແຫຼ່ງຂ່າວທາງການ ທີ່ຄະນະສະເພາະກິດເພີ່ນຖະແຫຼງ ຫຼື ຊີ້ແຈງທໍ່ນັ້ນ ແຫຼ່ງຂ່າວອື່ນບໍ່ຕ້ອງໃສ່ໃຈເນີ!.

ສຳລັບຜູ້ມືບອນມັກໂພສເລື່ອງການແຜ່ລະບາດຂອງພະຍາດໂຄວິດ-19 ນີ້ກໍ່ຕ້ອງລະວັງ! ການຈັດຕັ້ງເພີ່ນແຈ້ງແລ້ວວ່າຢາກເຮັດໜ້າທີ່ເປັນຜູ້ສະໜອງຂໍ້ມູນແກ່ສັງຄົມຕ້ອງໄປຂື້ນທະບຽນໃຫ້ຖືກຕ້ອງ; ແຕ່ປະກົດວ່າດຽວນີ້ ພວກສື່ອອນລາຍແຕກຄອກບໍ່ປະຕິບັດ ຮ້າຍແຮງກ່ວານັ້ນຍັງສືບຕໍ່ອອກຂ່າວ ໂພສຂໍ້ມູນທີ່ບິດເບືອນສ້າງຄວາມແຕກແຍກໃນສັງຄົມນັບມື້ຫຼາຍຂື້ນ.

ການຈັດຕັ້ງເພີ່ນເຂັ້ມງວດແລ້ວເນີ! ພວກມືບອນ; ພວກສື່ສາມຫາວທັງຫຼາຍຈະຖືກນຳເຂົ້າສູ່ຂະບວນຍຸຕິທຳ ເພື່ອຕັດສິນຕາມລະບຽບ-ກົດໝາຍ ຜ່ານມາບໍ່ແມ່ນວ່າເພີ່ນບໍ່ເຮັດເນີ! ຖ້ຽວນີ້ເຮັດແທ້! ບໍ່ເຊື່ອຢ່າລອງ ຢຸດສາເນີ ຖ້າບໍ່ຢາກເຈັບ ເພາະເວລາບໍ່ທັນສວຍເກີນແກ້.

#ມີເດຍລາວ