* ໃມີເດຍລາວແຂວງເຊກອງ (ຂ່າວ-ພາບ: ແກ້ວໄຊຍະວົງ) ນວັນທີ 25 ພຶດສະພາຜ່ານມາ ທີ່ຫ້ອງວ່າການແຂວງເຊກອງ ທ່ານ ແສງສົດ ພົມມະລິນສອນ ຕາງໜ້າບໍລິສັດທອງສະຫວັນກໍ່ສ້າງ ແລະສ້ອມແປງຂົວ-ທາງຈໍາກັດພ້ອມຄະນະ ໄດ້ນໍາເອົາເງິນສົດຈໍານວນ 15 ລ້ານກີບມອບໃຫ້ແຂວງເຊກອງ ເພື່ອນໍາໃຊ້ເຂົ້າໃນວຽກງານປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ໂດຍແມ່ນທ່ານ ຄໍາສອນ ກອນເຍີ ຮອງເຈົ້າແຂວງເຊກອງ, ຫົວໜ້າຄະນະສະເພາະຂັ້ນແຂວງເປັນຜູ້ກ່າວຮັບ.

ໃນໂອກາດນີ້ ທ່ານ ຄໍາສອນ ກອນເຍີ ກໍໄດ້ຍົກໃຫ້ສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ທີ່ສົ່ງຜົນກະທົບໂດຍກົງຕໍ່ການພັດທະນາເສດຖະກິດ, ການດໍາລົງຊີວິດ, ການທໍາມາຫາກິນຂອງພໍ່ແມ່ປະຊາຊົນ ແລະການເຄື່ອນໄຫວຂອງບັນດາຫົວໜ່ວຍທຸລະກິດ.ພ້ອມນີ້ ທ່ານຮອງເຈົ້າແຂວງກໍໄດ້ສະແດງຄວາມຂອບໃຈມາຍັງບໍລິສັດທີ່ໃຫ້ການຊ່ວຍເຫຼືອເຂົ້າໃນວຽກງານປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດໂຄວິດ-19, ການຊ່ວຍ ເຫຼືອດັ່ງກ່າວ ແມ່ນມີຄວາມໝາຍສໍາຄັນທີ່ສຸດ ເຊິ່ງໃນນາມຕາງໜ້າອົງການປົກຄອງແຂວງ ຈະນໍາໃຊ້ເງິນຊ່ວຍເຫຼືອດັ່ງກ່າວ ເຂົ້າໃນການເຄື່ອນໄຫວວຽກງານໃຫ້ມີປະສິດທິພາບ, ປະສິດທິຜົນ ແລະເກີດປະໂຫຍດສູງສຸດຕໍ່ວຽກງານ.