ລັດວິສາຫະກິດນໍເາປະປາ ນະຄອນຫຼວງວຽງຈັນ ອອກແຈ້ງການເຖິງບັນດາບໍລິສັດ, ຫົວຫນ່ວຍທຸລະກິດ, ພໍ່ແມ່ປະຊາຊົນ, ພະນັກງານ, ທະຫານ, ຕໍາຫຼວດ ແລະ ພະແນກການຕ່າງໆ ທີ່ຊົມໃຊ້ນ້ໍາປະປາ ກ່ຽວກັບແຮງດັນນ້ໍາປະປາ ຈະບໍ່ປົກກະຕິ ແລະ ບໍ່ພຽງພໍຕໍ່ການຊົມໃຊ້ນ້ໍາປະປາ ໃນບາງເຂດ ຂອງເມືອງ ໄຊທານີ, ໄຊເສດຖາ ແລະ ເມືອງ ຈັນທະບູລີ ນະຄອນຫຼວງວຽງຈັນ ໃນວັນທີ 10 ມັງກອນ 2011.

ໂດຍແຈ້ງການໃຫ້ຮູ້ວ່າ: ລັດວິສາຫະກິດນ້ໍາປະປາ ນະຄອນຫຼວງວຽງຈັນ ຂໍຖືເປັນກຽດຢ່າງສູງແຈ້ງມາຍັງບັນດາລູກຄ້າຜູ້ຊົມໃຊ້ນ້ໍາ ປະປາ ທີ່ອາໃສຢູ່ເຂດ ເມືອງ ໄຊທານີ, ເມືອງ ໄຊເສດຖາ ແລະ ເມືອງ ຈັນທະບູລີ ນະຄອນຫຼວງວຽງຈັນ ຊາບວ່າ ເເຮງດັນນໍ້າປະປາ ຈະບໍ່ປົກກະຕິ ແລະ ບໍ່ພຽງພໍຕໍ່ການຊົມໃຊ້ນໍ້າປະປາ ໃນໄລຍະທີ່ມີການມອດໄຟຟ້າ.

ເຊິ່ງຈະສົ່ງຜົນໃຫ້ມີນ້ໍາອອກຄ່ອຍ, ບໍ່ມີນ້ໍາໃນບາງບ້ານຂອງເມືອງ ໄຊທານີຄື: ບ້ານ ໂພນຄໍາ, ທ່າສະຫວ່າງ, ທ່າງ່ອນ, ນາ, ໂນນບໍ່ແກ້ວ, ໂນນສະອາດ, ດ່ານຊ້າງ, ດົງຫມາກຄາຍ, ດອນຕິ້ວ, ດົງສ້າງຫີນ, ໄຊສະຫວ່າງ, ດອນຫນູນ ໄຊ, ນາແຄ, ຫ້ວຍເຕີຍ, ໂນນແສງຈັນ, ວຽງແກ້ວ, ຫ້ວຍແດນເມືອງ, ຫນອງວຽງຄໍາ, ນາທົ່ມ, ຫນອງພະຍາ ຕານມີໄຊ, ດົງໂດກ, ສະພັງມຶກ, ຊ້າງຄູ້, ພະຂາວ, ຄໍາຮຸ່ງ, ສິວິໄລ; ເມືອງ ໄຊເສດຖາ: ບ້ານ ຫນອງຫນ່ຽງ, ໂນນສະຫວັນ ຮ່ອງສຸພາບ ອາມອນ, ໂນນສະຫງ່າ, ແສງສະຫວ່າງ, ຊໍາເຄ້, ໂຊກນ້ອຍ, ໂຊກໃຫຍ່; ເມືອງ ຈັນທະບູລີ: ບ້ານ ຫ້ວຍຫົງ, ຫນອງທາເຫນືອ, ຫນອງທາໃຕ້, ຈອມມະນີ, ໂພນສະຫວ່າງ.

ສ່ວນການປະຕິບັດວຽກງານ ໃນວັນທີ 10 ມັງກອນ 2021 ກົງກັບວັນອາທິດ, ເລີ່ມແຕ່ເວລາ 08:00 ໂມງ ຫາ 17:00 ໂມງ ຂອງມື້ທີ່ປະຕິບັດວຽກງານ; ຂໍ້ມູນເພີ່ມຕື່ມ ໂທ: 1169 ຕະຫຼອດ 24 ຊົ່ວໂມງ.

ດັ່ງນັ້ນຈຶ່ງແຈ້ງໃຫ້ກະກຽມໂຕ່ງນ້ໍາໄວ້ກ່ອນລ່ວງຫນ້າ ເພື່ອຊົມໃຊ້ຊົ່ວຄາວຈົນກ່ວາແຮງດັນນ້ໍາຈະມາເປັນປົກກະຕິ ແລະ ຂໍອາໄພໃນຄວາມບໍ່ສະດວກໃນການຊົມໃຊ້ນ້ໍາປະປາໃນຄັ້ງນີ້ດ້ວຍ.

Medialaos MMD (ແຫຼ່ງຂໍ້ມູນຈາກ: ໜັງສືພິມ ເສດຖະກິດ-ການຄ້າ)