ມີເດຍລາວແຂວງບໍ່ແກ້ວ ພາບ-ຂ່າວ: ພັດສະວົງ ບຸນຍະຜົນ
ວັນທີ 11 ມິຖຸນາ ນີ້ ໂຄງການພັດທະນາຊົນນະບົດເປັນມິດກັບສິງແວ້ດລ້ອມມອບລົດມອບລົດໄຖນາ ແລະ ອຸປະກອນຮັບໃຊ້ການຜະລິດໃຫ້ຊາວກະຊິກອນກຸ່ມຜະລິດການປູກຜັກອີຫູມ ແລະ ຂີ້ງດຳໃຫ້ກັບເມືອງປາກທາ ແລະ ເມືອງຜາອຸດົມ ພິທີດັ່ງກ່າວແມ່ນໄດ້ຈັດຂື້ນຢູ່ທີບ້ານດອນມີໄຊ ໂດຍການເຂົ້າຮ່ວມຂອງ ທ່ານ ຄຳໄສ ບົວປິ່ນ ຮອງເຈົ້າເມືອງປາກທາ ທ່ານ ສົມໃຈ ວົງປັນຍາ ຮອງຫົວໜ້າພະແນກກະສິກຳ ແລະ ປ່າໄມ້ແຂວງບໍ່ແກ້ວ ທ່ານ ຊິນຊິກໂກ ຫົວໜ້າໂຄງການພັດທະນາຊົນນະບົດເປັນມິດກັບສິງແວ້ດລ້ອມປະຈຳເມືອງປາກທາ ມີຫົວໜ້າຫ້ອງການກະສິກຳເມືອງຜາອຸດົມ ເມືອງປາກທາຕະຫຼອດຮອດອຳນາດການປົກຄອງບ້ານ ຕາງໜ້າຫົວໜ້າກຸ່ມຊາວກະຊິກອນກຸ່ມຜະລິດການປູກຜັກອີຫູມ ທັງ 5 ບ້ານເຂົ້າຮ່ວມ.

ການລົງມອບລົດ ແລະ ອຸປະກອນໃຫ້ຊາວກະຊິກອນກຸ່ມຜະລິດການປູກຜັກອີຫຸມ ແລະ ຂີ້ງດຳ ໃຫ້ກັບເມືອງປາກທາ ແລະ ເມືອງຜາອຸດົມໃນຄັ້ງນີ້ ທາງຫົວໜ້າໂຄງການພັດທະນາຊົນນະບົດເປັນມິດກັບສິງແວ້ດລ້ອມປະຈຳເມືອງປາກທາໄດ້ນຳພາຄະນະນຳຂອງເມືອງປາກທາ ແລະ ຄະນະນຳຂອງພະແນກກະສິກຳ ແລະ ປ່າໄມ້ແຂວງໄປສຳຫຼວດເບິງສວ່ນທົດລອງປູກຜັກອີຫຸມ ແລະ ຂີ້ງດຳ ຂອງບ້ານຫ້ວຍທອງ ແລະ ບ້ານດອນມີໄຊ ໃນການເກັບກູ້ການປູກຜັກຂອງປະຊາຊົນ,ເພືອໃຫ້ເຫັນ ເນື້ອທີ ແລະ ຜົນຜະລິດ,ຂັ້ນນຕອນການຜະລິດ,ຈາກນັ້ນກໍ່ໄດ້ເຂົ້າສູ່ພິທີມອບອຸປະກອນໃນນັ້ນປະກອບດ້ວຍ: ລົດໄຖນາເດີນຕາມ 5 ຄັນ, ຈັກດູດນ້ຳພົ່ນຢາ 5 ເຄື່ອງ, ແລະ ຈັກຕັດຫຍ້າ 5 ເຄື່ອງ ມູນຄ່າ 22,025ໂດລາສະຫະລັດ,ມອບ ໃຫ້ 5 ກຸ່ມຜະລິດເຊັ່ນວ່າ: ບ້ານຫ້ວຍທອງ,ບ້ານດອນມີໄຊ , ບ້ານຫາດສະ,ບ້ານຫາດດອນແກ້ວ, ແລະ ບ້ານຕີນຜາ ເມືອງຜາອຸດົມ ກ່າວມອບໂດຍ ທ່ານ ຊິນຊິກໂກ ຫົວໜ້າໂຄງການພັດທະນາຊົນນະບົດເປັນມິດກັບສິງແວ້ດລ້ອມຈຳເມືອງປາກທາ ກ່າວຮັບໂດຍ ຫົວໜ້າກຸ່ມຊາວກະຊິກອນກຸ່ມຜະລິດການປູກຜັກອີຫຸມ ແລະ ຂີ້ງດຳ ທັງ 5 ບ້ານ ໂດຍຊອງໜ້າຂອງທ່ານຮອງເຈົ້າເມືອງ ແລະ ພາກສ່ວນທີກ່ຽວຂ້ອງພ້ອມທັງເຊັນບົດບັນທຶກການມອບຮັບໃນຄັ້ງນີ້.

ໂອກາດດຽວກັນນີ້ ທ່ານ ຄຳໄສ ບົວປິນ ຮອງເຈົ້າເມືອງປາກທາ ໄດ້ມີຄຳເຫັນເນັ້ນໜັກໃຫ້ບັນດາສະມາຊິກກຸ່ມການຜະລິດຕ້ອງໄດ້ເອົາໃຈໃສ່ ຊີ້ນຳນຳພາການຜະລິດ ແລະ ປົກປັກຮັກສາພາຫະນະ,ວັດຖຸອຸປະກອນຮັບໃຊ້ໃຫ້ມີຄວາມຍືນຍົງສາມາດໃຊ້ງານໄດ້ຕະຫຼອດ ນຳໃຊ້ເຄື່ອງຈັກໃຫ້ເກີດປະໂຫຍດສູງເອົາໃຈໃສ່ເຂົ້າໃນການປູກ ແລະ ບົວລະບັດຮັກສາໃຫ້ໄດ້ຮັບຜົນຜະລິດຫຼາຍ, ແລະ ມີຄຸນນະພາບສູງ ແລະ ສູ້ຊົນດຸໝັ່ນເຂົ້າໃນການຜະລິດໃຫ້ຫຼາຍຂື້ນສ້າງລາຍຮັບໃຫ້ກັບຄອບຄົວໃຫ້ມີຢູ່ມີກິນແນ່ໃສ່ຫຼຸດພົ້ນອອກຈາກຄວາມທຸກຍາກ.