ມີເດຍລາວແຂວງບໍ່ແກ້ວ ພາບ-ຂ່າວ: ວັນນະເດດ ວິໄລຄຸນ.
ໃນລະຫວ່າງວັນທີ 22-23 ມິຖຸນາ 2021 ນີ້, ທ່ານ ສີສຸກ ຄູນວິທອງ ຮອງຫົວໜ້າພະແນກແຜນການ ແລະ ການລົງທືນແຂວງບໍ່ແກ້ວ ຜູ້ຊີ້ນຳວຽກງານໂຄງການລາວ/ 030 ປະຈຳແຂວງບໍ່ແກ້ວ, ທ່ານ ບຸນມີ ຈັນທະວົງ ກຳມະການພັກເມືອງ ຫົວໜ້າຫ້ອງການແຜນການ ແລະ ການລົງທືນເມືອງປາກທາ ພ້ອມດ້ວຍທີມງານ ໄດ້ລົງມອບເຄື່ອງບັນເທົາທຸກໃຫ້ກັບຄອບຄົວທຸກຍາກ ແລະ ນ້ອງນັກຮຽນ ໃນ 15 ບ້ານເປົ້າໝາຍຂອງແຜນພັດທະນາທ້ອງຖີ່ນລາວ/030 ຂອງເມືອງປາກທາ ແຂວງບໍ່ແກ້ວ.

ສຳລັບເຄື່ອງທີນຳມາມອບໃນຄັ້ງນີ້ປະກອບມີ: ເຂົ້າສານ 2,250 ກິໂລກຼາມ, ຜ້າຫົ່ມໂຕໂຕ່ 166 ຜືນ, ຖັງຢາງດຳ 100 ລີດ 75 ຖັງ, ຜ້າເຊື່ອປູນອນ 48 ຜືນ, ມຸ້ງ 3 ຟຸດ 166 ດາງ, ໜອນ 166 ໜ່ວຍ, ແນວພັນສາລີ 450 ກິໂລກຼາມ, ຢາສີແຂ້ວຄອນເກດ ( ຂະໜາດກາງ ) 1,438 ຫຼອດ, ແປງສີຟັນ ຄອນເກດ (ໃຫຍ່) 1,438 ອັນ, ສະບູລັກ 1,438 ກ້ອນ, ເຈວລ້າງມື 350 ມລ 238 ກ້ອງ, ເຄື່ອງວັດແທກອຸນຫະພູມ 34 ເຄື່ອງ, ຜ້າອັດປາກ 102 ກັບ, ກ່ອງປະຖົມພະຍາບານ 34 ກ່ອງ, ສຳລັບສະບູ, ຢາສີຟັນ ແລະ ແປງສີຟັນ ແມ່ນມອບໃຫ້ນ້ອງນ້ອຍນັກຮຽນແຕ່ ປ 1 ຫາ ປ 5, ນີ້ກໍ່ເປັນການສະແດງເຖິງຄວາມເປັນຫວງເປັນໄຍຂອງລັດຖະບານ ກໍ່ຄືການນຳຂອງແຂວງ, ຂອງເມືອງ ຕໍ່ກັບກັບຄອບຄົວຜູ້ທຸກຍາກອານາຖາ ແລະ ນ້ອງນັກຮຽນທີ່ຍັງຂາດເຂີນ ຍັງເປັນການຊ່ວຍເຫຼືອແກ້ໄຂບັນເທົາທຸກພາຍໃນຄອບຄົວຂອງປະຊາຊົນໃຫ້ມີຢູ່ມີກິນໃນລະດັບໃດໜື່ງ ແລະ ບັນເທົາຄວາມຂາດເຂີນຂອງນັກຮຽນ ທັງ ເປັນການດືງດູດຈິດໃຈໃຫ້ແກ່ນ້ອງນັກຮຽນ ໃຫ້ຢາກມາຮ່ຳຮຽນທຸກໆມື້ອີກດ້ວຍ.