ມີເດຍລາວແຂວງຈຳປາສັກ ຂ່າວເມືອງປາກຊອ່ງ:ຈອມເພັດ ໃນວັນທີ 11 ມີຖຸນາ 2021 ນີ້.ໂຄງການສາມຸໄຣ(SAMuRai Project ) ໄດ້ມອບເຄື່ອງຊ່ວຍເຫຼື່ອ ເຊິ່ງແມ່ນອຸປະກອນການຮຽນໃຫ້ແກ່ໂຮງຮຽນປະຖົມບ້ານທົ່ງຫວາຍ ກຸ່ມ 8 ໃຫ້ແກ້ຜູ້ດ້ອຍໂອກາດໃນເຂດຊອກລີກຂອງເມືອງປາກຊ່ອງ ແຂວງຈຳປາສັກ, ເຊິ່ງພິທີມອບເຄື່ອງຊ່ວຍເຫຼືອແມ່ນຈັດຂື້ນທີ່ໂຮງຮຽນດັ່ງກ່າວ, ໂດຍການກ່າວມອບຂອງທ່ານ ກາຊູອາກິ ທະເກະມຸລະ ຜູ້ຮັບຜິດຊອບໂຄງການສາມູໄຣ.ພ້ອມດ້ວຍທີມງານແລະ ກ່າວຮັບຂອງ ທ່ານ ບຸນລິດ ເທບບຸນສູງ ຮອງເຈົ້າເມືອງໆປາກຊ່ອງມີທ່ານບຸນລຽບ ແກ້ວວົງສາ ຫົວໜ້າຫ້ອງການສືກສາທິການແລະກິລາເມືອງ, ທ່ານສີສະຫວັດ ໂຄດສີເມືອງ ເລຂາຄະນະພັກຮາກຖານກຸ່ມ8 ມີອຳນາດການປົກຄອງບ້ານ, ຄູ-ອາຈານແລະນ້ອງນ້ອຍນັກຮຽນເຂົ້າຮ່ວມເປັນສັກຂີພິຍານ.

ເຊີ່ງເຄືອງທີ່ນຳມາມອບໃນຄັ້ງນີ້ປະກອບມີ, ຊຸດນັກຮຽນ ( ຍິງ-ຊາຍ ) ຈຳນວນ 150ຊຸດ , ປື້ມ,ບີກ,ສໍແລະອຸປະກອນການກິລາອີກຈຳນວນໜື່ງລວມມູນຄ່າທັງໜົດ20ກວ່າລ້ານກີບ,ຈຸດປະສົ່ງກໍເພື່ອຊ່ວຍພັດທະນາການສຶກສາໂດຍສະເພາະແມ່ນເຂດທາງໄກຊອກລີກ,ເດັກນ້ອຍຜູ້ທີດ້ອຍໂອກາດໄດ້ຮັບເຄື່ອງນຸ່ງຫົມ,ອຸປະກອບການຮຽນແລະອຸປະກອບກິລາເພື່ອພັດທະນາການຮຽນຮູ້ຂອງເຂົາເຈົ້າໃຫ້ນັບມື້ນັບດີຂື້ນເລຶ້ອຍໆ,ຈາກນັ້ນຕອນທ້າຍ ທ່ານບຸນລິດ ເທບບຸນສູງ ຮອງເຈົ້າເມືອງໆປາກຊ່ອງຍັງໄດ້ມອບໃບກຽດຕິຄຸນຕໍ່ໂຄງການທີ່ໄດ້ປະກອບສ່ວນຊ່ວຍພັດທະນາການສຶກສາ, ພັດທະນາຊັບພະຍາກອນມະນຸດໃນເຂດຊົນນະບົດ,ພ້ອມທັງຍ້ອງຍໍຊົມເຊີຍ, ສະແດງຄວາມຮູ້ບຸນຄຸນຕໍ່ທາງ ໂຄງການທີ່ໄດ້ໃຫ້ການຊ່ວຍເຫຼອໃນຄັ້ງນີ້ແລະຫວັງວ່າທາງໂຄງການສາມູໄຣຍັງຈະເຫັນໄດ້ຄວາມສຳຄັນຂອງການພັດທະນາຊັບພະຍາກອນມະນຸດພ້ອມທັງໃຫ້ການຊ່ວຍເຫຼືອຕື່ມອີກຕໍ່ໄປ.