ໃນວັນທີ 21 ເມສາ 2021 ໄດ້ມີການແຊແຈ້ງການ ຂອງກະຊວງສຶກສາທິການ ແລະ ກິລາ ສະບັບເລກທີ 069/ສສກ ລົງວັນທີ 21 ເມສາ 2021 ກ່ຽວກັບການໂຈະການຮຽນ-ການສອນໃນສະຖານການສຶກສາໃນຂອບເຂດທົ່ວປະເທດ ຢ່າງກວ້າງຂວາງ ແຈ້ງການດັ່ງກ່າວແມ່ນບໍ່ມີຄວາມຈີງ ເປັນຂ່າວປອມ ມັນແມ່ນການປອມແປງ ແລະ ດັດແປງແກ່ເອກະສານເກົ່າ ທີ່ເຄີຍແຈ້ງໃນຊ່ວງການລະບາດຂອງພະຍາດໂຄວິດ-19 ປີຜ່ານມາ.

ໃນສະພາບການປັດຈຸບັນທີ່ພະຍາດໂຄວິດ-19 ກຳລັງແຜ່ລະບາດໃນທົ່ວປະເທດ ໄດ້ມີພວກຄົນບໍ່ດີສວຍໂອກາດປັ່ນປ່ວນ ແລະ ຫາຜົນປະໂຫຍດ ຈາກສະຖານະການສຸກເສີນ ເພື່ອສ້າງສະຖານະການໃຫ້ສັງຄົມບໍ່ມີຄວາມສະຫົງບ ແລະ ໄດ້ຮັບຂ່າວສານບໍ່ຖືກຕ້ອງ.

ດັ່ງນັ້ນ ທຸກຄົນຄວນບໍລິໂພກຂ່າວສານຕ່າງໆ ຢ່າງມີການກັ່ນຕອງ ສື່ສັງຄົມອອນລາຍແມ່ນວ່ອງໄວ ກ້ວາງຂວາງ ແລະ ມີການນໍາໃຊ້ຄລິບສຽງ ແລະ ເອກະສານປອມແປງຕ່າງໆ ເພື່ອມາຫຼອກລວງ ແລະ ສ້າງຄວາມປັ່ນປ່ວນໃນສັງຄົມ ແລະ ເຮັດໃຫ້ປະຊາຊົນຈຳນວນຫຼາຍແຕກຕື່ນ.

ດັ່ງນັ້ນ ຈີ່ງຂໍເຕືອນພໍ່ແມ່ປະຊາຊົນລາວທຸກຖ້ວນໜ້າຢ່າຫຼົງເຊື່ອ ໃຫ້ຕິດຕາມຂ່າວສານ ແລະ ຮັບຂ່າວຢ່າງມີສະຕິ ແລະ ຫ້າມສືບຕໍ່ເຜີຍແຜ່ຂໍ້ມູນທີ່ບໍ່ມີຄວາມຈີງຢ່າງເດັດຂາດ, ຖ້າຝ່າຝືນຈະຖືກປະຕິບັດຕາມກົດໝາຍຂອງ ສປປ ລາວ.

ພ້ອມນີ້ ຂໍຮຽກຮ້ອງມາຍັງປະຊາຊົນໃນຂອບເຂດທົ່ວປະເທດ ທຸກຊັ້ນຄົນຫາກຢາກຮູ້ວ່າຂ່າວຈິງ ຂ່າວປອມ ແມ່ນໃຫ້ສອບຖາມຄະນະສະເພາະກິດ ແລະ ສາມາດກວດສອບຂໍ້ມູນໄດ້ທາງເວັບໄຊ covid19. gov.la ຫຼື ໂທຖາມ ໝາຍເລກ 166, 166 ຫຼື 020 54066777 ເຊີ່ງເປັນເບີສາຍດ່ວນໂຄວິດ-19 ສະເພາະ.