ມີເດຍລາວແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ ວັນທີ 28 ພຶດສະພາ 2021 ສາທາລະນະສຸກເມືອງບາຈຽງຈະເລີນສຸກ ແຂວງຈໍາປາສັກ ຈັດພິທີປູກຕົ້ນໄມ້ໃຫ້ໝາກຢູ່ທີ່ໂຮງໝໍນ້ອຍຫຼັກ21ເນື່ອງໃນວັນປູກຕົ້ນໄມ້ແຫ່ງຊາດ 1 ມິຖຸນາ ໂດຍໃຫ້ກຽດເປັນປະທານຂອງທ່ານ ປອ ຄໍາກິ່ງແກ້ວ ປັດທໍາມະວົງ ຮອງເຈົ້າເມືອງບາຈຽງຈະເລີນສຸກ , ່ທ່ານ ນາງ ດຣ ອຸດຕະພອນ ສົມສີທາ ຫົວໜ້າຫ້ອງການສາທາລະນະສຸກເມືອງ,ມີຮອງຫົວໜ້າຫ້ອງການສາທາ,ຮອງຫົວໜ້າຫ້ອງການກະສິກຳ-ປ່າໄມ້,ຮອງຫົວໜ້າຫ້ອງການຖະແຫຼງຂ່າວ,ວັດທະນະທຳ-ທ່ອງທ່ຽວເມືອງ,ອໍານວຍການໂຮງໝໍເມືອງ,ອໍານວຍການໂຮງໝໍນ້ອຍຊຸມຊົນ,ຄະນະພັກຮາກຖານກຸ່ມ lV ,ຄະນະນາຍບ້ານຫ້ວຍແຮ່(ຫຼັກ21) ,ແພດໝໍໂຮງໝໍນ້ອຍແກ້ງຍາວ,ໂຮງໝໍນ້ອຍແກ້ງເກຍ,ໂຮງໝໍນ້ອຍທີ8ແລະໂຮງໝໍນ້ອຍກວາງຊີເຂົ້າຮ່ວມ

ຈຸດປະສົງເພື່ອສ້າງຂະບວນການເນື່ອງໃນໂອກາດວັນປູກຕົ້ນໄມ້ແຫ່ງຊາດແລະວັນເດັກນ້ອຍສາກົນ 1 ມີຖຸນາ 2021 ຄົບຮອບ41ປິ ທັງເປັນການປູກຈິດສໍານືກໃຫ້ແກ່ເຍົາວະຊົນແລະອະນຸຊົນກໍ່ຄືທົ່ວສັງຄົມເຫັນໄດ້ຄວາມໝາຍຄວາມສໍາຄັນຂອງວັນດັ່ງກ່າວແລະເຮັດໃຫ້ສະຖານທີ່ບໍລິການເປັນຮົ່ມແລະສີຂຽວ
 ເບ້ຍໄມ້ໃຫ້ໝາກທີ່ນໍາປູກຄັ້ງນີ້ມີປະເພດ ເບ້ຍຖົ່ວລຽນ33ເບ້ຍ,ເບ້ຍໝາກມ່ວງ 2ເບ້ຍ ,ເບ້ຍໝາກມີ້ 1ເບ້ຍ ລວມທັງໝົດ 36 ເບ້ຍໃນເນື້ອທີ່ດີນໂຮງໝໍນ້ອຍຫຼັກ21(ບ້ານຫ້ວຍແຮ່).