ມີເດຍລາວແຂວງໄຊສົມບູນ ບັນນາທິການ ຂ່າວ: ນາງ ຕູດ ຄໍາພໍໃຈ
ໜ່ວຍພັກພະແນກສຶກສາທິການ ແລະ ກິລາ ແຂວງໄຊສົມບູນ ຈັດພິທີເລື່ອນສະມາຊິກພັກສໍາຮອງຂຶ້ນ ເປັນສະມາຊິກພັກສົມບູນ ໃນຕອນເຊົ້າຊອງວັນທີ 17 ມິຖຸນາ 2021 ນີ້ ທີ່ຫ້ອງປະຊຸມຂອງຕົນ ໂດຍການ ເຂົ້າຮ່ວມ ເປັນປະ ທານຂອງສະຫາຍ ພອຍຄໍາ ຮຸງບຸນຍວງ, ຮອງເລຂາພັກແຂວງ ຜູ້ຊີ້ນໍາວຽກງານພັກ-ພະນັກງານ, ມີສະຫາຍ ຊື່ຢ່າງ ຢາວ່າ, ຮອງເລຂາໜ່ວຍພັກພະແນກສຶກສາທິການ ແລະ ກິລາ ແຂວງ, ມີເລຂາ-ຮອງເລຂາໜ່ວຍ ພັກພະແນກ ຂົງເຂດ ວັດທະນະທໍາສັງຄົມ ພ້ອມດ້ວຍສະມາຊິກພັກສົມບູນ ແລະ ສະມາຊິກພັກສໍາຮອງ ພາຍໃນໜ່ວຍຂອງຕົນ ເຂົ້າຮ່ວມ.

ໃນພິທີສະຫາຍ ຄໍາເຜີຍ ໄຊຍະຮັກ, ຄະນະໜ່ວຍພັກພະແນກສຶກສາທິການ ແລະ ກິລາ ແຂວງ ໄດ້ຂຶ້ນຜ່ານ ຜ່ານມະຕິຕົກລົງວ່າດ້ວຍການອະນຸມັດເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ ຂອງໜ່ວຍພັກ ພະແນກ ສຶກສາທິການ ແລະ ກິລາ ແຂວງໄຊສົມບູນ ມີຈໍານວນ 4 ສະຫາຍ ຄື: ສະຫາຍ ຮູ້ທ່າວ ດົງປາລີ, ສະຫາຍເຢີຢ່າງ ຈາປາວ, ສະຫາຍຢີວື່ ເບຼ່ຍຢ່າວື ແລະ ສະຫາຍນາງ ເດີຢ່າງ ໄຊກໍ ຊຶ່ງທັງ 4 ສະຫາຍ ແມ່ນ ໄດ້ຮັບການຮຽນ ສະຫນັບສະໜູນ, ຮຽນກົດລະບຽບ ແລະ ຜ່ານການຝຶກຝົນຫໍຼຫຼອມເອງໃນ 12 ເດືອນ ພ້ອມນີ້ຍັງຜ່ານການຕິດຕາມ ຈາກຄະນະພັກ-ສະມາຊິກພັກສົມບູນ ເຫັນວ່າມີຄຸນສົມບັດສິນທໍາປະຕິວັດ, ມີຄວາມຫ້າວຫັນຕໍ່ໜ້າທີ່ວຽກງານ, ທັງມີຄວາມ ຮັບຜິດຊອບສູງໃນການ ຈັດຕັ້ງ ປະຕິບັດວຽກງານວິຊາສະເພາະ ແລະ ມີຜົນສໍາເລັດ ຫລາຍດ້ານ ທີ່ການຈັດຕັ້ງມອບ ໝາຍໃຫ້. ຈາກນັ້ນ ສະຫາຍ ຊື່ຢ່າງ ຢາວ່າ, ຮອງເລຂາໜ່ວຍ ພັກພະ ແນກສຶກສາທິການ ແລະ ກິລາ ແຂວງ ກໍໄດ້ຂຶ້ນຈັບມື ແລະ ມອບມະຕິຕົກລົງວ່າດ້ວຍການເລື່ອນສະມາຊິກ ພັກສໍາ ຮອງຂຶ້ນເປັນສະມາຊິກພັກສົມບູນ ຈໍານວນ 4 ສະ ຫາຍ ຢ່າງເປັນທາງການ.

ໃນໂອກາດທີ່ມີຄວາມໝາຍ-ຄວາມສໍາຄັນນີ້ ສະຫາຍ ພອຍຄໍາ ຮຸງບຸນຍວງ, ໄດ້ມີຄໍາເຫັນໂອ້ລົມຕໍ່ພິທີ ຊຶ່ງສະຫາຍໄດ້ຮຽກຮອງມາຍັງບັນດາສະມາຊິກພັກສົມບູນໃໝ່ ໃນຄັ້ງນີ້ ຈົ່ງພ້ອມກັນເອົາໃຈໃສ່ປະຕິບັດລະບຽບ ຂອງພັກໃຫ້ ເຂັ້ມງວດ ພ້ອມທັງຝຶກຝົນຫລໍ່ຫລອມຕົນເອງໃນທຸກດ້ານ ໃຫ້ກາຍເປັນສະມາຊິກພັກ ປອດໃສ່ເຂັ້ມແຂງ ແລະ ໜັກແໜ້ນ ນອກນັ້ນກໍຕ້ອງໄດ້ສຶກສາ-ຮໍາຮຽນທິດສະດີມາກ-ເລນິນ ແນວທາງນະໂຍບາຍຂອງພັກ-ລັດ ແລະ ລະບຽບຂອງພັກ ໄປພ້ອມກັບການຍົກລະດັບຄວາມຮູ້-ຄວາມສາມາດຂອງຕົນເອງ, ໃຫ້ມີຄຸນສົມບັດສິນທໍາປະຕິວັດ ແລະ ປັບປຸງຕົນ ເອງ ໃຫ້ກາຍເປັນ ສະມາຊິກພັກທີ່ດີເດັ່ນໃນອານາຄົດ.