ຈັດຂື້ນຕ່ອນບາຍຂອງວັນທີ25ມີນາ2021ຢູ່ທີ່ຫ້ອງປະຊຸມຫ້ອງການສາທາເມືອງບາຈຽງຈະເລີນສຸກແຂວງຈຳປາສັກໄດ້ຈັດພິທີຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງໂດຍການເປັນປະທານຂອງສະຫາຍນາງ ທອງລ່ຽນ ສຸລະທາທອນ ຮອງເລຂາພັກເມືອງ ປະທານກວດກາພັກ-ລັດເມືອງ ມີສະຫາຍ ສຸດທະເຮືອງສັກ ກຸນລະບຸດ ຄະນະປະຈຳພັກເມືອງຫົວໜ້າຈັດຕັ້ງເມືອງ,ເລຂາ-ຮອງ ພ້ອມສາມາຊີກໜ່ວຍຫ້ອງການສາທາເຂົ້າຮ່ວມທັງໝົດ 37 ສະຫາຍຍີງ18 ສະຫາຍ.

ສະຫາຍ ສຸດທະເຮືອງສັກ ກຸນລະບຸດ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ຂື້ນຜ່ານມະຕິຕົກລົງຂອງຄະນະປະຈຳພັກເມືອງບາຈຽງຈະເລີນສຸກວ່າດ້ວຍການອະນຸມັດຮັບເອົາມະຫາຊົນກ້າວໜ້າເປັນສຳຮອງມີ 7 ສະຫາຍຍີງ 2 ສະຫາຍ ຈາກນັ້ນສະຫາຍ ນາງ ດຣ ອຸຕະພອນ ສົມສີທາ ເລຂາໜ່ວຍພັກ ຫ້ອງການສາທາກໍ່ໄດ້ຂື້ນຮັບເອົາສາມະຊີກສຳຮອງເພື່ອບັນຈຸເຂົ້າໃນໜ່ວຍພັກຂອງຕົນ
ໃນຕອນທ້າຍພິທີຄັ້ງນີ້ສະຫາຍ ທອງລ່ຽນ ສຸລະທາທອນ ຮອງເລຂາພັກເມືອງ ປະທານກວດກາພັກ-ລັດ ເນັ້ນໃຫ້ສະມາຊິກພັກສຳຮອງເອົາໃຈໃສ່ຝືກຝົນຫຼໍ໋ຫຼອມຕົນເອງກັບຂະບວນການຕ່າງໆຕິດພັນກັບມະຫາຊົນເພື່ອກາຍເປັນສະມາຊິກພັກສົມບູນທີ່ສອດຄ່ອງກັບລະບຽບຂອງພັກ.

ຂ່າວ-ພາບ: ນາງ ຂັນທະລີ ວໍລະວົງ ນັກຂ່າວຫ້ອງການສາທາເມືອງບາຈຽງຈະເລີນສຸກ