ມີເດຍລາວແຂວງບໍ່ແກ້ວ ຂ່າວ: ອໍາໄພ ແກ້ວວົງໄຊ
ໃນຕອນບ່າຍຂອງວັນທີ 21 ມິຖຸນາ 2021 ຜ່ານມານີ້ ຢູ່ທີ່ໂຮງຮຽນປະະຖົມນໍ້າເມິງ ເມືອງເມິງ ແຂວງບໍ່ແກ້ວ ໄດ້ຈັດພິທີເລືອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ ຂອງພັກປະຊາຊົນປະຕິວັດລາວ ໂດຍພາຍໃຕ້ການເປັນທານຂອງສະຫາຍ ຄໍາແອ່ນ ອີນທະຄໍາ, ເລຂາໜ່ວຍພັກໂຮງຮຽນປະຖົມນໍ້າເມິງ, ມີບັນດາສະຫາຍສະມາຊິກພັກສົມບູນ, ສໍາຮອງພາຍໃນໜ່ວຍພັກເຂົ້າຮ່ວມ.

ໃນພິທີຄະນະຮັບຜິດຊອບໄດ້ຂຶ້ນຜ່ານມະຕິຕົກລົງຂອງຄະນະປະຈໍາພັກເມືອງ ສະບັບເລກທີ 133/ຄປພມ.ມມ ວ່າດ້ວຍການອະນຸມັດເລີອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ ຈໍານວນ 1 ສະຫາຍ, ຍິງ 1 ສະຫາຍ ເຊິ່ງເປັນຜູ້ທີມີຜົນງານດີເດັ່ນ, ມີເງື່ອນໄຂ ແລະ ມາດຖານຄົບຖ້ວນ ໃດ້ຜ່ານການຝຶກຝົນຫຼໍ່ຫຼອມມາເປັນໄລຍະເວລາ 12 ເດືອນຈິ່ງເຂົ້າເປັນສະມາຊິກພັກສົມບູນຂອງພັກປະຊາຊົນປະຕິວັດລາວ ຢ່າງສົມກຽດ ແລະ ກ່າວຮັບໂດຍສະຫາຍ ຄໍາແອ່ນ ອີນທະຄໍາ ເລຂາໜ່ວຍພັກໂຮງຮຽນປະຖົມນໍ້າເມິງ.

ໃນໂອກາດທີ່ໄດ້ເຂົ້າຮ່ວມພິທີດັ່ງກ່າວ ສະຫາຍ ຄໍາແອ່ນ ອີນທະຄໍາ ເລຂາໜ່ວຍພັກ ໄດ້ມີຄໍາເຫັນໂອ້ລົມ ພ້ອມທັງເນັ້ນໜັກໃຫ້ທິດຊີ້ນໍາຕໍ່ສະຫາຍສະມາຊິກພັກສົມບູນໃໝ່, ຕ້ອງໃດ້ເອົາໃຈໃສ່ປະຕິບັດໂດຍສະເພາະແມ່ນສິດໜ້າທີ່ຂອງສະມາຊິກພັກ 5 ຫຼັກການ 3 ທິດນໍາໃນການປັບປຸງກໍ່ສ້າງພັກ ແລະ 9 ຂໍ້ຫ້າມ ຂອງສະມາຊິກພັກທີ່ກໍານົດໄວ້ໃນກົດລະບຽບພັກ ແລະ ສຶບຕໍ່ເອົາໃຈໃສ່ປະຕິບັດໜ້າທີ່ການເມືອງທີ່ໄດ້ຮັບການມອບໝາຍ, ໃຫ້ກໍາແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດ ມີຄວາມໜັກແໜ້ນທາງດ້ານການເມືອງ, ກໍ່ຄືການປະຕິບັດໜ້າທີ່ວຽກງານວິຊາສະເພາະຂອງຕົນໃຫ້ໄດ້ຮັບຜົນດີ, ເປັນແບບຢ່າງນໍາໜ້າໃນຂະບວນການຕ່າງໆຂອງມະຫາຊົນ, ພ້ອມກັນນີ້ສະຫາຍຍັງໄດ້ຮຽກຮ້ອງໃຫ້ສະມາຊິກພັກສໍາຮອງໃໝ່ຈົ່ງຮັກສາ ແລະ ເຊີດຊູມູນເຊື້ອອັນດີງາມຂອງພັກ, ຝຶກຝົນຫຼໍ່ຫຼອມຕົນເອງ ໃຫ້ກາຍເປັນສະມາຊິກພັກຜູ້ທີດີເດັ່ນຂອງພັກ ແລະ ເຂົ້າຮ່ວມໃນການຈັດຕັ້ງປະຕິບັດສ້າງໜ່ວຍພັກໃຫ້ກາຍເປັນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ.