ມີເດຍລາວແຂວງສາລະວັນ ພາບ-ຂ່າວ: ສິດຕາ ເພັດວົງສາ
ພິທີ ຮັບໃບຢັ້ງຢືນ ໜ່ວຍພັກປອດໃສ ເຂັ້ມແຂງ ໜັກແໜ້ນ ຄັ້ງທີ II ປະຈຳປີ 2020 ຂອງໜ່ວຍພັກ ພະແນກວິທະຍາສາດ ແລະ ເຕັກໂນໂລຊີ ແຂວງສາລະວັນ ໄດ້ຈັດຂື້ນໃນວັນທີ 9 ເມສາ 2021 ນີ້້, ຢູ່ທີ່ຫ້ອງປະຊຸມຂອງຕົນ ໂດຍການເປັນປະທານຂອງສະຫາຍ ແຫວນເພັດ ລັດດາວົງ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງສາລະວັນ, ມີສະຫາຍ ຄຳສຸກ ແກ້ວວົງສອງ ຮອງເລຂາໜ່ວຍພັກ ຮັກສາການຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງສາລະວັນ.ມີ ແຂກຖືກເຊີນຈາກພາກສ່ວນທີ່ກ້ຽວຂ້ອງ ແລະ ສຳມາຊິກພັກ ພາຍໃນໜ່ວຍເຂົ້າຮ່ວມ.


ສະຫາຍ ຄຳສຸກ ແກ້ວວົງສອງ ກໍ່ໄດ້ຂື້ນຜ່ານບົດສະຫລຸບຕີລາຄາການກໍ່ສ້າງໜ່ວຍພັກປອດໃສ, ເຂັ້ມແຂງ ໜັກແໜັ້ນໃນໄລຍະຜ່ານມາ, ຕອນທ້າຍໃນພິທີສະຫາຍ ແຫວນເພັດ ລັດດາວົງ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງສາລະວັນ ກໍ່ໄດ້ໃຫ້ກຽດຂື້ນມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຄັ້ງທີ II. ເປັນກຽດຮັບໂດຍສະຫາຍ ຄຳສຸກ ແກ້ວວົງສອງ ຮອງເລຂາໜ່ວຍພັກ ຮັກສາການຫົວໜ້າພະແນກ ວິທະຍາສາດ ແລະ ເຕັກໂນໂລຊີ ແຂວງສາລະວັນ.