ກະຊວງແຮງງານ ແລະ ສະຫວັດດີການສັງຄົມ ໄດ້ອອກແຈ້ງການສະບັບເລກທີ 3225/ຮສສ ລົງວັນທີ 6 ກັນຍາ 2019 ເຖິງການຈັດຕັ້ງ ພັກ-ລັດ, ອົງການຈັດຕັ້ງມະຫາຊົນ, ພະນັກງານ, ທະຫານ-ຕຳຫຼວດ ທຸກຊັ້ນຄົນໃນສັງຄົມ ເລື່ອງລະດົມການບໍລິຈາກ ເພື່ອຊ່ວຍເຫຼືອຜູ້ປະສົບ ເຄາະຮ້າຍຈາກໄພພິບັດ(ນ້ຳຖ້ວມ) ປີ 2019 ຢູ່ບັນດາແຂວງພາກາງ ແລະ ພາກໃຕ້ ຂອງ ສປປ ລາວ.

ດ້ວຍຄວາມເປັນຫ່ວງເປັນໄຍຕໍ່ບຸກຄົນ ແລະ ຄອບຄົວຜູ້ປະສົບໄພເຄາະຮ້າຍຈາກໄພພິບັດ ໃນຄັ້ງນີ້, ພັກ ແລະ ລັດຖະບານ ກໍໄດ້ມີການຈັດຕັ້ງຊີ້ນຳການຊ່ວຍເຫຼືອຮີບດ່ວນ ດ້ວຍການ ສົມທົບລະຫວ່າງ ສູນກາງ ກັບ ທ້ອງຖິ່ນ ເປັນຕົ້ນ: ການກອບກູ້ເອົາຊີວິດ ແລະ ຊັບສິນຂອງ ປະຊາຊົນ ເຊິ່ງໄດ້ເຮັດໃຫ້ຜູ້ປະສົບເຄາະຮ້າຍ ມີຄວາມປອດໄພ ແລະ ໄດ້ຮັບການບັນເທົາທຸກ ໃນເບື້ອງຕົ້ນ.

ສຳລັບຜູ້ທີ່ມີປະສົງຢາກປະກອດສ່ວນໃນການແກ້ໄຂບັນເທົາທຸກໃນຄັ້ງນີ້ ສາມາດປະກອບ ສ່ວນດ້ວຍຕົນເອງ ຫຼື ປະສານມາຍັງກົມສັງຄົມສົງເຄາະ ໃນນາມກອງເລຂາຄະນະກຳມະ ການປ້ອງກັນ ແລະ ຄວບຄຸມໄພພິບັດແຫ່ງຊາດ, ທີ່ກະຊວງແຮງງານ ແລະ ສະຫວັດດການ ສັງຄົມ ຫຼື ໂອນເຂົ້າບັນຊີ ກອງທຶນຊ່ວຍເຫຼືອຜູ້ປະສົບເຄາະຮ້າຍ ຈາກໄພພິບັດ. ຊື່ບັນຊີພາ ສາອັງກິດ Fund Assistance to Disaster Victims-Ministry of Labour and Social Welfare.

ສະກຸນເງິນກິບ: 010110001508937001

ສະກຸນເງິນບາດ: 010110201508937001

ສະກຸນເງິນໂດລາ: 010110101508937001

ເຊິ່ງທ່ານສາມາດຕິດຕໍ່ພົວພັນມາໃຫ້ການຊ່ວຍເຫຼືອບັນແຕ່ເວລາ: 7:30 ໂມງ ຂອງວັນທີ 7 ກັນຍາ 2019 ເປັນຕົ້ນໄປ.