ເຊໂປນໄດ້ຮັບຜົນກະທົບຈາກໄພພິບັດນ້ຳຖ້ວມຢ່າງໜັກ

ອີງຕາມການລາຍງານຂອງນັກຂ່າວປະຈຳເມືອງເຊໂປນທີ່ໄດ້ລາຍງານກ່ຽວກັບສະພາບນ້ຳຖ້ວມບ້ານເຮືອນ ແລະ​ເນື້ອທີ່ການຜະລິດກະສິກຳຂອງປະຊາຊົນ​ ພາຍໃນເມືອງເຊໂປນ ແຂວງສະຫວັນນະເຂດ ໃນຄັ້ງວັນທີ​9​ຕຸລາ​ ​2020​ ເຊິ່ງມາຮອດປັດຈຸບັນສະພາບນໍ້າແມ່ນໄດ້ຖ້ວມສູງໃນລະດັບວິກິດ ລະດັບນໍ້າ ແມ່ນໄດ້ຖ້ວມໄມ້ຫຼາວັດແທກ ສູງກວ່າ 18 ແມັດ ເຂດກໍານົດອັນຕະລາຍແມ່ນ17ແມັດ ເບື້ອງຕົ້ນ ແມ່ນໄດ້ຮັບຜົນກະທົບໜັກ ຫຼາຍກວ່າ 30 ບ້ານ ເຮືອນຊານປະຊາຊົນ ຖ້ວມແລ້ວ 869 ຫຼັງຄາ ໃນ 21 ບ້ານ ເນື້ອທີ່ທໍາການຜະລິດກະຊິກໍາ 1973 ເຮັກຕ້າ ຫຼາຍຈຸດໄດ້ຖືກຕັດກະແສໄຟຟ້າ ເພື່ອຄວາມປອດໄພ ນໍ້າຍັງເພີ່ມລະດັບຂື້ນຢ່າງຕໍ່ເນື່ອງ

ພາບ-ຂ່າວ: ມີເດຍລາວ ແຂວງສະຫັວນນະເຂດ