ທ່ານ ສອນ​ໄຊ ສີ​ພັນ​ດອນ ກໍາ​ມະ​ການ​ກົມ​ການເມືອງສູນກາງ​ພັກ ຮອງ​ນາຍົກ​ລັດ​ຖະ ມົນຕີ ປະທານ​ຄະ​ນະ​ກໍາ​ມະ​ການ​ຮ່ວມ​ມື​ລາວ – ຫວຽດນາມ ລັດຖະມົນຕີ​ກະຊວງ​ແຜນການ ແລະ ການ​ລົງທຶນ ພ້ອມ​ດ້ວຍ​ຄະນະ ໄດ້​ລົງ​ເຄື່ອນ​ໄຫວ​ຢ້ຽມຢາມ ແລະ ກວດກາ ຄວາມ​ຄືບ​ໜ້າ​ໂຄງການ​ກໍ່ສ້າງ​ຫໍ​ສະພາ​ແຫ່ງ​ຊາດ​ລາວ​ຫຼັງ​ໃໝ່ ເມື່ອບໍ່​ດົນ​ມານີ້ ຊຶ່ງ​ເປັນ​ຂອງຂວັນ​ຈາກພັກ, ລັດຖະບານ ແລະ ປະຊາຊົນ​ຫວຽດນາມ ມອບ​ໃຫ້ພັກ, ລັດຖະບານ ແລະ ປະຊາຊົນ​ລາວ ໃນ​ໂອກາດທີ່ ທ່ານ ຫງວຽນ​ຝູ​ຈ້ອງ ເລຂາ ທິການ​ໃຫຍ່​ພັກ​ກອມ​ມູ​ນິດ​ຫວຽດນາມ ມາ​ຢ້ຽມຢາມ ສປປ ລາວ ຢ່າງ​ເປັນ​ທາງ​ການໃນ​ລະຫວ່າງ​ວັນ​ທີ 24-26 ພະຈິກ 2016.

ໂຄງການ​ກໍ່ສ້າງ ​ຫໍ​ສະພາ​ແຫ່ງ​ຊາດ​ລາວຫຼັງ ​ໃໝ່ ໂດຍ​ແມ່ນ ແມ່ທັບ​ນ້ອຍ 11 ກະຊວງ​ປ້ອງ​ກັນ​ປະເທດ​ຫວຽດນາມ ເປັນ​ຜູ້​ຮັບ​ເໝົາ​ກໍ່​ສ້າງ.ໃນ​ການ​ຕ້ອນຮັບ, ທ່ານ ພັນ​ເອກ ຫ​ງວຽນ​ຈຽນ ຮອງ​ຜູ້​ບັນຊາ​ການ​ແມ່ທັບ​ນ້ອຍ 11 ໄດ້​ລາຍ​ງານ​ສະພາບ​ການ​ກໍ່ ສ້າງ​ຫໍ​ສະພາ​ແຫ່ງ​ຊາດ​ລາວ​ ຫຼັງໃໝ່, ພ້ອມ​ທັງ​ຢັ້ງຢືນ​ ຄວາມ​ຮັບຜິດຊອບ​ໜ້າທີ່​ການເມືອງ​ຂອງ​ແມ່ທັບ​ນ້ອຍ 11 ໃນການ​ ຜັນ​ຂະຫຍາຍ​ວຽກ​ງານ​ກໍ່ສ້າງ ​ດັ່ງກ່າວ ດ້ວຍ​ຄວາມ​ຮັບຜິດ ຊອບ​ສູງ ຊຶ່ງ​ສະແດງໃຫ້​ເຫັນ ​ເຖິງ​ນໍ້າ​ໃຈ​ສັດຊື່​ບໍລິສຸດ ຫວຽດ ນາມ – ລາວ ອ້າຍ​ນ້ອງ.

ທ່ານ ພັນ​ເອກ ຫ​ງວຽນ​ຈຽນ ໃຫ້​ຮູ້​ຕື່ມ​ວ່າ: ໂຄງການ​ກໍ່ສ້າງ​ຫໍ​ສະພາ​ແຫ່ງ​ຊາດ​ລາວ​ຫຼັງ​ໃໝ່​ນີ້, ໄດ້​ເລີ່ມ​ລົງມື​ແຕ່​ເດືອນ ກໍລະກົດ ປີ 2018 ດ້ວຍ​ຄວາມ​ເປັນ​ເຈົ້າ​ການ, ມີ​ຫົວຄິດ​ປະດິດ​ສ້າງ, ຕັ້ງໜ້າ​ອອກແຮງ​ປະຕິບັດ​ຜ່ານ​ຜ່າ​ທຸກ​ຄວາມ​ຫຍຸ້ງຍາກ ໂດຍ​ປະຕິບັດ​ມະຕິ​ເລກ​ທີ 06/ນຍ ຂອງ​ນາຍົກລັດຖະມົນຕີ ແຫ່ງ ສປປ ລາວ ແລະ ບັນດາ​ຂໍ້​ກໍາ​ນົດ ວ່າ​ດ້ວຍ​ການ​ສະກັດ​ກັ້ນ ຄວບ​ຄຸມ ແລະ ປ້ອງ​ກັນ​ໂຄ​ວິດ-19, ຮັບປະກັນ​ດ້ານ​ສຸຂະພາບ​ຂອງ​ຜູ້​ອອກແຮງ​ງານ ໃນ​ການ​ປະຕິບັດ​ໜ້າທີ່​ໃຫ້​ມີ​ຄວາມ​ຄືບ​ໜ້າ.

ປັດຈຸບັນ, ໂຄງການ​ສ້າງ​ຫໍ​ສະພາ​ແຫ່ງ​ຊາດ​ລາວ​ ຫຼັງ​ໃໝ່ ກໍາ​ລັງ​ຢູ່​ໃນ​ຂັ້ນ​ຕອນ​ການ​ຕົບ ແຕ່ງ​ພາຍ​ໃນ. ໃນ​ກອງ​ປະຊຸມ​ລາຍງານ​ ໄດ້​ລາຍ​ງານຕໍ່ທ່ານຮອງນາ ຍົກລັດຖະມົນຕີ ກ່ຽວ​ກັບ​ຜົນ​ປະຕິບັດ​ໂຄງການ, ທ່ານ ພັນ​ເອກ ຫ​ງວຽນ​ຈຽນ ຊີ້​ແຈງ​ວ່າ: ແມ່ທັບ​ນ້ອຍ 11 ຊຶ່ງ​ຮັບ​ໜ້າທີ່​ຮັບ​ເໝົາ​ກໍ່ສ້າງ​ຫໍ​ສະພາ​ແຫ່ງ​ຊາດ​ລາວ​ຫຼັງ​ໃໝ່ ໄດ້​ມີ​ການ​ອອກ​ແບບ​ນໍາ​ໃຊ້​ອຸປະກອນ​ຫຼາຍ​ຊະນິດ, ອຸປະກອນ​ກໍ່ສ້າງ​ທີ່​ມີ​ຄຸນ​ນະ​ພາບ.

ໂອກາດດຽວ​ ກັນ​ນີ້, ທ່ານ ພັນ​ເອກ ຫ​ງວຽນ​ຈຽນ ໄດ້​ສະແດງ​ຄວາມ​ຂອບໃຈ​ການ​ນໍາ 2 ປະເທດ​ລາວ ແລະ ຫວຽດນາມ ທີ່​ໄດ້​ອໍາ​ນວຍ​ຄວາມ​ສະດວກ​ໃຫ້ ແກ່​ແມ່ທັບ​ນ້ອຍ 11 ປະຕິບັດ​ໜ້າທີ່​ຂອງ​ຕົນ​ໄດ້​ເປັນ​ຢ່າງ​ດີ. ທ່ານ ພັນ​ເອກ ຫ​ງວຽນ​ຈຽນ ກ່າວ​ວ່າ: ໂຄງການ​ກໍ່ສ້າງ​ຫໍ​ສະພາ​ແຫ່ງ​ຊາດ​ລາວ​ຫຼັງ​ໃໝ່ໄດ້​ສ້າງ​ສຳ ເລັດ​ໂດຍ​ພື້ນຖານ, ບັນດາ​ວິສະວະກອນ, ກຳມະກອນ ຂອງ​ກົມ​ກອງ​ພວມ​ຂຸ້ນຂ້ຽວ​ຕິດ​ຕັ້ງ​ບັນດາ​ອຸປະກອນ​ເຕັກນິກ, ຕົບແຕ່ງ​ພາຍ​ໃນ​ໃຫ້​ສໍາ​ເລັດ​ໂດຍ​ໄວ ເພື່ອ​ທີ່​ຈະ​ມອບ​-​ຮັບ​ໃນ​ໄຕ​ມາດ​ທີ I-2021.ພາຍຫຼັງ​ຮັບ​ຟັງ​ການ​ລາຍ​ງານ​ສະພາບ​ຄວາມ​ຄືບ​ໜ້າການ​ກໍ່ສ້າງ, ທ່ານ ສອນ​ໄຊ ສີ​ພັນ​ດອນ ໄດ້ຢັ້ງຢືນ​ວ່າ: ໂຄງການ​ສ້າງ​ຫໍ​ສະພາ​ແຫ່ງ​ຊາດ​ລາວ​ຫຼັງ​ໃໝ່​ນີ້ ແມ່ນ​ມີ​ຄວາມ​ໝາຍ​ສໍາ​ຄັນ ຊຶ່ງ​ແມ່ນ​ຂອງ​ຂວັນ ຂອງ​ຊາວ​ຫວຽດນາມ ດ້ວຍ​ຄໍາ​ສຸພາສິດ​ທີ່​ວ່າ; “ເຂົ້າ​ເມັດ​ຫັກ​ຜັກເສັ້ນ​ໜຶ່ງ​ກໍ​ແບ່ງ ປັນ​ກັນ​ກິນ”, ທີ່​ເຕັມ​ໄປ​ດ້ວຍ​ນໍ້າໃຈ ແລະ ມີ​ຄຸນຄ່າ​ທີ່ ຫວຽດ ນາມ​ ມອບ​ໃຫ້​ລາວ. ໂຄງການນີ້ ຈະ​ແມ່ນ “ມໍລະດົກ​ສືບ​ທອດ” ແຫ່ງ​ສາຍ​ພົວພັນ​ພິເສດ​ລາວ – ຫວຽດນາມ ໃຫ້​ແກ່​ຄົນ​ຮຸ່ນ​ໃໝ່.

ທ່ານຮອງ​ນາຍົກລັດຖະ ມົນຕີ ໄດ້​ສະແດງ​ຄວາມ​ຍ້ອງຍໍ​ຊົມເຊີຍ​ແມ່ທັບ​ນ້ອຍ 11 ທີ່​ມີ​ຄວາມ​ຮັບຜິດຊອບ​ສູງ​ໃນ​ການ​ປະຕິບັດ​ໜ້າທີ່​ວຽກ​ງານ​ຂອງ​ຕົນ​ຕາມ​ການ​ມອບ​ໝາຍ. ທ່ານ ສອນ​ໄຊ ສີ​ພັນ​ດອນ ຢືນຢັນ​ວ່າ: ຈະ​ຊີ້​ນໍາ​ບັນດາ​ຄະນະ​ຮັບ ຜິດຊອບ, ຂະແໜງ​ການ​ຂອງ​ລາວ ສ້າງ​ທຸກ​ເງື່ອນໄຂ​ ເພື່ອ​ສະໜັບສະໜູນ, ຊ່ວຍເຫຼືອ​ແມ່ທັບ​ນ້ອຍ 11 ປະຕິບັດ​ໜ້າ ທີ່​ໄດ້​ເປັນ​ຢ່າງ​ດີ ແລະ ຫວັງ​ວ່າໂຄງການ​ນີ້, ຈະ​ແມ່ນ​ຊັບ​ສົມບັດ​ທີ່​ລໍ້າ​ຄ່າ ຊຶ່ງ​ປະຊາຊົນ​ລາວ​ບັນດາເຜົ່າ ຈະ​ປົກ​ປັກຮັກ ສາ​ໄວ້​ເປັນ​ຢ່າງ​ດີ ເພາະ​ນີ້​ແມ່ນ​​ຊັບ​ສົມບັດ​ທີ່​ໄດ້​ມາ​ຈາກ​ຄວາມ​ຈິງ​ໃຈ​ຂອງ​ປະຊາຊົນ​ຫວຽດນາມ.

Medialaos MMD (ແຫຼ່ງຂໍ້ມູນຈາກ: ໜັງສືພິມປະຊາຊົນ)