ເພື່ອປະກອບສ່ວນຊ່ວຍເຫຼືອຜູ້ປະສົບໄພນ້ໍາຖ້ວມຢູ່ບັນດາແຂວງ ພາກໃຕ້ຂອງລາວ ທີ່ປະເຊີນກັບໄພນ້ໍາຖ້ວມຈົນເຮັດໃຫ້ເນື້ອທີ່ທຳການຜະລິດ, ເຮືອນຊານປະຊາຊົນ, ສັດລ້ຽງ ແລະ ໄຮ່ນາ-ຮົ້ວສວນຂອງປະຊາຊົນທີ່ໄດ້ຮັບຄວາມເສຍຫາຍຢ່າງໜັກໜ່ວງ.

ໃນວັນທີ 4 ພະຈິກ ຜ່ານມານີ້, ທີ່ອົງການກາແດງລາວ, ສະຖານທູດ ສປ ຈີນ ປະຈໍາ ສປປ ລາວ ໄດ້ປະກອບສ່ວນຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມຢູ່ບັນດາບັນດາແຂວງ ພາກໃຕ້ຜ່ານອົງການການແດງລາວ, ກ່າວມອບໂດຍທ່ານ ຈ່ຽງ ຈ້າຍຕົ່ງ ເອກອັກຄະລັດຖະທູດ ສປ ຈີນ ປະຈໍາ ສປປ ລາວ ແລະ ກ່າວຮັບໂດຍ ທ່ານ ຄໍາຮຸ່ງ ເຮືອງວົງສີ ປະທານອົງການກາແດງລາວ.

ໂອການນນີ້, ທ່ານຄໍາຮຸ່ງ ເຮືອງວົງສີ ໄດ້ສະແດງຄວາມຂອບໃຈມາຍັງສະຖານທູດຈີນ ປະຈໍາລາວ ທີ່ໄດ້ນໍາເງິນຈຳນວນ 5 ພັນໂດລາ ຫຼື ປະມານ 46 ກວ່າລ້ານກີບມາຊ່ວຍແບ່ງເບົາຄວາມສູນເສຍຂອງປະຊາຊົນຜູ້ໄດ້ຮັບຜົນກະທົບຈາກໄພນ້ໍາຖ້ວມ

ຊຶ່ງໄລຍະຜ່ານມາລັດຖະບານຈີນກໍ່ຄືປະຊາຊົນຈີນກໍ່ໄດ້ໃຫ້ການຊ່ວຍເຫຼືອເປັນຈໍານວນຫຼວງຫຼາຍ ແລະ ເງິນຊ່ວຍເຫຼືອຄັ້ງນີ້, ແມ່ນຈະນໍາໄປຊື້ເຄື່ອງໃຊ້ທີ່ຈໍາເປັນເພື່ອນໍາແຈກຢາຍໃຫ້ເຂົາເຈົ້າໃນໄວໆໂດຍຈະມີການສົບທົບກັບອໍານາດການປົກຄອງທ້ອງຖິ່ນເຂດພື້ນທີ່ ທີ່ໄດ້ຮັບຜົນກະທົບ ເພື່ອຈະໄດ້ແຈກຢາຍເຖິງກຸ່ມເປົ້າໝາຍ ແລະ ທົ່ວເຖິງ.

Medialaos MMD (ແຫຼ່ງຂໍ້ມູນຈາກ: ໜັງສືພິມປະຊາຊົນ)