ທ່ານ ຄຳພັນ ພົມມະທັດ ກຳມະການກົມການເມືອງສູນກາງພັກ ອາດີດເຈົ້າແຂວງ ອັດຕະປື ພ້ອມຄະນະ ໄດ້ເດີນທາງລົງຢ້ຽມຢາມຖາມຂ່າວ ແລະ ມອບເຄື່ອງຊ່ວຍເຫຼືອບັນເທົາທຸກ ໃຫ້ ຜູ້ປະສົບໄພນ້ຳຖ້ວມທີ່ຢ່າງເປັນທາງການ ຢູ່ແຂວງອັດຕະປື ວ່າງວັນທີ 7 ກັນຍາ 2019 ນີ້ ໃນໂອກາດການຢ້ຽມຂອງທ່ານກົມການເມືອງສູນກາງພັກເທື່ອນີ້ ໄດ້ສະແດງຄວາມເຫັນໃຈ ຕໍ່ການແກ້ໄຂໄພພິບັດທັງເກົ່າ ແລະ ໃໝ່.

ເຊິ່ງໃນໄລຍະວິກິດທາງດ້ານເສດຖະກິດນີ້ສຳຄັນແມ່ນໃຫ້ສືບຕໍ່ເອົາໃຈໃສຕື່ມ ກໍ່ຄືຜູ້ປະສົບ ໄພປີກາຍນັ້ນຈົນກວ່າເຂົາເຈົ້າຕັ້ງຫລັກໄດ້ ແລະ ເພື່ອເປັນການແບ່ງເບົາບັນ ທຸກໃຫ້ຜູ້ປະ ສົບໄພໃນປີນີ້ ທ່ານກໍ່ໄດ້ນຳເອົາເຄື່ອງມາມອບທີ່ເມືອງໄຊເສດຖາ ເຊິ່ງປະກອບມີ: ນ້ຳດື່ມ 260 ແກັດ, ເຂົ້າ+ປາປ໋ອງ 260 ຖົງ ຈາກນັ້ນ ກໍ່ໄດ້ເດີນທາງຢ້ຽມຢາມໂອລົມປະຊາຊົນ ບ້ານ ກະຍື ເມືອງ ສາມັກຄີໄຊ ພ້ອມທັງ ມອບເງິນໄດ້ທີ່ລະດົມໄດ້ຈາກສູນກາງໃຫ້ ແຂວງ ແລະ 5 ເມືອງ ຈຳນວນໜຶ່ງ ແລະ ເງິນຊ່ວຍເຫລືອຈາກ ສູນກາງທີ່ໂອນເຂົ້າບັນຊີຂອງແຂວງນຳອີກ ຈຳນນ 100 ກວ່າລ້ານກີບ.

ມາຮອດປັດຈຸບັນ ການຊ່ວຍເຫລືອສຸກເສີນເບື້ອງຕົ້ນ ມີ 36 ບ້ານ, ມີ 4.521 ຄອບຄົວ ພ້ອມນີ້ ຍັງອີກຫລາຍບ້ານທີ່ຍັງບໍ່ທັນໄດ້ໄປຊ່ວຍເຫລືອ ເຊິ່ງຄາດວ່າຈະໄດ້ນຳເອົາເຄື່ອງບັນ ເທົາທຸກໄປຊ່ວຍເຫລືອຕາມແຜນທີ່ແຕ່ລະເມືອງຈະມາໃຫ້ທ່ຽມທັນໃນໄວໆນີ້.