ລາຍງານເຫດການເບື້ອງຕົ້ນຈາກແຂວງສະຫວັນນະເຂດ: ໃນຕອນເຊົ້າຂອງວັນທີ 3/12/2020 ເວລາປະມານ 8:45 ມີການລະເບີດ ທີ່ດ່ານສາກົນລາວບາວ, ຊາຍແດນລາວ-ຫວຽດນາມ ບ້ານແດນສະຫວັນ ເມືອງເຊໂປນ ແຂວງສະຫວັນນະເຂດ ຊື່ງລົດຂົນສົ່ງສິນຄ້າໄດ້ຊຸກເຊື່ອງທາດແຕກປະເພດບັ້ງພຸ, ບັ້ງໄຟດອກ ແລະ ບັ້ງກະໂພກເປັນຈຳນວນຫຼາຍ ໂດຍເອົາຫີນກາວເຕັງໄວ້ ມາຮອດຈຸດກວດດ່ານພາສີ ເຈົ້າໜ້າທີ່ພາສີໄດ້ມີການກວດກາຢູ່ເທິງລົດ

ພ້ອມດຽວກັນເຈົ້າໜ້າທີ່ໄດ້ເອົາເຫຼັກໄປແທງ ແລະ ຕອກເຂົ້າໄປເຮັດໃຫ້ລະເບີດ ໄຟໄດ້ລຸກລາມໄໝ້ຢ່າງໜັກ ຫຼັງຈາກເກີດເຫດໄຟໄໝ້ເຈົ້າໜ້າທີ່ ພ້ອມດ້ວຍລົດດັບເພີງໄດ້ມາຮອດສະຖານທີ່ເກີດເຫດແຕ່ບໍ່ສາມາດເຂົ້າໄປໃກ້ສະຖານທີ່ໄຟໄໝ້ໄດ້ ຍ້ອນມີຖັງນໍ້າມັນ ມີຄວາມຮ້ອນ ຊຶ່ງອາດຈະເກີດລະເບີດໄດ້ທຸກເວລາ ແລະ ເຮັດໃຫ້ລົດບັນທຸກສິນຄ້າຫຼາຍຄັນຖືກໄຟໄໝ້ຈົນໜົດ ມີການບາດເຈັບຫຼາຍຄົນ ແລະ ເສຍຊີວິດ

ສ່ວນຜົນເສຍຫາຍແມ່ນຍັງບ່ໍສາມາດປະເມີນໄດ້ ແລະ ເຫດການໄຟໄໝ້ໃນຄັ້ງນີ້ຍັງບໍ່ຮູ້ສາເຫດເທື່ອ.

#Medialaos