ອີງຕາມການລາຍງານຂອງຄະນະຄຸ້ມຄອງເຂດເສດຖະກິດພິເສດ ແຂວງຫລວງນໍ້າທາໃຫ້ຮູ້ວ່າໃນວັນທີ 29 ພະຈິກ 2020 ໄດ້ມີນັກທ່ອງທ່ຽວຄົນຈີນເດີນທາງມາແຕ່ປະເທດພະມ້າຜ່ານເຂົ້າມາທາງເມືອງຕົ້ນເຜິ້ງແຂວງບໍ່ແກ້ວ ແລະເດີນທາງຕໍ່ມາຮອດເຂດເສດຖະກິດພິເສດບໍ່ເຕັນແດນງາມ ແລະເຂົ້າພັກຢູ່ໂຮງແຮມ ຂາຍລີ້, ມາຮອດ ວັນທີ 1 ທັນວາ ໄດ້ມີຄົນລາວຈຳນວນ 2ຄົນມາຮັບເອົາ ແລະ ພາໄປສົ່ງທາງນ້ອຍເພື່ອລັກລອບເຂົ້າໄປ ສປ ຈີນໃນເວລາ 22-24ໂມງ. ເຊິ່ງການລັກລອບເຂົ້າເມືອງຜິດກົດໝາຍດັ່ງກ່າວໄດ້ຖືກເຈົ້າໜ້າທີ່ຝ່າຍຈີນຈັບໄດ້ ແລະ ໄດ້ນຳເອົາທັງສອງຄົນໄປກວດ PCR ຫາເຊື້ອພະຍາດ covid-19 ເຊິ່ງຜົນອອກມາແມ່ນ ບວກ(ພົບເຊື້ອພະຍາດ ໂຄວະດ 19) ສະນັ້ນ, ທາງຄະນະຄຸ້ມຄອງເຂດເສດຖະກິດພິເສດ ແຂວງ ຫລວງນໍ້າທາ ໄດ້ຈັດຕັ້ງປະຕິບັດມາດຕະການປ້ອງກັນແລະຄວບຄຸມໂດຍສະເພາະ ແມ່ນການຈຳກັດບໍລິເວນພາຍໃນເຂດໃຫ້ຢຸ່ແຕ່ພາຍໃນຫ້ອງພັກ ແລະ ເຂດທີ່ກຳນົດເທົ່ານັ້ນ ແລະ ມີຄໍາສັ່ງໂຈະ ການເຂົ້າ-ອອກ ຊົ່ວຄາວ.