ໃນວັນທີ 8 ທັນວາ 2020 ທີ່ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ບໍລິສັດຮູບເງົາລາວ ໄດ້ນຳເງິນຈຳນວນ 20 ລ້ານກີບ ແລະ ບໍລິສັດພັດທະນາ ສວນລ້ານຊ້າງຈໍາກັດ ໄດ້ນຳເງິນຈຳນວນ 50 ລ້ານກີບ ເພື່ອຊຸກຍູ້ກອງປະຊຸມໃຫຍ່ຄັ້ງທີ V ອົງຄະນະພັກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ທີ່ຈະໄຂຂຶ້ນໃນມໍ່ໆນີ້. ຕາງໜ້າໃຫ້ກະຊວງ ຖວທ ຮັບໂດຍທ່ານ ອຸ່ນທວງ ຂາວພັນ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ມອບໂດຍ ທ່ານ ຫວາງ ຮົງ ຫົວໜ້າຄະນະຮັບຜິດ ຊອບກຽມສ້າງຕັ້ງບໍລິສັດຮູບເງົາລາວ.

ໂອກາດນີ້, ທ່ານ ອຸ່ນທວງ ຂາວພັນ ກໍ່ໄດ້ສະແດງຄວາມຂອບໃຈ ຮູ້ບຸນຄຸນ ແລະ ຕີລາຄາສູງ ຕໍ່ ການຊ່ວຍເຫລືອໃນການສະໜັບສະໜູນ, ຊຸກຍູ້ກອງປະຊຸມໃຫຍ່ຄັ້ງທີ V ອົງຄະນະພັກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ທີ່ຈະເປີດຂຶ້ນໃນມໍ່ໆນີ້, ເຊິ່ງເປັນການປະກອບສ່ວນສຳຄັນໃນການຈັດກອງປະຊຸມດັ່ງກ່າວ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານ)