1. ກິນຜັກທີ່ມີສີສັນທຸກມື້ ສີສັນຂອງຜັກນອກຈາກເບິ່ງສວຍງາມແລ້ວ ຜັກແຕ່ລະຊະນິດຍັງມີປະລິມານທີ່ແຕກຕ່າງກັນ ເຊີ່ງປະເພດຂອງທາດ phytonutrients ແມ່ນຂື້ນກັບສີຂອງຜັກ ດັ່ງນັ້ນການກິນຜັກຫຼາຍໆ ຊະນິດ ຫຼື ການກິນຜັກ 5 ສີແມ່ນມີປະໂຫຍດຫຼາຍຕໍ່ສຸຂະພາບ.

ສານສີແດງ ເຊັ່ນ: ໝາກເລັ່ນມີສານຕ້ານອະນຸມູນອິດສະຫຼະທີ່ເອີ້ນວ່າ “lycopene” ເຊິ່ງຊ່ວຍຫຼຸດຄວາມສ່ຽງໃນການເປັນໂລກມະເຮັງຕ່ອມລູກໝາກ ມະເຮັງກະເພາະອາຫານ  ແລະ ມະເຮັງປອດ.

ສານສີເຫຼືອງ / ສີສົ້ມ ເຊັ່ນ: ໝາກອຶ ແລະ ແຄລອດມີສານຕ້ານອະນຸມູນອິດສະລະ “ Carotenoids” ແລະ ເຕັມໄປດ້ວຍວິຕາມິນທີ່ສາມາດຕ້ານການເກີດອະນຸມູນອິດສະລະໃນຮ່າງກາຍ.

ສານສີຂຽວ ເຊັ່ນ: ຜັກກາດນາ ແລະ ດອກຜັກກາດ ແມ່ນເຕັມໄປດ້ວຍວິຕາມິນຊີ ລວມທັງຜັກບົ້ງ ກວາງຕຸ້ງ ຕຳລິນ ແມ່ນມີວິຕາມິນເອ.

ສານສີມ້ວງ ເຊັ່ນ: ດອກກະລໍ່າປີສີມ້ວງ, ໝາກເຂືອສີມ້ວງ, ຜັກສີມ້ວງເຫຼົ່ານີ້ ແມ່ນມີສານແອນໂທໄຊຍານິນ ເຊິ່ງສາມາດຢຸດສານກໍ່ໃຫ້ເກີດມະເຮັງ.

ສານສີຂາວ ເຊັ່ນ: ຜັກກາດຂາວ, ໝາກເຂືອຂາວ, ດອກແຄ ໂດຍສະເພາະຍອດດອກແຄ ບັນຈຸສານ Beta-carotene ສູງ ເຊິ່ງມີຄວາມສາມາດໃນການທຳລາຍສານຕ້ານອະນຸມູນອິດສະລະ.

2. ກິນໝາກໄມ້ ແລະ ຜັກເປັນປະຈຳ ໝາກໄມ້ປະກອບດ້ວຍວິຕາມິນ ແລະ ແຮ່ທາດຫຼາຍຢ່າງທີ່ມີປະໂຫຍດຕໍ່ຮ່າງກາຍ ລວມທັງເສັ້ນໃຍອາຫານທີ່ຊ່ວຍລະບົບຍ່ອຍອາຫານ ເຮັດໃຫ້ລະບົບຍ່ອຍອາຫານເຮັດວຽກເປັນປົກກະຕິເປັນຕົ້ນແມ່ນ: ໝາກກ້ຽງ, ໝາກນັດ ແລະ ໝາກມັງຄຸດ ທີ່ມີວິຕາມິນ C ແລະ ສານຕ້ານອະນຸມູນອິດສະລະ ເຊິ່ງຊ່ວຍຫຼຸດຄວາມສ່ຽງຂອງມະເຮັງ ຫຼື ໝາກຫຸ່ງມີວິຕາມິນ A, B ແລະ C ທີ່ຊ່ວຍໃຫ້ລະບົບຍ່ອຍອາຫານເຮັດວຽກໄດ້ເປັນປົກກະຕິ ແລະ ຫຼຸດຄວາມສ່ຽງຂອງມະເຮັງເຊັ່ນດຽວກັນ.

3. ການປຸງແຕ່ງອາຫານ ປະເພດພືດ ແລະ ເສັ້ນໃຍ ພືດທີ່ບໍ່ໄດ້ຜ່ານການຂັດສີ ຫຼື ຂັດສີໜ້ອຍທີ່ສຸດ ເຊັ່ນ: ເຂົ້າກໍ່າ, ເຂົ້າສາລີ, ສາລີ, ລູກເດືອຍ ແລະ ອື່ນໆ ຊະນິດພືດທີ່ມີໂພຊະນາການສູງ ເປັນຕົ້ນແມ່ນວິຕາມິນ, ແຮ່ທາດ, ໄຟໂຕນິວທຽນ, ເສັ້ນໄຍອາຫານ ແລະ ສານຕ້ານອະນຸມູນອິດສະລະຕ່າງໆ ນອກຈາກນີ້ເສັ້ນໃຍອາຫານໃນພືດຍັງມີບົດບາດສຳຄັນໃນການທຳລາຍສານທີ່ເປັນອັນຕະລາຍທີ່ຕິດຢູ່ໃນລຳໄສ້ໃຫ້ຂັບຖ່າຍອອກມາ ດັ່ງນັ້ນຈື່ງມີສ່ວນສຳ ຄັນໃນການຫຼຸດຄວາມສ່ຽງຕໍ່ການເປັນມະເຮັງລຳໄສ້ ແລະ ມະເຮັງລຳໄສ້ໃຫຍ່.

4. ໃສ່ເຄື່ອງເທດເພື່ອເພີ່ມລົດຊາດອາຫານ ເຄື່ອງເທດໝາຍເຖິງພາກສ່ວນຕ່າງໆ ຂອງພືດ ທີ່ຖືກນຳມາຜະລິດເປັນເຄື່ອງປຸງອາຫານ ຫຼື ເຮັດໃຫ້ອາຫານມີກິ່ນຫອມ ແລະ ຍັງມີສັບພະຄຸນໃນການຫຼຸດຄວາມສ່ຽງຂອງການເກີດໂລກມະເຮັງ.

5. ເພີ່ມສານຕ້ານອະນຸມູນອິດສະລະ ດ້ວຍການດື່ມເຄື່ອງດື່ມຈາກທຳມະຊາດທີ່ນຳມາຈາກສ່ວນຕ່າງໆ ຂອງພືດ ເຊັ່ນ: ຊາຂຽວທີ່ອຸດົມໄປດ້ວຍສານ EGGC ເຊິ່ງສາມາດຊ່ວຍຫຼຸດຄວາມສ່ຽງຂອງການເກີດເຊວມະເຮັງເປັນຕົ້ນ.

6. ປຸງແຕ່ງອາຫານໃຫ້ຖືກວິທີ ເຊັ່ນ: ບໍ່ປີ້ງອາຫານປະເພດຊີ້ນຈົນໄໝ້ຫຼາຍ ບໍ່ກິນອາຫານທີ່ບໍ່ມີປະໂຫຍດ ອາຫານສຸກໆ ດິບໆ ຫຼື ບໍ່ໃຊ້ນໍ້າມັນທີ່ຈືນອາຫານຫຼາຍໆ ເທື່ອ.

7. ຫຼຸດການບໍລິໂພກຊີ້ນແດງ ເນື່ອງຈາກວ່າມັນເປັນອາຫານທີ່ມີໄຂມັນອີ່ມຕົວສູງ ເຮັດໃຫ້ມີຄວາມສ່ຽງເປັນມະເຮັງລຳໄສ້ໃຫຍ່, ມະເຮັງຮູທະວານ, ມະເຮັງເຕົ້ານົມ ແລະ ໂລກຕຸ້ຍ.

8. ອາຫານປະເພດເຄັມ ເຊັ່ນ: ກິນອາຫານດອງໃຫ້ໜ້ອຍລົງ ທາດໂຊດຽມພົບຢູ່ໃນຊີ້ນເຄັມ, ປາເຄັມ ແລະ ໝາກໄມ້ດອງ ມີບົດບາດສຳຄັນຫຼາຍຕໍ່ຂະບວນການຕ່າງໆ ໃນຮ່າງ ກາຍ ແຕ່ຖ້າຫາກສູງເກີນໄປອາດຈະເປັນອັນຕະລາຍຕໍ່ຮ່າງກາຍໄດ້.

9. ຫຼີກລ່ຽງອາຫານທີ່ມີໄຂມັນ ໂດຍສະເພາະອາຫານປະເພດທີ່ມີກົດໄຂມັນອີ່ມຕົວ ເຊິ່ງມັກຈະມີຢູ່ໃນຊີ້ນສັດ ແລະ ນໍ້າມັນຜັກບາງຊະນິດ ເຊັ່ນ: ນໍ້າມັນເບີ, ໄຂມັນສັດ, ກະທິ, ນໍ້າມັນໝາກພ້າວ ແລະ ນໍ້າມັນປາມ.