ວັນທີ 11 ທັນວາ 2020 ຜ່ານມານີ້, ແຂວງອັດຕະປື ໄດ້ຈັດພິທີປະກາດພະນັກງານການນໍາ ອອກພັກຜ່ອນຮັບອຸດຫນູນບຳນານ ແລະ ປະກາດການຍົກຍ້າຍແຕ່ງຕັ້ງພະນັກງານການນຳຂັ້ນສູງ ຂອງແຂວງຫລາຍຕໍາແຫນ່ງ ຂຶ້ນຢ່າງເປັນທາງການ, ໂດຍການເປັນປະທານຂອງທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງອັດຕະປື, ມີຄະນະນໍາຂອງແຂວງ, ພ້ອມດ້ວຍບັນດາທ່ານພະແນກການອ້ອມຂ້າງແຂວງ ແລະ ເມືອງເຂົ້າຮ່ວມ.

ທ່ານ ບຸນຮຽນ ແກ້ວບົວພາດ ຮອງເລຂາພັກແຂວງ ໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ວ່າດ້ວຍການອະນຸມັດພະນັກງານພັກຜ່ອນຮັບອຸດຫນູນບຳນານ ເຊິ່ງໄດ້ຕົກລົງໃຫ້ທ່ານ ອຸ່ນຫລ້າ ໄຊຍະສິດ ຄະນະປະຈຳພັກແຂວງ, ຮອງເຈົ້າແຂວງ ອອກພັກຜ່ອນຮັບອຸດຫນູນບຳນານ, ແຕ່ງຕັ້ງ ທ່ານ ທະນູໄຊ ບັນຊາລິດ ຄະນະປະຈໍາພັກ, ເປັນຮອງເຈົ້າແຂວງ; ຜ່ານຂໍ້ຕົກລົງຂອງເຈົ້າແຂວງ ວ່າດ້ວຍການຍົກຍ້າຍ ທ່ານ ບຸນເສີດ ເສດທິລາດ ຄະນະປະຈໍາພັກ, ຫົວໜ້າພະແນກກະສິກຳ ແລະ ປ່າ ໄມ້ ແຂວງ ມາຮັບຫນ້າທີ່ໃຫມ່ ເປັນຮອງເຈົ້າແຂວງ, ທ່ານ ເພັດມີໄຊ ຄຳພັກດີ ຄະນະປະຈໍາພັກ, ຫົວໜ້າພະແນກພາຍໃນແຂວງຜູ້ເກົ່າ ມາຮັບຫນ້າທີ່ໃຫມ່ເປັນ ເຈົ້າເມືອງສາມັກຄີໄຊ, ທ່ານ ບຸນທະມາລີ ຫມັ້ນອານົງ ກໍາມະການພັກ, ເລຂາພັກເມືອງ, ເຈົ້າເມືອງສາມັກຄີໄຊ ຜູ້ເກົ່າມາຮັບຫນ້າທີ່ໃຫມ່ເປັນຫົວ ຫນ້າພະແນກພາຍໃນແຂວງ, ທ່ານ ສຸລິຈັນ ພອນແກ້ວ ກໍາມະການພັກ ຫົວໜ້າພະແນກແຜນການ ແລະ ການລົງທຶນແຂວງ ຜູ້ເກົ່າມາຮັບຫນ້າທີ່ເປັນຫົວໜ້າຫ້ອງວ່າການປົກຄອງແຂວງ, ທ່ານ ສູນນະຄອນ ແກ້ວວຽງຄຳ ກໍາມະການພັກ, ຫົວໜ້າພະແນກໄປສະນີໂທລະຄົມມະນາຄົມ ມະນາຄົມ ແລະ ການສື່ສານ ຜູ້ເກົ່າ ມາເປັນຫົວໜ້າພະແນກແຜນການ ແລະ ການລົງທຶນແຂວງ ຜູ້ໃໝ່.

ຜ່ານຂໍ້ຕົກລົງວ່າດ້ວຍການ ອະນຸມັດ ທ່ານ ຄຳພູນ ແກ້ວມາລາ ຫົວໜ້າພະແນກສຶກສາທິການ ແລະ ກິລາ ແຂວງ ອອກພັກຜ່ອນບຳນານ, ແຕ່ງຕັ້ງທ່ານ ອຸດົມສິນ ສີຊານົນ ເປັນຫົວໜ້າພະແນກສຶກສາທິການ ແລະ ກິລາ ແຂວງ, ທ່ານ ຂັນທອງ ຍີ້ນດາວົງ ຮອງຄະນະຈັດຕັ້ງແຂວງ ເປັນຫົວໜ້າພະແນກໄປສະນີໂທລະຄົມມະນາຄົມ ແລະການສື່ສານ, ທ່ານ ພອນປະເສີດ ທອງສີທາວົງ ຮອງພະແນກກະສິກໍາ ແລະ ປ່າໄມ້ແຂວງ ເປັນຫົວໜ້າພະແນກກະສິກຳ ແລະ ປ່າໄມ້ແຂວງ.

ຈາກນັ້ນ ກໍໄດ້ຮັບຟັງການໂອ້ລົມຂອງສະຫາຍ ເລຂາພັກແຂວງ ເຈົ້າແຂວງອັດຕະປື ເພື່ອເປັນທິດເຍືອງທາງໃຫ້ຜູ້ທີ່ໄດ້ຮັບການຊັບຊ້ອນໜ້າທີ່ໃໝ່ຄັ້ງນີ້ ໄດ້ນໍາໄປຈັດຕັ້ງປະຕິບັດເຂົ້າໃນໜ້າທີ່ຄວາມຮັບ ຜິດຊອບໃຫ້ ເກີດດອກອອກຜົນ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)