ເຈົ້າເຄີຍສົງໃສບໍ່? ໃນເວລາທີ່ເຮົາໄປງານສົບມັກຈະມີບາງຄົນບໍ່ກິນເຂົ້າໃນງານ ຫຼື ມີບາງຄົນເວົ້າວ່າຫ້າມກິນເຂົ້າໃນງານສົບ.

ມື້ນີ້ເຮົາມາໄຂຂໍ້ສົງໃສກັນວ່າ ເປັນຫຍັງຈຶ່ງບໍ່ກິນເຂົ້າໃນງານສົບ? ກ່ອນອື່ນຂໍແນະນຳທ່ານກ່ອນ ເມື່ອເຮົາໄປງານສົບ ຊື່ງເວລາຄູບາ ຈົວ ສູດມົນສຳເລັດຮຽບຮ້ອຍ ເຈົ້າພາບຈະນຳເອົາອາຫານ ແລະ ນໍ້າດື່ມອອກມາຕ້ອນຮັບແຂກທີ່ມາຮ່ວມງານ ເປັນຕົ້ນແມ່ນຂະໜົມ ແລະ ເຂົ້າປຽກເຂົ້າ ກ໋ວຍຈັບ ກະເພາະປາ ເພື່ອເປັນການຕອບແທນນໍ້າໃຈເລັກ ໆ ນ້ອຍໆ ຂອງເຈົ້າພາບໃຫ້ກັບແຂກ.

ໃນສະໄໝກ່ອນເຄີຍມີຜູ້ເຖົ້າກ່າວເຕືອນວ່າ: ຜູ້ໃດທີ່ມີດວງຊະຕາບໍ່ດີ ຫຼື ດວງຕົກຫ້າມເດັດຂາດ ບໍ່ໃຫ້ກິນເຂົ້າ ຫຼື ດື່ມນໍ້າໃນງານສົບເດັດຂາດ ເພາະຄວາມໂຊກຮ້າຍຕ່າງໆ ຈະເຂົ້າມາຫາເພາະດວງຕົກນັ້ນເອງ ວິທີປ້ອງກັນເວລາດວງຕົກແມ່ນຫຼີກລ່ຽງການກິນອາຫານ ແລະ ເຄື່ອງດື່ມໃນງານສົບ.

ໝາຍເຫດ: ຄວນພິຈາລະນາ ເພາະເປັນຄວາມເຊື່ອສ່ວນບຸກຄົນ!