ພິທີປະກາດການແຕ່ງຕັ້ງ ສະຫາຍ ພົນຈັດຕະວາ ສາຍໃຈ ກົມມະສິດ ເປັນຮອງຫົວໜ້າກົມ ໃຫຍ່ເສນາທິການກອງທັບ ຈັດຂຶ້ນ ໃນວັນທີ 18 ທັນວາ 2020, ໂດຍການເປັນປະທານຂອງ ສະ ຫາຍ ພົນໂທ ປອ ທອງລອຍ ສິ ລິວົງ ກຳມະການສູນກາງພັກ, ຮອງລັດຖະມົນຕີກະຊວງປ້ອງ ກັນປະເທດ ຫົວໜ້າກົມໃຫຍ່ການ ເມືອງກອງທັບ, ມີຕາງໜ້າບັນດາ ກົມໃຫຍ່, ຫ້ອງວ່າການກະຊວງ ແລະ ກົມ, ກອງ, ຫ້ອງການ, ທີ່ຂຶ້ນ ກັບກົມໃຫຍ່ເສນາທິການກອງທັບ ເຂົ້າຮ່ວມ. ໂອກາດນີີ້, ສະຫາຍ ພົນໂທ ປອ ທອງລອຍ ສິລິວົງ ໄດ້ມີຄໍາເຫັນວ່າ: ການມອບໝາຍໜ້າທີ່ເປັນ ການປະຕິບັດຕາມກົດໝາຍນາຍທະຫານກອງທັບປະຊາຊົນລາວ, ໂດຍອີງໃສ່ຄວາມຮຽກຮ້ອງຕ້ອງ ການຂອງໜ້າທີ່ວຽກງານຢູ່ກົມ ໃຫຍ່ເສນາທິການກອງທັບ, ທັງ ເປັນການປັບປຸງບູລະນະກົງຈັກ ການຈັດຕັ້ງກົມໃຫຍ່ເສນາທິການ ກອງທັບ ໃຫ້ມີຄວາມໜັກແໜ້ນ ເຂັ້ມແຂງສາມາດເຄື່ອນໄຫວເຮັດ ສໍາເລັດໜ້າທີ່ການເມືອງທີ່ພັກ-ລັດມອບໝາຍໃຫ້, ພ້ອມກັນນັ້ນ, ກໍໄດ້ເນັ້ນໜັກໃຫ້ຜູ້ທີ່ໄດ້ຮັບໜ້າ ທີ່ໃໝ່ພ້ອມກັບໝູ່ຄະນະສືບຕໍ່ຄົ້ນ ຄວ້າເຊື່ອມຊຶມກຳແໜ້ນແນວ ທາງແຜນນະໂຍບາຍຂອງພັກ, ລະບຽບກົດໝາຍ, ຂໍ້ກໍານົດກົດ ລະບຽບຂອງກອງທັບ ແລະ ມະ ຕິກອງປະຊຸມໃຫຍ່ຄັ້ງທີ V ຂອງ ອົງຄະນະພັກກະຊວງປ້ອງກັນ ປະ ເທດ ໂດຍສະເພາະ 4 ໜ້າທີ່ ໃຫຍ່ 26 ແຜນງານທີ່ຄະນະພັກ ກະຊວງປ້ອງກັນປະເທດວາງ ອອກ, ສືບຕໍ່ນໍາພາກົມກອງດໍາ ເນີນການສຶກສາອົບຮົມການ ເມືອງນໍາພາແນວຄິດໃຫ້ທົ່ວເຖິງ ທຸກເປົ້າໝາຍ ເຮັດດ້ວຍຫຼາຍວິ ທີການຢ່າງຕໍ່ເນື່ອງ, ເອົາໃຈໃສ່ ເພີ່ມທະວີຄວາມຮັບຜິດຊອບຕໍ່ ໜ້າທີ່ການເມືອງທີ່ໄດ້ຮັບມອບ ໝາຍຕິດພັນກັບການເພີ່ມທະວີ ຄວາມສາມັກຄີພາຍໃນ-ພາຍ ນອກໃຫ້ແໜ້ນແຟ້ນກວ້າງຂວາງ, ສືບຕໍ່ເຝິກຝົນຫຼໍ່ຫຼອມຕົນເອງ ໃນຂະບວນວຽກງານຕົວຈິງ, ເຝິກຝົນທາງດ້ານຄຸນທາດການ ເມືອງ, ຄຸນສົມບັດສິນທໍາປະຕິວັດ ແລະ ແບບແຜນວິທີເຮັດວຽກ, ສືບຕໍ່ພົວພັນຮ່ວມມືກັບຕ່າງ ປະເທດ ໂດຍສະເພາະປະເທດ ເພື່ອນມິດຍຸດທະສາດ ເພື່ອຍາດ ແຍ່ງເອົາການຊ່ວຍເຫຼືອ ແລະ ທຶນຮອນໃນການກໍ່ສ້າງພະນັກງານວິຊາການໃຫ້ແກ່ກອງທັບເຮົາ ແລະ ພ້ອມກັນສູ້ຊົນປະຕິບັດເຮັດສຳ ເລັດໜ້າທີ່ ທີ່ໄດ້ຮັບມອບໝາຍ.
ໂດຍ: ນ. ຍ້ອມເພັດ