ພິທີປະກາດການແຕ່ງຕັ້ງ ສະຫາຍ ພົນຈັດຕະວາ ສາຍໃຈກົມມະສິດ ເປັນຮອງຫົວຫນ້າກົມໃຫຍ່ ເສນາທິການກອງທັບ ຈັດຂຶ້ນໃນ ວັນທີ 18 ທັນວາ 2020, ໂດຍການເປັນປະທານ ຂອງສະຫາຍ ພົນໂທທອງ ລອຍສິລິວົງ ກຳ ມະການສູນກາງພັກ, ຮອງລັດຖະມົນຕີກະຊວງ ປ້ອງກັນປະເທດຫົວຫນ້າກົມໃຫຍ່ ການເມືອງກອງທັບ, ມີ ຕາງຫນ້າບັນດາກົມໃຫຍ່, ຫ້ອງວ່າການກະຊວງ ແລະ ບັນດາກົມ, ຫ້ອງການ, ກອງທີ່ຂຶ້ນ ກັບກົມໃຫຍ່ເສນາ ທິການກອງທັບເຂົ້າຮ່ວມ.

ໂອກາດນີ້, ສະຫາຍພົນໂທ ທອງລອຍ ສິລິວົງ ໄດ້ມີຄໍາເຫັນວ່າ: ການມອບຫມາຍຫນ້າທີ່ ເປັນການປະຕິ ບັດຕາມກົດຫມາຍ ນາຍທະຫານ ກອງທັບ ປະຊາຊົນລາວ, ໂດຍອີງໃສ່ ຄວາມຮຽກຮ້ອງຕ້ອງການ ຂອງຫນ້າທີ່ວຽກງານ ຢູ່ກົມໃຫຍ່ເສນາທິການກອງທັບ,  ທັງເປັນການປັບປຸງບູ ລະນະກົງຈັກການ ຈັດຕັ້ງກົມໃຫຍ່ເສນາ ທິການກອງທັບໃຫ້ມີຄວາມ ຫນັກແຫນ້ນເຂັ້ມແຂງ ສາມາດເຄື່ອນໄຫວ ເຮັດສໍາເລັດຫນ້າທີ່ ການເມືອງຕາມທີ່ ພັກ-ລັດ ມອບຫມາຍໃຫ້, ພ້ອມກັນນັ້ນ, ກໍໄດ້ເນັ້ນຫນັກໃຫ້ຜູ້ທີ່ໄດ້ ຮັບຫນ້າທີ່ໃຫມ່ ພ້ອມກັບຫມູ່ ຄະນະ ສືບຕໍ່ຄົ້ນຄວ້າເຊື່ອມຊຶມ ກຳແຫນ້ນແນວທາງ ແຜນນະໂຍບາຍ ຂອງພັກ, ກຳແຫນ້ນລະບຽບກົດຫມາຍ, ຂໍ້ກໍານົດກົດລະບຽບ ຂອງກອງທັບ ແລະ ມະຕິກອງປະຊຸມໃຫຍ່ ຄັ້ງທີຂອງອົງຄະນະພັກ ກະຊວງປ້ອງກັນປະເທດ ໂດຍສະເພາະ 4 ຫນ້າທີ່ໃຫຍ່ 26 ແຜນງານທີ່ຄະນະພັກ ກະຊວງປ້ອງກັນ ປະເທດວາງອອກ, ສືບຕໍ່ນໍາ ພາກົມ ກອງດໍາເນີນ ການສຶກສາອົບຮົມ ການເມືອງນໍາພາແນວຄິດ ໃຫ້ທົ່ວເຖິງທຸກເປົ້າຫມາຍເຮັດ ດ້ວຍຫລາຍ ວິທີການຢ່າງຕໍ່ເນື່ອງ, ເອົາໃຈໃສ່ເພີ່ມທະວີ ຄວາມຮັບຜິດຊອບຕໍ່ຫນ້າທີ່ ການເມືອງທີ່ໄດ້ຮັບ ມອບຫມາຍ ຕິດພັນກັບການເພີ່ມທະວີ ຄວາມສາມັກຄີພາຍໃນ- ພາຍນອກໃຫ້ແຫນ້ນແຟ້ນ ກວ້າງຂວາງ, ສືບຕໍ່ເຝິກ ຝົນຫລໍ່ຫລອມຕົນເອງ ໃນຂະບວນວຽກງານຕົວຈິງ, ເຝິກຝົນຫລໍ່່ທາງດ້ານຄຸນທາດ ການເມືອງຄຸນສົມບັດ ສິນທໍາປະຕິວັດ ແລະ ແບບແຜນ ວິທີເຮັດວຽກ, ສືບຕໍ່ພົວພັນຮ່ວມມື ກັບຕ່າງປະເທດ ໂດຍສະເພາະ ປະເທດ ເພື່ອນ ມິດຍຸດທະສາດເພື່ອຍາດແຍ່ງ ເອົາການຊ່ວຍເຫລືອ ແລະ ທືນຮອນໃນການກໍ່ສ້າງພະນັກງານ ວິຊາການ ໃຫ້ແກ່ກອງທັບເຮົາ ແລະ ບັນຫາສໍາຄັນ ແມ່ນພ້ອມກັນ ສູ້ຊົນປະຕິບັດຫນ້າ ທີ່ຕາມທີ່ໄດ້ຮັບມອບ ຫມາຍໃຫ້ໄດ້ຮັບຜົນສໍາເລັດ.

 ສະຫາຍ ພົນຈັດຕະວາ ສາຍໃຈ ກົມມະສິດ ຮຽນຈົບຈາກໂຮງຮຽນ ນາຍທະຫານເສນາບັນຊາ ທີ່ໂອເດຊາອະດີດສ.ໂຊວຽດ, ປະຣິນຍາໂທວິທະຍາສາດ ປ້ອງກັນຊາດ ມະຫາວິທະຍາໄລມາດຣາສອິນ ເດຍ, ເຄີຍເປັນຫົວໜ້າ ຫ້ອງການກົມໃຫຍ່ ເສນາທິການ, ເປັນຫົວໜ້າກົມກຳລັງພົນ ແລະ ເປັນຫົວໜ້າ ການທະຫານກອງພົນທີ 1.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)