ມວນອາກາດໜາວເຢັນທີ່ມີກໍາລັງປານກາງ ຫາ ແຮງ ຍັງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ ແລະ ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ອາກາດຍັງເຢັນ ຫາ ໜາວເຢັນລົງຕື່ມອີກໃນແຕ່ລະພາກ ແລະ ອາກາດຈະໜາວເຢັນຫລາຍຢູ່ແຂວງພາກເໜືອ, ເຂດພູສູງ, ເນີນພູ ແລະ ຮ່ອມພູ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງພາກກາງ ແລະ ພາກໃຕ້. ລາຍງານຂໍ້ມູນອຸຕຸກະເສດ: ສໍາລັບພະຍາດພຶດແມ່ນຢູ່ໃນແຂວງບໍ່ແກ້ວ ມີຄວາມສ່ຽງຢູ່ໃນລະດັບປານກາງ ສ່ວນແຂວງອື່ນໆ ແມ່ນບໍ່ມີຄວາມສ່ຽງ ແລະ ໃຫ້ປະຊາຊົນໃນເຂດພາກເໜືອເອົາໃຈໃສ່ເຝົ້້າ ລະວັງ ກ່ຽວກັບຄວາມສ່ຽງຈາກສະພາບອາກາດໜາວເຢັນ ທີ່ຢູ່ໃນລະດັບສູງ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)