ບໍ່ວ່າຈະເປັນການຜະລິດກະສິກຳບໍ່ວ່າຈະເປັນການຜະລິດເຄື່ອງໃຊ້ຂອງສອຍ ແລະ ອື່ນໆ ລ້ວນແຕ່ເປັນມູນເຊື້ອ ເປັນການເສີມຂະຫຍາຍພູມປັນຍາທີ່ປານີດ ທີ່ເປັນເອກະລັກຂອງບັນພະບຸລຸດລາວເຮົາປະໄວ້ໃຫ້ ຊຶງ່ປັດຈຸບັນເຖິງວ່າມີເຕັກໂນໂລຊີເຂົ້າມາຢ່າງຫລວງຫລາຍ, ແຕ່ພູມປັນຍາສີໄມ້ລາຍມື ຍັງຄົງຮັກສາໄວ້ ແລະ ເສີມຂະຫຍາຍກວ້າງອອກ ກາຍເປັນສິນຄ້າ ສ້າງລາຍຮັບສ້່າງຮອຍຍິ້ມຂອງນາຍຊ່າງຫັດຖະກຳ ດັ່ງຫັດຖະກຳຈັກສານຂອງຊາວບ້ານໆນານົກຂຸ້ມກຸ່ມບ້ານນາແພງເມືອງທຸລະຄົມແຂວງ ວຽງຈັນ ທີ່ປີໜຶ່ງໆແຕ່ລະຄອບຄົວມີລາຍຮັບເຖິງ 30 ລ້ານກີບ.

ບ້ານນານົກຂຸ້ມ ຕັ້ງຢູ່ທາງທິດຕາເວັນອອກຂອງກຸ່ມບ້ານນາແພງ ບົນເສັ້ນທາງໄປເມືອງໄຊທານີ ແລະ ເມືອງປາກງື່ມ ນະຄອນຫລວງວຽງຈັນ(ເສັ້ນທາງຫລວງແຫ່ງຊາດເລກທີ 0120), ມີ 442 ຫລັງ ຄາເຮືອນ, 449 ຄອບ ຄົວ ແລະ ພົນລະເມືອງ 2.200 ກວ່າຄົນ, ຍິງ 1.100 ກວ່າຄົນ. ຢ້ອນໄປເມື່ອຊຸມປີຕໍ່ສູ້ກູ້ຊາດ, ບ້ານນີ້ ເປັນອີກໜຶ່ງທີ່ໝັ້ນນຂອງການປະຕິວັດ ແລະ ພາຍຫລັງປະເທດໄດ້ຮັບການປົດປ່ອຍ, ປະຊາຊົນໄດ້ເສີມຂະຫຍາຍມູນເຊື້ອດຸໝັ່ນ ແລະ ມູນເຊື້ອສາມັກຄີເປັນປຶກແຜ່ນຕັ້ງໜ້າຜັນຂະຫຍາຍແນວທາງ, ນະໂບາຍ ແລະ ແຜນພັດທະນາເສດຖະກິດ-ສັງຄົມຂອງພັກ-ລັດ ບົນພື້ຍຖານການປະກອບອາຊີບເຮັດນາທັງນາປີ ແລະ ນາແຊງເປັນຕົ້ນ, ລ້ຽງສັດ, ປູກພືດຕາມລະດູການ, ຄ້າຂາຍ ແລະ ການບໍລິການເປັນສຳຮອງ ຊຶ່ງພາຍໃຕ້ການນໍາພາຂອງຄະນະພັກ-ອົງການປົກຄອງເມືອງ ກໍ່ຄືຄະນະພັກຮາກຖານກຸ່ມບ້ານນາແພງ, ປະຊາຊົນບ້ານນານົກຂຸ້ມທີ່ເປັນ 1 ໃນ 42 ບ້ານ ຂອງເມືອງທຸລະຄົມນັ້ນໄດ້ປະຕິບັດທິດທາງແຜນການຂອງຄະນະພັກແຕ່ລະຂັ້ນຢ່າງແຂງແຮງ, ເປັນບ້ານທີ່ມີລະບົບການຈັດຕັ້ງເຂັ້ມແຂງ ແລະ ໃນການພັດທະນາອາຊີບນັ້ນ, ການຜະລິດກະຕ່າຂອງ ຂວັນ ໄດ້ກາຍເປັນອາຊີບໜຶ່ງທີ່ຕິດຕົວຫລາຍຄອບຄົວ ສາມາດສ້າງລາຍຮັບເຂົ້າຄອບຄົວມາແລ້ວເປັນເວລາຫລາຍປີ ບໍ່ວ່າຈະເປັນໄລຍະເລີ່ມທົດລອງຜະລິດຈົນມາຮອດປັດຈຸບັນ, ພະນັກງານຂະແໜງການກ່ຽວຂ້ອງຂອງເມືອງ ກໍ່ຄືຄະນະພັກ-ອົງການປົກຄອງບ້ານໄດ້ຊຸກຍູ້ສົ່ງເສີມຫັດຖະກຳຈັກສານຂອງປະ ຊາຊົນ.

ຂະນະທີ່ວັດຖຸດິບຕົ້ນຕໍກໍ່ມີຢູ່ຕາມປ່າທໍາມະຊາດ, ການຜະລິດກໍ່ບໍ່ຫຍຸ້ງຍາກ ເປັນອາຊີບທີ່ບໍ່ໄດ້ໃຊ້ແຮງງານຫລາຍ ເປັນວຽກງ່າຍ ແລະ ເຮັດຢູ່ເຮືອນ, ຂອດການຈໍາໜ່າຍກໍ່ບໍ່ຫຍຸ້ງຍາກເນື່ອງຈາກຜະລິດຕະພັນເກີດຈາກໃຈຮັກມັກຂອງນາຍຊ່າງທີ່ເນັ້ນຄຸນນະພາບ ເນັ້ນຄວາມປານີດຈົບງາມ, ລະອຽດ ແລະ ລາຄາຂາຍຍ່ອຍພຽງໜ່ວຍລະແຕ່ 5.000-10.000 ກີບເທົ່ານັ້ນ.

ຈາກການເຫັນໄດ້ເຖິງຄຸນປະໂຫຍດ ແລະ ຄວາມຕັ້ງອົກຕັ້ງໃຈຜະລິດກະຕ່າຂອງຂວັນຂອງປະ ຊາຊົນບ້ານນານົກຂຸ້ມ ທີ່ປະກອບສ່ວນສ້າງຄວາມເຂັ້ມແຂງຕໍ່ເສດຖະກິດລວມ, ການນໍາເມືອງໆທຸລະ ຄົມໄດ້ເອົາຫັດຖະກໍາດັ່ງກ່າວເປັນປັດໄຈສຳຄັນຕໍ່ແຜນພັດທະນາເສດຖະກິດ-ສັງຄົມ ເພື່ອຍູ້ແຮງຂະ ບວນການຜະລິດໃຫ້ນັບມື້ກວ້າງຂວາງກາຍເປັນອີກທ່າແຮງສ້າງຄວາມໝັ້ນຄົງໃຫ້ແກ່ການຜະລິດຂອງປະຊາຊົນຕໍ່ໄປ. ປັດຈຸບັນ, ມີ 30 ກວ່າຄອບຄົວຜະລິດກະຕ່າຂອງຂວັນ ແລະ ແຕ່ລະປີສາມາດສ້າງລາຍຮັບເຂົ້າຄອບຄົວບໍ່ໜ້ອຍກວ່າ 30 ລ້ານກີບ. ນອກຈາກສຸມໃສ່ຜະລິດກະຕ່າຂອງຂັວນແລ້ວ, ການປູກເຫັດນາງລົມ ແລະ ເຫັດນາງຟ້າ ກໍ່ໄດ້ກາຍເປັນຂະບວນ ແລະ ເປັນອີກໜຶ່ງອາຊີບໜຶ່ງທີ່ສຳຄັນສາມາດແກ້ໄຂຊີວິດການເປັນຢູ່ຂອງປະຊາຊົນໄດ້ເປັນຢ່າງດີ.

ເອົາເປັນວ່າຖ້າທ່ານໃດຢາກໄດ້ກະຕ່າຂອງຂັວນ ຫລື ເຫັດນາງລົງນາງຟ້າ ກໍ່ສາມາດໄປແວ່ ຫລື ຕິດຕໍ່ໂດຍກົງກັບນາຍບ້ານໆນານົກຂຸ້ມໄດ້ຕາມໝາຍເລກ 020 97894743.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)