ກວດໂຕຢ່າງຫາເຊື້ອໂຄວິດ-19 ໃຫ້ແກ່ໜ່ວຍງານຕ່າງໆ ທີ່ເຄື່ອນໄຫວຮັບໃຊ້ກອງປະຊຸມໃຫຍ່ ຄັ້ງທີ XI ຂອງພັກ.

0
222

ໃນຕອນເຊົ້າຂອງວັນທີ 9 ມັງກອນ 2021 ທີ່ຫໍປະຊຸມແຫ່ງຊາດ (ICC) ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດໂຄວິດ-19 ໄດ້ລົງກວດກາ ແລະ ເກັບໂຕຢ່າງໃຫ້ຈາກບັນດາໜ່ວຍງານທີ່ຮັບໃຊ້ໃຫ້ແກ່ກອງປະຊຸມໃຫຍ່ ຄັ້ງທີ XI ຂອງພັກ ເພື່ອນຳໄປວິເຄາະ ແລະ ກວດກາຫາເຊື້ອພະຍາດໂຄວິດ-19. ກ່ອນມື້ເປີດກອງປະຊຸມໃນລະຫວ່າງວັນທີ 13-15 ມັງກອນ 2021 ນີ້ ເຊິ່ງປະກອບມີຫຼາຍພາກສ່ວນເຂົ້າເກັບໂຕຢ່າງນຳກັນ ປະກອບມີໜ່ວຍງານພິທີການ, ໜ່ວຍງານປ້ອງກັນຄວາມສະຫງົບ, ໜ່ວຍງານສື່ມວນຊົນ ແລະ ອື່ນໆ ກໍ່ໄດ້ໃຫ້ການຮ່ວມມືເປັນຢ່າງດີ.

ໃນການກວດກາເກັບໂຕຢ່າງໃນຄັ້ງນີ້ກໍ່ແມ່ນເພື່ອ ໃຫ້ກອງປະຊຸມໃຫຍ່ ຄັ້ງທີ XI ຂອງພັກ ດຳເນີນໄປຢ່າງສົມບູນ ຈົບງາມ ແລະ ປອດໄພຈາກການແຜ່ລະບາດຂອງພະຍາດໂຄວິດ-19 ທີ່ກຳລັງລະບາດໃນທົ່ວໂລກ.