ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ ໄດ້ສືບຕໍ່ໄປຢ້ຽມຢາມ ແລະ ພົບປະໂອ້ລົມ ເພື່ອໃຫ້ກຳລັງແກ່ປະຊາຊົນທີ່ປະສົບໄພນ້ຳຖ້ວມຢູ່ຈຸດພັກຊົ່ວຄາວ ບ້ານປາກ ຊອນ ເມືອງຊະນະສົມບູນ ແຂວງຈຳປາສັກ.

ທ່ານນາຍົກລັດຖະມົນຕີ ກໍໄດ້ມີຄຳເຫັນໂອ້ລົມຕໍ່ອົງການປົກຄອງທ້ອງຖິ່ນ ແລະ ປະຊາຊົນ ຜູ້ປະສົບໄພນ້ຳຖ້ວມທີ່ກຳລັງພັກເຊົາຊົ່ວຄາວຢູ່ຈຸດບ້ານປາກຊອນ ພ້ອມທັງໄດ້ກ່າວຊົມເຊີຍ ຕໍ່ທຸກພາກສ່ວນທີ່ມີສ່ວນຮ່ວມໃນການຊ່ວຍເຫຼືອປະຊາຊົນ ທີ່ປະສົບໄພນ້ຳຖ້ວມໃນຄັ້ງນີ້.

ພ້ອມກັນນີ້ ທ່ານນາຍົກ ຍັງໄດ້ຖາມເຖິງສະພາບຊີວິດການເປັນຢູ່ຂອງປະຊາຊົນ ເປັນຕົ້ນ ແມ່ນ: ການຢູ່-ພັກເຊົາ, ອາຫານການກິນ, ສຸຂະພາບ, ຄວາມຕ້ອງການອັນຈຳເປັນ, ການ ຊ່ວຍເຫຼືອ, ການແກ້ໄຂບັນຫາດ້ານຕ່າງໆ ແລະ ທ່ານຮັບຟັງຂໍ້ສະເໜີຂອງປະຊາຊົນ.

ນອກນີ້ ທ່ານນາຍົກ ຍັງໄດ້ເນັ່ນໃຫ້ພາກສ່ວນທີ່ກ່ຽວຂ້ອງເອົາໃຈໃສ່ຕໍ່ບາງບັນຫາຕື່ມ ເປັນ ຕົ້ນ: ສືບຕໍ່ສະໜອງອາຫານການກິນ, ນ້ຳດື່ມ ແລະ ເຄື່ອງໃຊ້ທີ່ຈຳເປັນ ແກ່ປະຊາຊົນໃຫ້ ພຽງພໍ ແລະ ທົ່ວເຖິງ, ເອົາໃຈໃສ່ເບິ່ງແຍງດູແລສຸຂະພາບຂອງປະຊາຊົນຢ່າງໃກ້ຊິດ ໂດຍສະ ເພາະຜູ້ເຖົ້າຜູ້ແກ່ ແລະ ເດັກນ້ອຍ, ຕິດພັນກັບການປ້ອງກັນພະຍາດຕ່າງໆ ທີ່ອາດເກີດ ຂຶ້ນ, ເອົາໃຈໃສ່ຮັກສາສຸຂະອະນາໄມ ກິນ, ຢູ່ ດື່ມ ສະອາດ ແລະ ເອົາໃຈໃສ່ຕິດຕາມການແຈ້ງ ເຕືອນສະພາບດິນຟ້າອາກາດຢ່າງເປັນປົກກະຕິ.