ເມື່ອບໍ່ດົນມານີ້, ທ່ານ ຄຳຫວັນ ໂຂງຂຸມຄຳ ເລຂາຄະນະພັກຮາກຖານບ້ານໃຫຍ່ກາງໂຂງ ເມືອງໂຂງ ພ້ອມດ້ວຍພໍ່ແມ່ປະຊາຊົນຊົນຈຳນວນ 180 ກວ່າຄົນ, ຍິງ 30 ກວ່າຄົນ ໄດ້ສາມັກຄີກັນອອກແຮງງານລວມສ້າງທາງເບຕົງເສີມເຫລັກເສັ້ນທຳອິດຂອງບ້ານ. ເພື່ອຂ່ຳນັບຮັບຕ້ອນວັນສຳຄັນຕ່າງໆຂອງຊາດ, ຂອງພັກ.ການກໍ່ສ້າງເສັ້ນທາງບ້ານດັ່ງກ່າວ ແມ່ນຢູ່ຈຸດທາງຊອຍບ້ານໃຫຍ່ກາງໂຂງ ຄຸ້ມກາງໂຂງ, ມີຄວາມຍາວເກືອບ 100 ແມັດ, ກວ້າງ 4 ແມັດ, ໜາ 10 ຊັງຕີແມັດ. ໂດຍແມ່ນການປະກອບສ່ວນທຶນຮ່ວມກັນລະຫວ່າງພໍ່ແມ່ປະຊາຊົນບ້ານກາງໂຂງ ແລະ ນັກທຸລະກິດພາຍໃນເມືອງ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)