ໄກ່ຕົ້ມນໍ້າປາ ແມ່ນເມນູທີ່ເຮັດງ່າຍທີ່ສຸດ ບໍ່ວ່າໃຜກໍ່ສາມາດເຮັດໄດ້ ສ່ວນປະກອບບໍ່ມີຫຼາຍ ເຄື່ອງປຸງກໍ່ບໍ່ຫຼາຍ ແຖມຍັງສາມາດເລືອກເອົາສ່ວນຕ່າງໆ ຂອງໄກ່ທີ່ຈະຕົ້ມໄດ້ຕາມຄວາມຕ້ອງການ ມື້ນີ້ເຮົາມາເບີ່ງນຳກັນເລີຍ!

ສ່ວນປະກອບ ແລະ ເຄື່ອງປຸງໄກ່ຕົ້ມນໍ້າປາ

  1. ໄກ່ຕັດເປັນຕ່ອນປະລິມານ 1 ໂຕ
  2. ຫົວສີງໄຄ ທຸບໃຫ້ແຕກແລ້ວຕັດເປັນຕ່ອນ 70 ກຼາມ
  3. ຂ່າແກ່ 60 ກຼາມ
  4. ຫົວຜັກບົວແດງທຸບພໍແຕກ 3 ຫົວ
  5. ໃບໝາກຂີ້ຫູດ 5 ໃບ
  6. ຂີ້ມີ້ນ 30 ກຼາມ (ສຳລັບທາໃສ່ຊີ້ນໄກ່ໃຫ້ມີສີເຫຼືອງ)
  7. ນໍ້າປາ 4 ບ່ວງ
  8. ນໍ້າຕານ 1 ບ່ວງ
  9. ນໍ້າສຳລັບຕົ້ມ 500 ມິລິລິດ
  10. ສະອີ້ວດຳເຄັມ ½ ບ່ວງກາເຟ

ວິທີເຮັດ

  1. ເອົາຂີ້ມີ້ນທາໃສ່ໄກ່ໃຫ້ທົ່ວ ປະໄວ້ຈັກໜ້ອຍ (ຈະຊ່ວຍເພີ່ມສີສັນໃຫ້ໄກ່ເບີ່ງໜ້າກິນ ຖ້າບໍ່ມັກບໍ່ເຮັດກະໄດ້)
  2. ກຽມຫົວຜັກບົວແດງ ຂ່າ ຫົວສີງໄຄ (ທັງ 3 ຢ່າງທຸບໃຫ້ແຕກ) ແລ້ວຈີກໃບຂີ້ຫູດອອກຍ່ອງໃຫ້ມີກີ່ນ ຫຼັງຈາກນັ້ນໃສ່ທຸກຢ່າງລົງໃນໝໍ້
  3. ເຄື່ອງປຸງ ເຊັ່ນ: ນໍ້າປາ ນໍ້າຕານ ແລະ ສະອີ້ວດຳ ແລ້ວຕົ້ມຈົນຟົດ
  4. ຊີມລົດຊາດໃຫ້ອອກເຄັມ ຈາກນັ້ນເອົາໄກ່ທີ່ທາຂີ້ມີ້ນລົງຕົ້ມຈົນຟົດ
  5. ຕັກຟອງຂີ້ມີ້ນຖີ້ມ ຫຼັງຈາກນັ້ນຜ່ອນໄຟລົງເປັນກາງໆ ປິດຝາແລ້ວຕົ້ມຕໍ່ປະມານ 20 ນາທີ
  6. ເມື່ອຄົບເວລາຕົ້ມແລ້ວ ປິດໄຟແລ້ວແຊ່ໄກ່ໄວ້ໃນນໍ້າຊຸບປະມານ 15-20 ນາທີ ເພຶື່ອໃຫ້ລົດຊາດຊືມເຂົ້າຊີ້ນໄກ່
  7. ເມື່ອຕົ້ມໄກ່ນໍ້າປາຫອມໆ ແລ້ວສີ່ງທີ່ຂາດບໍ່ໄດ້ກໍ່ຕ້ອງມີນໍ້າແຈ່ວແຊບໆ ທີ່ຊ່ວຍເຮັດໃຫ້ໄກ່ຕົ້ມນໍ້າປາສົມບູນ ແລະ ແຊບຈົນລືມອີ່ມ

ສ່ວນປະກອບ ແລະ ເຄື່ອງປຸງນໍ້າແຈ່ວ

  1. ຮາກຜັກຊີ 1 ບ່ວງ
  2. ໝາກເຜັດຂີ້ໜູ 1 ບ່ວງ
  3. ຜັກທຽມປອກເປືອກ 1 ບ່ວງ
  4. ນໍ້າໜາກນາວ 3 ບ່ວງ
  5. ນໍ້າປາ 2 ບ່ວງ
  6. ນໍ້າຕານ 1 ບ່ວງ

ວິທີເຮັດນໍ້າແຈ່ວ

  1. ຕຳໝາກເຜັດຂີ້ໜູ ຜັກຊີ ແລະ ຜັັກທຽມ ໃຫ້ລະອຽດ
  2. ປຸງລົດຊາດດ້ວຍນໍ້າປາ ນໍ້າຕານ ແລະ ນໍ້າໝາກນາວ ສາມາດປຸງລົດຊາດ ສົ້ມ ເຄັມ ຫວານຕາມໃຈມັກ

!ໄກ່ຕົ້ມນໍ້າປາພ້ອມເສີບແລ້ວ!